مرتے سمے ۔۔

غوروفکر  کیلئے !! منجانب فکرستان  
آپ کتنے فیصد؟ اِنسانی صفات کے حامل  ہیں۔۔   
یہ فیصلہ تواُس محتسب  کے ہاتھ میں ہے، جسے اِنسانی ضمیر کہتے  ہیں،اور جو لوگ  اعلیٰ  ضمیر  ہوتے ہیں وہ  اپنی تو کیا، اپنے کسی ساتھی یا دوست کی  جانب  سے  کسی  کمیونٹی کے خلاف  نا مناسب تبصرہ ہونے پر  خود اپنے  ضمیر پر بوجھ محسوس کرتے ہیں اور  اُنہیں  مرتے سمے بھی ضمیر کی خلش  محسوس ہوتی ہے،جب تک  معافی نہ  مانگ لیں سکون سے مر بھی نہیں سکتے ۔۔اِسکی تازہ  مثال امریکی سینیٹر باب بینئٹ ( Senator Bob Bennett)  کی  ہے۔۔
بسترِ مرگ پر پڑے ریپبلکن سینیٹر باب بینئٹ نے اپنی موت سے چند گھنٹے پیشتر اپنے عزیزوں سے کہا کہ اس ہسپتال میں اگر کوئی مسلمان ہے تو اُس سے  میری  بات کرائو، جس پر  ہسپتال میں موجود ایک مسلمان خاتون اُنکی مُلاقات کرائی گئی تو اُنہوں نے  خاتون  سے اپنی پارٹی کےریپبلکن  صدارتی امیدوار ڈونلڈ ٹرمپ کے مسلمانوں کے خلاف دیئے گئے بیانات پر معافی  چاہی۔۔۔
 اور  دُنیا سے کُوچ   کر گئے ۔۔۔ذرہ  ہو کہ آفتاب،سب کا  مُقدر کوُچ کرنا ہے۔۔
مکمل آگاہی  کیلئے لنک پر جائیں۔۔۔۔ میری  رائے ہے کہ لنک پر ضرور جائیں۔۔  
http://www.nbcnews.com/politics/2016-election/gop-senator-bob-bennett-apologized-muslims-trump-while-deathbed-n576566

نوٹ: پوسٹ میں   کہی  گئی باتوں سے اتفاق /اختلاف  کرنا  آپ کا  حق  ہے ۔۔

اب  مُجھے  اجازت  دیں۔

{ہمیشہ  رب  کی  مہربانیاں  رہیں} 

کُچھ " تصورِخُدا " کے بارے میں۔

منجانب  فکرستان
 مقتول  بنگلہ دیشی  پروفیسر  رضاالکریم صدیق   کی بیٹی نے  بی بی سی کو بتایا کہ ان کے والد خدا انکاری نہ تھے، وہ خُدا پر یقین رکھتے تھے ۔
یقیناً رکھتے ہوں گے اسلئے کہ انسانی ذہن  کیلئے  یہ بات مشکل ہے  کہ وہ  خُدا  اِنکاری ہو ۔۔۔تاہم گوتم بدھ نے بغیر خُدا  فلسفہ/مذہب  متعارف کرایا،  لیکن  گوتم کے مرنے  پر  پیروکارں نے اُسے ہی  دیوتا بنادیا۔۔۔کیوں کہ  یہ انسانی ذہن کی مجبوری  ہے۔
بعض  اشخاص  اپنے حاصل مطالعے کی بنیاد پر اپنا  تصورخُدا تشکیل  دے لیتے ہیں اور اپنے  تئیں سمجھ بیٹھتے ہیں کہ ہم نے ایک اعلیٰ فہم تصورخُدا  تشکیل دے لیا ہے، لیکن  ذرا سا غور کرنے پر اسِ  تصور خُدا  میں  سےبھی وہی مذہبی خُدا والی  صفات  صاف نظر آنے  لگتیں  ہیں۔۔۔
 اِس لئے کہ  کائنات میں  بغیر  صفت کسی  چیز کا تصورممکن نہیں تو تصورخُدا بغیر صفت خُدا کیسے ممکن ہوسکتا ہے 

