" اِنٹرویو یا آؤٹرویو "

منجانب فکرستان: سنکی دانشور کا انٹرویو

ایم ڈی: محترم آپ انٹرویو دینے سے کتراتے کیوں ہیں؟

دانشور:انٹرویو یعنی میرےخیالات لیکن پوچھا کیاجاتاہے سبزی کونسی پسند ہے، خوشبو کونسی،موسم کونسا کے جوابات دینے
 سے  میری شخصیت کیسے آشکار ہوسکتی ہے ؟؟ جبتک کہ آپ وہ سوالات نہ پوچھیں  کہ جن کے بارےمیں ہرانسان سوچتا 
 ہے ، یعنی کائنات کے بارے میں،خُدا کے بارےمیں،جسم اور روح کےبارے میں ، حیات بعد موتکے بارے میں یا 
پھرخُدا انسانوں کےمعاملات میں  کتنا دخیل ہے؟مذاہب میںرائج عباداتی رسوم کے بارے میں،عباداتی رسوم کی اہمیت اور
 فائدے کے بارےمیں۔۔مذاہب میں فرقے در فرقے کیوں بنتے جارہے ہیں۔۔

 صوفی ازم کے بارے میں میرے خیالات جانتے، خُدا اور انسان کے تعلق کے حوالے سے میرے خیالات جانتے ۔۔۔میرے خیال میں تو جس شخص کا بھی انٹرویو  (اندرونی خیالات) لینا مقصود ہو اُسکی شخصیت جاننے کیلئے اِسی قِسم کے سوالات ضرور پوچھے جانے چاہئیں ۔۔۔اِن ہی سوالات کے جوابات  اُس انسان کی شخصیت کا انٹرویو کہلائےگا ۔۔۔دیگر قسم کے انٹرویو میرے نزدیک شخصیت کے انٹرویو نہیں آؤٹرویو کہلائیں گے۔۔۔

ایم ڈی : محترم میں آپ کا نقطہ نظر بالکل اچّھی طرح سے سمجھ گیا ہوں، میں آپ سے کوئی ایسا سوال نہیں پوچھوں گا، جو آپ کے نقطہ نظر سے آؤٹرویو کے زمرے میں آتا ہو۔۔۔بس آپ میرے ایک چھوٹے سے سوال کا جواب دے دیجئے ۔۔۔وہ یہ کہ آپ کو پھول کونسا پسند ہے ؟؟

دانشور: لاحول ولاقوۃ ۔۔ اب میں یہاں ایک منٹ بھی نہیں ٹھہر سکتا۔۔ آپ نے بھی وہی بیہودہ سوال کیا ہے۔۔۔

ایم ڈی : ارے جناب سُنئیے ۔۔۔سُنئیے تو سہی ۔۔ارے۔۔۔ارے۔۔۔ بھئی۔چلے کہاں ۔۔۔

 او ہو۔۔چلے گئے۔۔خُدا حافظ بھی نہ کہا  ۔۔۔

دوستو:( outerview) ڈکشنری میں کوئی لفظ نہیں ہے۔۔۔لیکن اپنی بات واضع انداز میں آپ تک پہنچانے کیلئے انٹرویو کے مقابل آؤٹرویو کو استعمال کیا ہے۔۔  

 اب مجھے اجازت دیں ۔۔۔پڑھنے کا بُہت شُکریہ ۔۔۔ 

نوٹ: درج بالا خیالات سے اختلاف/ اتفاق کرنا: ہر پڑھنے والے کا حق ہے

  {ہمیشہ رب کی مہربانیاں رہیں }       

   

" دو تراشے "

منجانب فکرستان

دوستو پوسٹ" ڈنرکا معجزہ" یاد ہوگی جس میں ڈنرکےبعد بی جے پی نے تلنگانہ کیلئے  کانگریس
 کی حمایت کا وعدہ کیاتھا،جوپورا ہُوا، یوں تلنگانہ تقریباً بن گیا۔ 