سائنسدان  بھی خُدا انکاری نہیں ہوتے البتہ  اپنے  سائینسی ماحول اور سائینسی  فکر کے زِیراثر  کائنات میں  موجود مادہ/تونائی  کے  قوانینِ  ربط  کی  بنیاد  پر اپنے  تصور خُدا   میں کوئی  گریٹ  ڈزائنر تک پہنچا ، تو کوئی  کائناتی ذِہن تک پہنچ سکا  ۔۔۔۔

   صوفی کا  تصورِ خُدا  وحدۃالوجود   ہو یا کہ وحدۃالشہود ، اس تصورِ  خُدا میں خُدا کی  تمام  صفات  ضم ہوجاتیں ہیں،اب جو  کچھ  بھی ہے  اللہ  ہی اللہ ہے   یا  جو بھی  نظر  آرہا ہے  سب  اللہ   ہی  ہے  اِس کے  سوا  کُچھ بھی  نہیں ۔۔۔۔مادہ  ہو کہ  توانائی  سب  اللہ  ہی  اللہ ہے  ذرے  میں  دیکھو یا کہ  لہر  میں  اللہ ہی کو دیکھو گے۔۔۔   
   نوٹ: پوسٹ میں   کہی  گئی باتوں سے اتفاق /اختلاف  کرنا  آپ کا  حق  ہے ۔۔

اب  مُجھے  اجازت  دیں۔

{ہمیشہ  رب  کی  مہربانیاں  رہیں} 

دوستی کا اثر ؟؟۔۔

 منجانب فکرستان : برائے غوروفکر کیلئے  

 فلمی نغمہ : "اِک  لڑکی  کو دیکھا تو  ایسا  لگا " مارکیٹ میں آیا تو ایسا لگا جیسے شاعر نے رُومانس کی ماؤنٹ ایورسٹ  چوٹی  سرکرلی ہو ۔۔۔

جاوید اخترکی وجہ  شُہرت  رومانس  بھری  شاعری  ،تاہم  شبانہ  اعظمی  نے  اپنے  حالیہ  انٹرویو  میں کہا ہے  کہ اُنہیں  ایسا محسوس ہوتا  ہے، جیسے  جاوید میں تو  رومانس کی  ہڈی ہی  نہیں ہے۔۔۔۔اِسی طرح ریحام خاننے بھی  برطانوی جریدے  کو دئیے   اپنے انٹرویو  میں کہا  تھا   کہ عمران خان بالکل بھی رومانٹک نہیں ہیں ۔۔  عمران  خان  کے  حوالے  سے مان  لیتے  ہیں  کہ  پارٹی  کے معاملات  کی وجہ  سے  رومانٹک موڈ نہ بن پاتا ہو۔۔۔۔ البتہ جاوید اختر یعنی رُومانی  شاعر کے بارے انکی اہلیہ کا تبصرہ سوچنے والوں کو غوروفکر کی دعوت فراہم کرتا ہے  کہ  کہیں یہ  ساحر  کی دوستی کا  ذہن پر  پڑنے والا اثر تو نہیں ؟؟؟ جس نے کہا  تھا کہ۔۔

زندگی صرف مُحبت نہیں کچھ اور بھی ہے

زُلف و رُخسار کی جنت نہیں کچھ اور بھی ہے 

بھوک اور پیاس کی ماری ہوئی اس دُنیا میں 

عشق ہی ایک حقیقت نہیں کچھ اور بھی ہے
----------------------------------------------------------------------------------------------------

نوٹ:پوسٹ میں کہی گئی باتوں سے اختلاف / اتفاق کرنا آپ کا حق ہے
اب  مُجھے  اجازت دیں :  ہمیشہ رب کی  مہربانیاں  رہیں

فکرستان کی شئیرنگ (برائے) غوروفکر کیلئے

فکرستان  کی  شئیرنگ  (برائے) غوروفکر کیلئے 

پیاری بیٹی فاطمہؓ ۔

فکرستان  کی  شئیرنگ بعنوان  " میں  نے پڑھا "  
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سورة الحج :آیت 17
  جو لوگ ایمان لائے، اور جو یہودی ہوئے، اور صابئی، اور نصاریٰ، اور مجوس، اور جن لوگوں نے شرک کیا، ان سب کے درمیان اللہ قیامت کے روز فیصلہ کر دے گا، ہر چیز اللہ کی نظر میں ہے۔۔
سورة البقرة:آیت 62
  یقین جانو کہ نبی عربی کو ماننے والے ہوں یا یہودی، عیسائی ہوں یا صابی، جو بھی اللہ اور روزِ آخر پر ایمان لائے گا اور نیک عمل کرے گا، اُس کا اجر اس کے رب کے پاس ہے اور اس کے لیے کسی خوف اور رنج کا موقع نہیں ہے ۔۔
سورة الشعراء  آیت  214
اپنے قریب ترین رشتہ داروں کو ڈراؤ ۔( سید ابوالاعلیٰ  مودودی)۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سورة الشعراء کی یہ  آیت  نازل ہونے پر آپ  ﷺ  نے اپنی پیاری بیٹی  فاطمہؓ  سے فرمایا: اے میری پیاری بچی  فاطمہؓ تم بھی اپنے  تئیں دوزخ کی آگ  سے بچالو کیونکہ میں تمھارے لیے اللہ  کی طرف سے کسی چیز کا مُختار نہیں ہوں،بہ جز اسکے کہ میری تم سے قرابت داری ہے  ،سو میں اسکا حق ادا کرتا رہوں گا ،البتہ میرے مال میں سے جتنا چاہو مانگ لو۔۔ (  کوہِ صفا کا خطبہ سے اقتباس)۔

نام کتاب: خطباتِ رسول ﷺ ۔۔مرتب: محمد رفیع الدین ہاشمی ۔۔ناشر: منشورات

                    {ہمیشہ  رب  کی  مہربانیاں  رہیں} 

غوروفکرکیلئے ۔۔۔

فکرستان  کی  شئیرنگ بعنوان  " میں  نے پڑھا "  
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
کیا میں آدم اور حوّا کو شجر چھوتا دیکھوں گا؟ کیا میں انہیں زمین پہ اترتا دیکھوں گا؟ کیا میں اوّلین انسان کو زمین پہ بستا دیکھوں گا؟ کیا اس ز مین پر میں اسے آگ دریافت کرتا دیکھوں گا؟ کیا میں پہلے پہیے کو گھومتا دیکھوں گا؟ کیا میں برف بنی زمین دیکھوں گا؟ کیا میں آسمان سے برستے پتھروں اور مخلوقات کو ناپید ہوتا دیکھوں گا؟ کیا میں انسانی کاسۂ سر میں عقل کا نزول دیکھوں گا؟ کیا میں کہکشائوں کو کہکشائوں میں ملتا دیکھوں گا؟ کیا میں ایک پوری کہکشاں کو اس کے مرکزی بلیک ہول کے گرد ناچتا دیکھوں گا؟میرے سر میں جو شے تو نے نازل کی ہے ، تجسس کی رہنمائی میں وہ عقل حقیقت سے آشنا ئی چاہتی ہے ۔ کیا تو دے گا، میرے مالک؟
میں مجبور ہوں ، معذرت خواہ ہوں کہ تجھے فقط مادے اور توانائی کا رب کہہ کر مخاطب کر رہا ہوں ۔۔
- See more at: http://www.dunya.com.pk/index.php/author/bilal-ur-rashid/2016-01-19/14073/11434343#tab2 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ہمارے پاس اب جینے کے تین راستے ہیں: ما ل مویشی کی طرح رہنا سیکھیں، طاقت اور دھوکے سے اپنے حقوق چھینیں یا پھر خاموشی سے یہ ملک چھوڑ جائیں۔ میں (کے پی کی) نئی نسل کے بہت سے نمائندوں سے ملا۔ وہ پنجاب مرکزیت پر مبنی جمہوریت کے اس ماڈل پر اپنا اعتبار مکمل طور پر کھو چکے۔۔۔
 - See more at: http://www.dunya.com.pk/index.php/author/khursheed-nadeem/2016-01-18/14056/99069797#tab2
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
 نوٹ:  کہی  گئی باتوں سے اتفاق /اختلاف  کرنا  آپ کا  حق  ہے ۔۔