" وزیر اعظم کے ساتھ ڈنر 100فیصد ٹیکس ادائیگی پر " 

 "لو کر لو گل"

" قسمت اپنی اپنی"

منجانب فکرستان:دیکھیں رب کی عطا

ودیا بالن: جی ہاں وہی ودیا بالن، جِس کی آنکھوں کو رب نے ایک خاص چمک عطا کی ہے۔۔آپ جب

بھی ودیا کو تصور میں لائیں  گے۔۔۔اُس تصور میں ودیا کیآنکھوں کی چمک نمایاں ہوگی۔۔۔اِسیودیا بالن

نے ایسے کنواروں کیلئے۔۔۔جورات۔۔رات بھر جاگتے رہتے ہیں اور کہتے رہتے ہیں۔۔۔ مجھے نیند نہ آئے

۔۔نیند نہ آئے۔۔۔ایسوں کیلئے  اپنی پرائیوٹ زندگی سے پردہ اُٹھایا ہے  کہ: اُنہیں بھی نیند نہ آنے کی

 شکایت تھی۔۔ لیکن جب سے شادی ہوئی ہے۔ رات کا پہلا پہر ابھی گُزرنے نہیں پاتا ہے  کہ وہ نیند 

 کی آغوش میں چلی جاتی ہیں، خوب  جی بھر کر سوتی ہیں۔۔۔
جبکہ بعض خواتین کی شادی کا تجربہ ودیا بالن کے تجربے کا اُلٹ ہے۔۔۔وہ تو کہتی ہیں کہ شادی کے بعد اُنکی نیند کا ستیاناس ہوگیا ہے ،کسی دن بھی جیبھر کر سو نہیں پارہی ہیں ۔۔۔۔
 اِس بارے میں۔کیا کہہ سکتے۔۔ سوائے اسکے کہ: قسمت اپنی اپنی۔۔

  

اب مجھے اجازت دیں ۔۔۔پڑھنے کا بُہت شکریہ

نوٹ: درج بالا خیالات سے اختلاف/ اتفاق کرنا: ہر پڑھنے والے کا حق ہے

  { رب کی مہربانیاں رہیں }      

" واہ "

 منجانب فکرستان

واہ! پاکستان کا ذہین نوجوان جس نے مذاکرات کو : اپنے مسئلے کے حل کیلئے استعمال کیا !! 

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭(اردو ٹائمز)٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

 مسٹنڈے ڈاکٹرز مریض قابلِ دید:انتہائی نگہداش روم میں مریض کا یہ کیسا علاج ہورہا ہے !! 

" بیرونِ مُلک مقیم پاکستانی اور اسلام "

منجانب فکرستان پیش ہے:ایک مفکر سے ہوئی مذہبی حوالے سے سوال و جواب کی نشست کی روداد۔۔

ایم ڈی:محترم عرض ہے کہ:کالم نگار  جناب کنور دلشاد صاحب کی رائے میں:"دورِ حاضر میں انسانوں میں
 مذہب کی پیروی کم ہوتی جا رہی (اُنکے خیال میں) انسانی عقل وشعور کی بالیدگی نے،ایک جانب توہمات
 اور غلط رسوم کو ختم کیا ۔۔ تو دوسری جانب انسان مذہب کی ہدایت کو انسانی آزادی پر بے جا پابندیاں 
خیال کرتے ہوئے۔۔ مذہبی امور کو خیر آباد کر رہا ہے" اس رائے پر آپکی کیا را ئے ہے؟ 

 مفکر صاحب: میری رائے ذرا مختلف ہے ، چرچ سے بیگانگی ہو تو ہو، لیکن مسجد  سے محبت بڑھی ہے،
جس کا مشاہدہ ہم نہ صرف اپنے ملک میں کرسکتے  ہیں بلکہ بیرونی مُلک مقیم پاکستانیوں سے تبادلہ خیال کے زریعے بھی ہمیں معلوم ہوتا ہے کہ وہاں بھی مسجدیں خوب آباد ہو رہیں ہیں اور خاص کر نوجوان نسل میں اسلام سے وابستگی بڑھی ہے۔۔جس کا نتیجہ نئی نسل مغربی معاشرے میں ضم نہیں ہونا چاہتی ہے۔۔۔ جبکہ ابتدائی دنوں میں مغربی ممالک میں آکر بسنے والی نسل مغربی معاشرے میں اسطرح ضم ہوگئی کہ وہ "ڈیسوزا" بن گئی، اب اُسکی شناخت بھی ناممکن سی بات ہے۔۔ لیکن موجودہ نسل  نہ  صرف اپنی شناخت کھونا نہیں چاہتی، بلکہ شناخت مزید گہرا کرنا چاہتی ہے۔ ۔۔
تو اس بات سے ہم بخوبی اندازہ لگا سکتے ہیں اور کہہ سکتے ہیں کہ اسلام کے حوالے سے یہ بات کہنا کہ مذہب کی پیروی کم ہورہی ہے میرے خیال میں ٹھیک نہیں ہے بلکہ اس کے بجائے میں یہی کہوں گا کہ نئی نسل میں مذہب کی پیروی بڑھی ہے ۔۔۔ویسے ہر شخص اپنے مشاہدے کی بنا پر اپنی رائے کے اظہار کا حق رکھتا ہے۔۔۔    

ایم ڈی: بُہت بُہت شکریہ کہ آپ نے قارئین کو اپنی رائے سے نوازا انشاءاللہ پھر ملاقات ہوگی۔۔۔

خُدا حافظ۔۔۔خُدا حافظ

دوستو:محترم جناب کنور دلشاد صاحب کا کالم پڑھنے کیلئے لنک پر جائیں، کالم میں آپکو بُہت سی قابلِ غور مذہبی باتیں پڑھنے کو ملیں گیں۔ اور مجھے  اجازت دیں۔۔۔پڑھنے کا بُہت شُکریہ۔۔

http://www.dunya.com.pk/index.php/author/kunwar-mohammad-dilshad/2014-02-17/6090/74354054#.UwL2PGFgebN

 نوٹ: درج بالا خیالات سے اختلاف/ اتفاق کرنا: ہر پڑھنے والے کا حق ہے

  { رب کی مہربانیاں رہیں }    

" آگاہی کیلئے "

منجانب فکرستان: خُدائی حکمت کہ : صرف1٪  فرق کا معجزہ=انسان

" بشکریہ روز نامہ جنگ کراچی "

 نوٹ: درج بالا خیالات سے اختلاف/ اتفاق کرنا: ہر پڑھنے والے کا حق ہے

  {ہمیشہ رب کی مہربانیاں رہیں }    

" اولاند" بطور ایک عاشق "

منجانب فکرستان:"اولاند" پر مزاحیہ پوسٹ 

میرے معزز قارئین:مجھے مبارک باد دیں،ہار پہنائیں،گلے ملیں اور میری پیٹھ تھپ تھپائیں کہ میں 1/3

پیش گو پنڈت ہوگیا ہوں،پوسٹ "پھر دھمکی " میں کیجری وال کے استعفے کی پیش گوئی کی تھی، جو سچ

ثابت ہوگئی 1/3 اسلئیے کہ:عمران جمائما بعد حلالہ ایک ہوجائیں گے والی پیش گوئی غلط ہوگئی، جمائما کسی

مسخرے کے سنگ ہوگئی ہے۔۔۔

اسی طرح فرانس کے صدر اولاند کی بھولی صورت دیکھ کر پیش گوئی کی تھی کہ انکی پارٹنر"ٹرئیر وائلر"