اب  مُجھے  اجازت  دیں۔

{ہمیشہ  رب  کی  مہربانیاں  رہیں}  

چاہت میں کیا دنیا داری، عشق میں کیسی مجبوری ؟۔

 فکرستان کی:ہلکی  پُھلکی پوسٹ

یہ دنیا مقابلوں کی دنیا  ہے ۔۔ سب سے زیادہ دولت مند کون؟ ملکہ  حُسن کون؟  سب سے زیادہ لمبا کون،چھوٹا کون موٹا کون ؟ وغیرہ ۔۔۔لیکن کوئی ایسی کمیٹی نہیں بنی کہ جو یہ بتائے کہ دُنیا کا  سب سے بڑا  عاشق کون ؟
 وہ  جو قیس سے مجنوں بن گیا یا  پھر وہ  جو مچھلی کا شکار نہ ملنے  پر   سوہنی  کو اپنی ران کا گوشت کاٹ کر  پیش کر دیا ( مہیوال   قصاب نہیں  تھا ) ،یا  جس نے اپنی شیریں کیلئے  میٹھے  دودھ کی نہر کھود ڈالی  (فرہاد گوالہ نہ  تھا) رانجھا بھی  بِھکاری نہیں تھا، اُس بیچارے  کو بھی   ہیر کی خاطر  بھکاری بننا پڑا تھا ۔۔۔

 اِس مُقابلے کی دُنیا میں ہمارے  عاشق نے عاشقی کی  ایسی داستان  رقم  کی ہے  جسکا  مُقابلہ کوئی عاشق نہیں کر سکتا ۔۔۔ ثابت کردیا کہ ۔۔۔

 چاہت میں کیا دنیا داری، عشق میں کیسی مجبوری  ؟۔

https://www.youtube.com/watch?v=qNY4xBXQTqU

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

عشق کی  یہ  انوکھی داستان"  ٹائمز آف انڈیا "کے  درج ذیل  لنک پر  ہے ۔۔ 

http://timesofindia.indiatimes.com/city/lucknow/He-turned-Meera-for-his-Krishna-from-Pakistan/articleshow/50540323.cms

 اس  پوسٹ کہی  باتوں سے اِختلاف / اِتفاق کرنا آپ کا حق ہے ۔ 

مُجھے  اجازت دیں۔۔  خالق  کی مہربانیاں  رہیں 

" افکار تازہ "

فکرستان  کی  شئیرنگ : غوروفکر کیلئے 

کہی  باتوں سے اِختلاف یا اِتفاق کرنا آپ کا حق ہے ۔ 

--------------------------------

http://e.dunya.com.pk/colum.php?date=2016-01-10&edition=LHR&id=64995_60744677

نوٹ: پہلاحصّہ پڑھنے  کیلئے  درج  بالا لِنک پر جائیں،اورمُجھے اِجازت دیں۔ خالق کی مہربانیاں رہیں  ۔۔  

" غوروفکر کیلئے "

فکرستان  کی  شئیرنگ : غوروفکر کیلئے

----ٓ-------------------------------------------------

  روز نامہ  دُنیا

" رب کا شُکرانہ ٪99 کمپنی شیئرز کا عطیہ"

فکرستان کی شئیرنگ : برائے  غوروفکر  کیلئے

بانیِ فیس بک و اہلیہ نے خالقِ  کائنات کے"عطیہ"