 شادی کا پٹہ ڈالنے میں کامیاب ہونگی مگر اولاند نے تو پارٹنر شپ ہی توڑ ڈالی اور سرکاری رہائش سے صرف 300 میٹر دوری پر واقع اداکارہ ژولی گائییے کی رہائش گاہ عشق لڑانے ہلمٹ میں منہ چھپائے خوشی خوشی اسکوٹر پر سوار جانا آنا کررہے تھے۔۔ بھولے باشاسمجھ رہے تھے کہ اُنہیں کوئی نہیں دیکھ رہا  اور یہ بات بھول گئے کہ تھے "تاڑنے والے قیامت کی نظر رکھتے ہیں"۔۔جب اخبار میں اداکارہ گائییے کے ساتھ اُنکی تصاویر شائع ہوئیں تو دیکھ کر ہکا بھکا رہ گئے ۔۔ اور منہ سے نکلا ۔۔ہائیں یہ کیا ؟؟ 

ہوسکے تو "پھر دھمکی" تجزیہ" پڑھ کر دیکھیں ۔۔اور مجھے اجازت دیں۔۔۔ پڑھنے کا بُہت شُکریہ۔۔

 نوٹ: درج بالا خیالات سے اختلاف/ اتفاق کرنا: ہر پڑھنے والے کا حق ہے

  { ہمیشہ رب کی مہربانیاں رہیں }     

   

" بس یہی فرق ہے "

منجانب فکرستان ٹیگز: لافانی؛ فانی؛ فرق 

 دوست نے کہا صدر جارہے ہو تو والد صاحب کی یہ ہومیوپیتھک دوا بھی لیتے آنا۔۔۔دوا لیکر شیشی پر دوا
 کی ایکسپائری تاریخ دیکھنے کی کوشش کررہا تھا،۔۔۔دُکاندار سمجھ گیا،،اُسنے مجھ سے کہا : ہومیوپیتھک دوائیں
 کبھی ایکسپائر نہیں ہوتیں،میں نے کہا یہ کیا بات ہوئی؟؟کم یا زیادہ وقت کے فرق سے کائنات کی ہر شے
 فانی ہے ۔۔۔صرف ایک خُدا کی ذات ہے جو لافانی ہے۔۔۔ اور تم کہتے ہو میوپیتھک لافانی ہے۔۔۔
میرے خیال میں ایسا کہنا بھی ٹھیک نہیں۔۔یہ بات خُدا کی عظمت کے خلاف جاتی محسوس ہوتی ہے۔۔۔ نہ صرف ہومیوپیتھک دوا بلکہ کسی شے کے بارے میں بھی لافانی کا تصور صحیح نہیں ہے۔۔۔ہاں کسی کا عرصہ حیات چند ساعتوں  کا ہے، تو کسی کا کئی سالوں کا ، اور کسی کا صدیوں پر محیط ہے ،"اِس فرق کے ساتھ" ایکسپائری نظام کائنات کی ہر شے کا احاطہ کئے ہوئے ہے۔۔۔  

اب مجھے اجازت دیں۔۔۔پڑھنے کا بُہت شُکریہ 

نوٹ: درج بالا خیالات سے اختلاف/ اتفاق کرنا: ہر پڑھنے والے کا حق ہے

  { ہمیشہ رب کی مہربانیاں رہیں }      

    
      

" پھر۔۔ دھمکی "

منجانب فکرستان ٹیگز: تیر؛ بھگوڑے

 جی ہاں پھر دھمکی:کہا جاتا ہے نا"ہے جرم ضعیفی کی سزا مرگ مفاجات "  کمزوری کی یہ بات انڈین نیشنل
 کانگریس کے بارے میں کہی جارہی ہے، اور دھمکی دی ہے کیجری وال نے جس کے بارے میں لکھ چُکا
 ہوں کہ وہ کانگریس کی کمزوری کو انجوائے کر رہے ہیں ۔۔

تازہ دھمکی یہ ہے کہ" جن لوک پال بل" کانگریس اسمبلی سے منظورکرائے "چونکہ میری اصل لڑائیہی:
جن لوک پال بل کیلئے ہے"۔  ورنہ ۔۔۔ورنہ میرا استعفیٰ۔۔۔ میری حکومت ختم۔۔۔اور میں یہ چلا۔۔۔
بائے بائے ۔۔۔

کیجری وال کی یہ بات کسی کے سمجھ میں آرہی/ کسی کے سمجھ میں نہیں آ رہی ہے۔۔یعنی بعض لوگوں کا خیال ہے کہ یوں حکومت چھوڑ کر جائیں گے تو آنے والے الیکشن میں مخالفین اِس  بات کو اِشو بناکرعوام کے سامنے پیش کریں گے کہ: "بھگوڑوں کو ووٹ نہ دو" ۔۔۔

 جبکہ میری جیسی سوچ والوں کا خیال یہ ہے کہ کیجری وال ایک تیر سے دو شکار کرنا چاہتے ہیں، یعنی ایک طرف وہ عوام کو یہ باور کرا ئیں گے دیکھ لو: کرپشن کو روکنے والا بل کانگریس اور بی جے پی نے منظور نہ ہونے دیا، دوسری یہ بات عوام کو باور کرائیں گے کہ دیکھ لو: میں اقتدار کا بھوکا نہیں ہوں۔۔میں کرپشن کا خاتمہ اور عوام کی بھلائی چاہتا ہوں۔۔۔ ( اس بات میں شک کی رتی بھر گنجائش نہیں ہےکہ کیجری وال عوام کے ساتھ مخلص ہیں، اس بارے میں وہ اپنی جان تک کی بھی پرواہ نہیں کررہے ہیں)۔۔

مجھے ایسا بھی لگتا ہے کہ جیسے حقیقتاً وہ حکومت سے اپنی جان چُھڑانا چاہتے ہوں تاکہ وہ آنے والے لوک سبھا الیکشن کی بھر پور تیاری کرسکیں۔۔اگر حکومت میں رہے تو : حکومتی مسائل کی وجہ سے۔۔۔ لوک سبھا الیکشن  پر فوکس نہیں کر پائیں گے ۔۔۔میرے خیال میں کیجری وال استعفیٰ دے دیں گے، وزیراعلیٰ سے وزیِراعظم کی جانب قدم بڑھائیں گے ۔۔۔

   اب مجھے اجازت دیں ۔۔۔پڑھنے کا بُہت شُکریہ ۔۔۔ 

نوٹ: درج بالا خیالات سے اختلاف/ اتفاق کرنا: ہر پڑھنے والے کا حق ہے

  { ہمیشہ رب کی مہربانیاں رہیں }      

طالبان نے عمران کو کیوں منتخب کیا ؟؟

منجانب فکرستان 

سونامی بُہت تیزی سے بدنامی میں تبدیل ہوتی جارہی ہے،وعدے سراب ثابت ہورہے ہیں،بلدیاتی الیکشن تک 

نہیں کرائے جارہے ہیں،ایسے میں طالبان نے عمران خان کو اپنا نمائندہ منتخب کیا تو  کراچی، لاہور ڈیفنس کے 

 وہ روشن خیال ووٹرز جو پہلی بار پی ٹی آئی کیلئے ووٹ دینے گھروں سے نکلے تھے،، سکتے میں آگئے۔۔۔حالانکہ

 عمران خان نے ملالہ کی کتاب کی رونمائی کی اجازت نہ دینے پر اپنی حکومت پر سخت تنقید کی تھی اور کہا تھا

 اظہار کی آزادی پر پابندی نہیں لگنی چاہئیے ۔۔

ملالہ کی کتاب کی رونمائی کے حمایتی ہونے کے باوجود: عمران خان کو طالبان نے اپنی مذاکراتی کمیٹی کیلئے کیوں منتخب کیا ؟؟ میرے خیال میں اِسکا پس منظر طالبان، ڈرون اورعمران کا  ٹرائنگل ہے۔۔ طالبان کی طرح ڈرون کی شدید مخالفت اگر کسی شخص نے کی ہے تو وہ عمران خان کے علاوہ کوئی اور نہیں ہے ۔۔۔غالباً اسی وجہ سے طالبان نے اپنی مذاکراتی کمیٹی میں عمران خان کو شامل کیا تھا، جس کے نتیجے میں کُچھ لوگ اُنہیں اب  کپتان کے بجائے طالبان خان کہنے لگے ہیں۔۔۔ 