پراپنے٪99 کمپنی شئیرز کا "عطیہ" دیا

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
  روز نامہ  دُنیا

فکرستان کی شئیرنگ :30/11/2015

فکرستان  کی شئیرنگ:برائے  غوروفکر  کیلئے

  روز نامہ  دُنیا

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
"  دل  کا  بھروسہ "
http://universe-zeeno.blogspot.com/2015/11/blog-post_12.html

" دل کا بھروسہ "

منجانب  فکرستان

چشمے  کیلئے ایک  واقف  کار  دکان  دار  کے  ہاں  جانا  ہوا،  دوران  گفتگو  اُنہوں  نے  کہا  کہ  وہقُربانی  کرنے  کے  بجائے  جانور  کی  رقم  فلاحی  ادارے  کو  دیتے  ہیں،اداکارہ   ثمینہ پیرزادہ قُربانی نہیں کرتیں ،لیکن اُنکے خیال میں سنّت  ابراہمیؑ  کی  اداگئی  کیلئے   وہ  جس طریقے  پر  عمل  پیرا ہیں وہ  قُربانی  کے  اصل  مقصدومفہوم  سے  قریب  تر  ہے ٭۔۔ اسی قُربانی  کو  حوالہ  بنا  کر  اپنے مذہبی خیالات آپ سے  شئیر   کرنا  ہے۔ ۔

 مذہب  کی بنیاد اُس  دن  پڑ گئی  تھی  جب  خُدا  نے  آدمؑ  سے  کہا  تھا  کہ  دیکھو  اُس  درخت  کے  قریب نہ  جانا  ۔۔۔ اور شیطان نے آدمؑ  سے کہا  اِس  درخت  کا  پھل  کھاؤ  گےتو   ابدی زندگی   اور   لازوال  سلطنت  پاؤ  گے(یہ  چیزیں  آج  بھی انسان  کے  لئے  کشش  کا  باعث  ہیں) آدمؑ  شیطان  کے  بہکاوے  میں  آگئے ۔۔۔ نتیجے  میں جنّت سے  نِکل نا  پڑا  تو جہاں   خُدا  کے  کہے پر  یقین کر نے  اہمیت  واضع  ہوئی  وہیں  یہ بھی  کہ  کبھی  بھی  شیطان  یا عقل  کے  بہکاوے  میں  نہیں آنا  ہے ۔۔