اب اپنے دوست کو اجازت دیں ۔۔۔پڑھنے کا بُہت شُکریہ ۔

نوٹ: درج بالا خیالات سے اختلاف/ اتفاق کرنا: ہر پڑھنے والے کا حق ہے

  { ہمیشہ رب کی مہربانیاں رہیں }      

       
    
   

" ان دیکھی طاقت "

منجانب فکرستان 

عزیز دوستو! انسان کی شخصیت کا یہ کیسا عجیب پہلو ہے کہ:جس راستے پر نہ چلنے کی قسمیں کھاتا ہے، وعدے کرتا 
ہے،اپنے آپ سے سنجیدہ عہد کرتا ہے، لیکن پھر اُسی راستے پر چلنے پر اپنے آپ کومجبور پاتا ہے ۔۔
 وہ کونسی طاقت ہے جو اِرادوں کو شکست دے دیتی ہے؟ قسموں، وعدوں اور سنجیدگی سے کئے گئے عِہدوں کو بھی
 کسی خاطر میں نہیں لاتی۔۔۔
مجاز یا منٹو کو ڈاکٹروں نے وارننگ دے دی تھی کہ اب وہ اسٹیج آگئی ہے شراب نہ چھوڑی تو زندگی تمہیں چھوڑ
 دے گی۔۔ اسکے باوجود اُنہوں نے شراب نہ چھوڑی، یوں زندگی اُنہیں چھوڑ کر چلی گئی۔۔
اسی طرح بعض حضرات سگریٹ نہ پینے کی قسمیں ،وعدے اور عہد توڑ کر سگریٹ پینے لگتے ہیں۔۔آجکل تو سگریٹ کے پیکٹوں پر سگریٹ پینے کے نقصانات بھی لکھے ہوتے ہیں۔۔

یہ ساری باتیں اسلئیے یاد آرہی ہیں کہ ہمارے جاننے والوں میں ایک کے جوان بھائی کو ہیروئن پینے کی لت ایسی پڑگئی تھی کہ:  نہ پینے کی قسمیں ،وعدے اور علاج سب بیکار ثابت ہوئے ۔۔۔یہ عادت بالآخر جان لیکر ہی ٹلی۔۔۔۔۔۔خُدا مغفرت فرمائیں ۔۔آمین ۔
دوستو: اس زبردست پُر اسرار اَن دیکھی طاقت کے بارے میںذرا غور تو کریں ، جو انسانوں کو نہ چاہتے راستوں پر چلواتی ہے، یوں یہ طاقت انسانی عقل ،پکے ارادے سب کو دُھول چٹواتی ہے۔۔۔میرا ایسا خیال ہے کہ اس زبردست طاقت نے ہر انسان سے کبھی نہ کبھی اپنی طاقت کا لوہا ضرور منوایا ہے، چاہے وہ انسان عقلی طور پر کتناہی طاقتور کیوں نہ ہو۔۔۔
بلکہ بعض دوستوں کا تو یہاں  تک کہنا ہے کہ: یہ ان دیکھی طاقت روز ہمیں ہمارے ارادوں کے برعکس ہمیں چلا تی ہے !!!        