 مذاہب آسمانی  ہوں  کہ  غیر  آسمانی  بانیان سب سے  پہلے  اپنے  قول  و  فعل  سے  اپنے  آپ کو  سچّا  ثابت  کرتے  ہیں، پھر  عقیدوں  پر  مشتمل  دُنیا  اور آخرت کے  بارے  میں  مذہبی  تعلیم  دیتے  ہیں   اور غلط  راستوں  سے  خبردار  کرتے  ہیں ( جس  طرح  خُدا  نے  آدمؑ  کو  خبردا کیا  تھا  کہ  اُس  درخت  کے  قریب  نہ جانا ) لیکن  جیسے  ہی  بانیانِ  مذہب  اپنے  پیروکاروں  کے  درمیان  سے  اُٹھ  جاتے  ہیں تو  اسی  مذہب  کے  چند  عُلما  مذہب  میں عقلی دلیل ، حجت  اور  خطابت  کے زور پر مذہب  کو  فرقوں  میں  بانٹ  دیتے  ہیں ، گُناہ  ثواب  کے اپنے  پیمانے  ایجاد کرتے  ہیں،  جیسے  گوشت  کھانے  والے  کو مارنا  ثواب  ہے۔  یوں  یہ فرقے  پُر  امن  مذہب  کو  پُر تشدد  اور  خوُنی  بنا دیتے  ہیں،  ہر  مذہب  میں  جتنے  بھی  فرقے  بنتے  ہیں  وہ  صرف اور صرف  عقلی دلیل  اور  حجت  کی  بنیاد پر  بنتے  ہیں۔۔۔  یہ بات اِس  مثال  سے صاف  ہوگی :مثلاً  ایک فرقہ  عقلی  دلیل پر یہ  کہتا ہے کہ : ایک   شہنشاہ  نے بنواکے  حسیں تاج محل ساری  دُنیا  کو  محبت  کی  نِشانی  دی  ہے۔۔  دوسرا  فرقہ اسی  عقلی  دلیل  کو استعمال  کرتے  ہوئے کہے گا  کہ: اِک  شہنشاہ  نے  دولت  کا  سہارا  لے  کر  ہم غریبوں  کی  محبت  کا  اُڑا  یا  ہے  مذاق ۔۔۔اسطرح  یہ  دو  فرقے  بن گئے  دونوں  طرف  کے  پُر جوش عُلما  اپنی  دھاک بِٹھانے  کیلئے  ایک  دوسرے کے  خلاف  ایسی ایسی  مذہبی  دلیلیں تراشیں  گیں  کہ  جزا سزا  کیلئے  خُدائی  فیصلے کا قِیامت    تک کا  انتطار  کون  کرے، دونوں  فرقے  خود ہی  ایک  دوسرے  کو  جہنمی  قرار  دے  لیں گے۔۔۔
 مذہب میں  فرقہ پرستی منع  ہے۔۔ مذہب  نام  ہے  یقین  پرستی  کا  ۔۔مثلاً  تثلیت  کا عقیدہ  (خُدا: بیٹا: روح القدس)    یہ عقیدہ  کسی  غیر عیسائی  کو  کتنا  ہی مہمل  محسوس  ہو ۔۔  جو بچہ  عیسائی  گھرانے  میں پیدا ہوگا  وہ  تثلیت  پر یقین  رکھے  گا ،موجودہ  دُنیا میں  اسی  عقیدے  کے  پیرو  کار سب  سے  زیادہ ہیں  اور یہ  بھی کہ تعلیم  یافتہ  بھی  زیادہ  ہیں۔۔ اسلئے  اِنہوں نے  اپنے  عقیدے(  تثلیت )  کو  عقلی  بنانے کیلئے  مختلف  قسِم  کے  کئی  فارمولے  وضع  کئے۔۔  لیکن  عقیدہ  تثلیت  ہے کہ  بدستور  انکا  منہ  چڑا رہا ہے  اور  کہہ  رہا  ہے  اے  عقل  کے  مارو   مذہبی عقیدوں   پر  صرف  یقین  کیا  جا  سکتا  ہے  انہیں  ثابت  نہیں  کیا  جا سکتا ہے۔۔  چونکہ  اِنکا  تعلق  عقل  کے  بجائے  دل  سے  ہوتا ہے۔۔  لغت  میں عقیدہ کے معنی ہیں" دل کا بھروسہ"  دل  کے بھروسے کو  عقل  سے ثابت  نہیں  کیا جا سکتا  ہے ، اِس  پر صرف  یقین  کیا  جاتا ہے یعنی  بانیِ مذہب  نے جو کچُھ کہا اُس  کہے کا  بھروسہ  دل  میں  راسخ  ہونے  کا  نام ایمان ہے اور اس پر  من وعن عمل  کرنے کا نام مذہب ہے۔۔۔مثلاً  جین  مت کے گرو نے  کہا  کہمردوں  کے سر  پر  بال نہیں  رہنا  چاہئے ۔۔اسی لئے  عملاً  جینی کُھلے  سر  گنجے رہتے ہیں ۔۔۔

 (جین مت کے پیروکاروں میں شرح خواندگی (94.1)  فیصد ہے)۔

ــــــــــــــــــــــــــــــــــــــــــــــــــــــــــــــــــــــــــــــــــــ

 جبکہ سکھ مت کے  گرو  نے کہا  کہ جسم کے کسی  بھی  حصّے  کے بال نہ کاٹے  جائیں ۔۔ اور مردوں کیلئے  یہ ہدایت بھی ہے کہ  وہ  انِ بالوں کو باندھ کر پگڑی  میں رکھیں اور یہ بھی کہ پگڑی  لوگوں کے سامنے  نہ اُتاریں ۔۔ سکھ مت  کے پیروکار بھی  گرو  کی  کہی انِ  باتوں پر عمل کرتے ہیں ۔۔۔

سکھ مت کی  پیروکار لیڈی ٹیچر"ہرنام کور" کے چہرے  پر بال  ہیں،لیکن

  گرو  کا کہنا ہے کہ بال نہیں  کا ٹنا ہے، ہرنام کور گرو  کے کہے  پر عمل کررہی ہے۔ 

________________________________________________________________________

 اسِ  ساری  آگاہی  کا  مقصد  یہ ہے کہ  ہمیں بھی آپﷺ کی تعلیمات پر من و عن  عمل کرنا چاہے ۔۔عقیدوں میں عقل کو نہیں  گھسانا چاہے  کہ  قُربانی  کرنے  کے  بجائے  جانور  کی  رقم  کسی  فلاحی  ادارے  کو دیکر کہو کہ سنّت  ابراہمیؑ  ادا  ہوگئی  یہ  لوگوں  کی  بھول  ہے  ۔۔جیسے  اُوپر  کہا  گیا  ہے کہ  مذہبی  عقیدوں  میں  عقل  کو  داخل  کرنے سے۔۔۔ سوائے  نیا  فرقہ ہاتھ آنے کے۔۔ کچُھ ہاتھ نہ آئے گا۔۔  

اب  مُجھے  اجازت  :  ہمیشہ رب کی  مہربانیاں  رہیں

نوٹ:پوسٹ میں کہی گئی باتوں سے اختلاف / اتفاق کرنا آپ کا حق ہے

٭ http://magazine.jang.com.pk/detail_article.asp?id=29110

"مِنجانب فِکرستان"

 "مِنجانب فِکرستان" 

"تکمیل کے لئے"

منجانب فکرستان:جوڑے کا جواب،غوروفکرکیلئے

 جزیشن گیپ کی حقیقت دواور دو چار جیسی نہیں۔۔۔ورنہ ایک چوبیس سالہ خوبرو جوان لڑکی چوراسی سالہ بوڑھے شخص کو بھرپُورقِسم کی عشقیہ شاعری والے لو لیٹر کبھی نہ لکھتی اور نہ ہی چوراسی سالہ بوڑھے شخص سے شادی کرتی۔۔۔تصاویر میں دُلہن کی خُوشی دیدنی ہے ۔۔ 
یہذِکرخیر ہو رہا ہے روس کے لیجنڈ اداکار جناب آئیوان کی شادی کا ۔۔

تاہم نوبیاہتا جوڑے کو روس کی میڈیا کی تنقید کا سامنا کر نا پڑا،جسکے جواب میں جوڑے نے میڈیا والوں کو یہ جواب دیا کہ"ان کا رشتہ تو جنت میں ہی طے پا گیا تھا۔ہم  تو بس اُسی رشتے کی تکمیل کے سلسلے میں دنیا میں آئے ہیں،اور یہ بھی کہ ہم اولاد کی خُواہش رکھتے ہیں"۔

شادی کی تصاویر اور تفصیل کے لئے لنک پر جائیں اور مُجھے اجازت دیں۔۔

http://hotmodelphotos.com/84-year-old-russian-actor-marries-his-24-year-old-fiancee-and-plan-on-starting-a-family/

نوٹ:پوسٹ میں کہی گئی باتوں سے اختلاف / اتفاق کرنا آپ کا حق ہے

          {ہمیشہ رب کی مہربانیاں رہیں }

"فلسفی کا اعتراف "

منجانب فکرستان:غوروفکرکیلئے

 کل 10ستمبر کوخُودکشیوں کی روک تھام کا عالمی دن  منایا گیا ، اور آج پانچ افراد کی خُودکشی کی خبر پڑھنے کو ملی۔۔۔