 اب اپنے دوست کو اجازت دیں ۔۔۔پڑھنے کا بُہت شُکریہ ۔۔۔

نوٹ: درج بالا خیالات سے اختلاف/ اتفاق کرنا: ہر پڑھنے والے کا حق ہے

  { ہمیشہ رب کی مہربانیاں رہیں }      

" امن " آمین"

منجانب فکرستان

معلوم نہیں کہ دُنیا کے دیگر ممالک کے لوگوں کا موضوعِ گفتگو کیا ہے؟؟لیکن پاکستان میں جہاں چلے جائیں
 ایک ہی لفظ سُنائی دیتا ہے وہ ہے "مذاکرات" پان کی شاپ ہو کہ دودھ کی دُکان یا پھر ہو کوئی آفس سب  
جگہیہی لفظسُنائی دیتا ہے۔۔یہاں تک کہ دودھ پیتا بچّہ بھی اپنی چمکتی آنکھوں کو اُچکا اُچکا کر اشاروں اشاروں  
میں ہنس کر ماں کو بتاتا ہے، مذاکرات ہو رہے ہیں ،ماں بھی مُسکرا دیتی ہے،،دُنیا کا حسین ترین رشتہ۔۔

توقع ہے کہ دیگر پاکستانی حضرات کی طرح دُعا کے اسپشلسٹ  عامر لیاقت صاحب بھی مذاکرات کی کامیابی کیلے خصوصی دُعا مانگ رہے ہیں ہونگے۔۔ہم بھی سر بسجود ہوکر خُدا سے دُعا گو ہوئے ہیں کہ پاکستان امن کا گہوارہ بن جائے۔ 

 (آمین)

اب اپنے دوست کو اجازت دیں۔۔۔پڑھنے کا بُہت شُکریہ۔۔۔ 

نوٹ: درج بالا خیالات سے اختلاف/ اتفاق کرنا: ہر پڑھنے والے کا حق ہے

  { ہمیشہ رب کی مہربانیاں رہیں }        

"مجبوری۔ اور۔ لطف اندوزی"

 منجانب فکرستان ٹیگز:  کانگریس؛ عآپ

کیجری وال نے نہ صرف کانگریسی وزراء کو بدعنوان ٹھرایا، بلکہ لگے ہاتھوں اسی طرح کا الزام راہول گاندھی

 پر بھی دھردیا ۔۔۔

کانگریس کے ساتھ اتنا سب کرنے کے باوجود کانگریس کیجری وال کو حمایت دینے پر مجبور ہے۔۔ اسی مجبوری

 کو کیجری وال انجوائے کر رہے ہیں  ۔۔۔

 کانگریس "عآپ" کو حمایت دینے پر کیوں مجبور ہے؟؟؟ وہ اسلئیے کہ اگر کانگریس اپنی حمایت واپس لے لیتی

 ہے،توایسی صورت میں جُگاڑو بی جے پی سے یہ خطرہ لاحق ہے کہ کہیں وہ حکومت نہ بنا بیٹھے اور اگر  بیجے

پی حکومت نہیں بھی بناپاتی ہے تو  بھی ایسی صورت میں دوبارہ الیکشن ہونگے جس کے صاف معنی اکثریت سے دوبارہ "عآپ" کی حکومت یقینی ہے۔۔۔اسی لیے تو کیجری وال بات بے بات کانگریس سے اکڑ کر کہتے ہیں اپنی حمایت واپس لے لو ہم اپوزیشن میں بیٹھ جائیں گے ۔۔۔ہے نا سینے پر مونگ دلنے جیسی بات ۔۔۔۔  

کانگریس کو یقین سا ہے کہ آنے والے الیکشن میں اُنکی دال نہیں گلے گی، تاہم اُنکی یہ خواہش اور کوشش ہے کہ: کسی طرح بھی ممکن ہو  بی جے پی حکومت میں نہ آنے پائے۔۔ شاید اِسی سوچ کے پیشِ نظرکانگریس" ننّھے بالک" عآپ" کے لاڈ اُٹھانے پر خود کو مجبور پاتی ہے ۔۔

اب اپنے دوست کو اجازت دیں۔۔۔پڑھنے کا بُہت شُکریہ۔۔۔ 

نوٹ: درج بالا خیالات سے اختلاف/ اتفاق کرنا: ہر پڑھنے والے کا حق ہے

  { ہمیشہ رب کی مہربانیاں رہیں }