 ایک شخص مشہورفلسفی ول ڈیورانٹ کے قریب آیا اور کہا میں خودکشی کرنے والاہوں۔۔تاہم اگرآپ نے زندگی کیلئے معقول دلیل دی، تو اس اقدام سے باز رہوں گا ۔۔

ول ڈیورانٹ کو ایسے خطوط  ملتے رہتے تھے کہ جِن میں خودکشی کرلینےکی خواہش یا دہمکی ہوتی، ایک سال تو ایسے خطوط کی تعداد 284 ہوگئی جنہوں نے حساس فلسفی  کو  ہلاکر رکھ دیا  ،(جیسے تین سالہ ایلان کی تصویر نے یورپ کو ہلاکر رکھ دیا )۔۔فلسفی کے دل میں  یہ خیال پیدا ہُوا کہ اس بارے میں کیوں نہ دُنیا کے Genius لوگوں سے رابطہ کروں اور اُن کی رائے معلوم کروں، چُنانچہ اُنہوں نے 100 افرادکو خُطوط لکھے۔۔

 تاہم اُنہوں نے اس بات کا اعتراف کیا کہ خودکشی کیوں؟؟ کا وہ جواب نہیں دے سکتے ہیں اُنکا کہنا ہے کہ " جب سے میرا مذہب پر اعتقاد ختم ہُوا ہے میں اس مسئلے پر گہری سوچ بچار کرتا رہا ہوں اور اس دوران مجھ پر نااُمیدی کی وہی کیفیت طاری ہوتی ہے جس کا اظہار فرانسیسی اور جرمن وجودیوں نے بھی کیا ہے"۔۔۔۔

( گویااس بات کااعتراف ہے کہ زندگی میں معنی صرف مذہب سے ہی ہے)۔۔
یعنی عقیدہ،یعنی یقین 

"On the meaning of life"سے ماخوذ 

نوٹ:پوسٹ میں کہی گئی باتوں سے اختلاف / اتفاق کرنا آپ کا حق ہے

          {ہمیشہ رب کی مہربانیاں رہیں }

" جواب "

منجانب فکرستان:غوروفکرکیلئے

ہر قِسم کے میڈیا نے !!!

 دلائل دینے کے فن میں ہمیں اتنا ماہر بنادیا ہے کہ اگر شیطان کی حمایت میں دلائل دینے پرآئیں تو سامنے والے کا ایمان ڈول جائے۔۔۔

سیاسی رہنما ہو کہ مذہبی دلائل ان کے آگے پیچھے پھرتے رہتے ہیں کہ نہ جانے کب قومی مفاد یا اسلامی مفاد میں انکی ضرورت پیش آجائے۔

میڈیا نے ایسے دانشوربھی پیدا کئے ہیں جو اپنےدلائل کے زور پر  شمُال کی بحث کو جنوب  کی بنا دیتے ہیں۔۔۔ 

یہ تمہید اس لئے باندھی ہے کہ دوست سے دوران گفتگو پوچھا کہ کیا  وجہ ہے ۔۔۔کہ یورپ تو  بڑی تعداد میں  پناہ گزینوں کو قبول کر رہا اِن  میں جرمنی پیش پیش ہے 8 لاکھ پناہ گزینوں کو لے رہا ہے لیکن تنظیم تعاون اسلامی  اور  57 اسلامی ممالک خاموش ہیں ۔۔۔ایسا کیوں ہے ؟؟؟ دوست کا جواب ایسا تھا  کہ گویا لکڑی توڑ کر ہاتھ میں دیدیا ہو۔۔

   دوست کا جواب تھا کہ یہ سب یورپ اور امریکہ کے کیئے کا نتیجہ ہے تو پِھر دوسرا کیوں اِن پناہ گزینوں کا بوجھ اُٹھا ئے ۔۔۔  

نوٹ:پوسٹ میں کہی گئی باتوں سے اختلاف / اتفاق کرنا آپ کا حق ہے

          {ہمیشہ رب کی مہربانیاں رہیں }