"حُکمرانی"

  منجانب فکرستان  

 جھوٹ، بد اعتمادی اورشک کی حُکمرانی نے  سچ کی پہچان کو مشکل بنادیا ہےمثلاً  جناب سرتاج عزیر  صاحب 

نے کہا:ڈیڑھ ارب ڈالر تحفہ ہیں،لیکن لوگ یقین نہیں کر رہے ہیں،بلکہ تحفے میں سے نت نئے قسم کے سچ 

اور معنی تلاش کر رہے ہیں،یوں ڈیڑھ ارب ڈالر کا تحفہ شک اور بد اعتمادی کے دائرے میں سفر کر رہا ہے۔

ملائیشیا کے وزیراعظم نے کہا طیارہ بحر ہند میں گر کر تباہ ہُوا،کوئی مسافر نہیں بچا،وزیر اعظم کی بات کو لوگوں
 نے سچ نہ مانا اور مطالبہ کیا کہ سچ بتاؤ :نتیجہ تلاش کا کام دوبارہ شروع  

امریکی سینٹ کی انٹیلیجنس کمیٹی کی سر براہ سینیٹر ڈیان فن سٹائن نے ۔ سی آئی اے پر الزام عائد کیا کہ وہ 

امریکی انٹیلیجنس کمیٹی کے ارکان کی جاسوسی کرتی رہی ہے۔۔۔۔ جبکہ سی آئی اے کے ڈائریکٹر جناب جان 

برینن نے اِن  الزامات کی تردید کی ہے ۔۔۔۔۔تو پھر سچ کیا ہے؟؟؟

سابق امریکی وزیرِدفاع رابرٹ گیٹس نے اپنی کتاب میں انکشاف کیا ہے کہپاکستان کو کبھی اتحادی ملک تسلیم 

نہیں کیا ۔۔۔۔۔اسکے علاوہ یہ بھی لکھا ہے کہ امریکہ اور پاکستان نے کبھی ایک دوسرے پر اعتماد نہیں کیا ۔۔

(رابرٹ گیٹس کے دور میں تو پاکستان کو اتحادی اور قابل اعتماد کہا جاتا رہا ہے ۔ کیا وہ سب جھوٹ تھا ؟)

حامد کرزئی نے کہا ہے کہ مجھے امریکہ پر اعتماد نہیں ہے، اِس لیے سیکورٹی کے معاہدے پر دستخط نہیں کرونگا

 ۔۔۔غرض کہ اسی طرح کی بیشمار مثالوں سے دُنیا بھری پڑی ہے۔۔۔کہنے مقصدیہ ہے کہ جھوٹ + ہر قسم 

کا میڈیا مل ملا کر انسان کے سامنے کئی قسم کے ایسے سچ پیش کرتے ہیں کہ: جس سے اصل اور حقیقی سچ  کی 

پہچان جاتی رہتی ہے یوں بداعتمادی اور شکوک جنم لیتے ہیں ۔۔۔

 اب اجازت دیں۔۔۔پڑھنے کا بُہت شُکریہ  

درج بالا خیالات سے اختلاف/اتفاق کرنا ہر پڑھنے والے کا حق ہے 

" حکمتِ خدا وندی "

منجانب فکرستان
غور و فکر کے معنی : خُدا کی قُربت
درج ذیل خبر سے، صرف نظر نہ کریں 10 کھرب پر غور کریں اور خُدا کے قریب ہوجائیں

 درج بالا ذاتی خیالات پر اختلاف /اتفاق کرنا ہر پڑھنے والے کا حق ہے

http://www.theguardian.com/science/2014/mar/20/human-nose-detect-1-trillion-smells-odours

تمام شُد 

" وصیت "

 منجانب فکرستان 

لگتا ایسا ہے: ورثا کے آگے  وصیت  بیکار کا پُرزہ ہے۔۔جیسا کا درج ذیل میں ہم خشونت سنگھ اور جواہر 
لال  نہرو کی وصیت کا حشر دیکھیں گے۔۔
خشونت سنگھ کی آخری خواہش (شاید وصیت بھی لکھی ہو )۔۔ کااحترام نہیں کیا گیا۔۔۔کچھ عرصہ پہلے
 ریڈرڈائجسٹ میں خشونت سنگھ کا انٹرویو شائع ہُواتھا جسکی چیدہ چیدہ باتیں،،، "روزنامہ دُنیا " نے بھی
 شائع  کی تھیں، جسمیں سوال تھا۔
سوال:سنا ہے،آپ بہائیوں کے قبرستان میں دفن ہونا چاہتے ہیں؟ جواب:جی ہاں۔۔دراصل میں نہیں
 چاہتا کہ مرنے کے بعد میری چتا جلائی جائے،میں مٹی ہوں اور اسی میں ملنا چاہتا ہوں۔۔مگر مسلمانوں
 اور عیسائیوں نے مجھے اپنے قبرستانوں میں دفنانے سے انکار کر دیا۔بہائیوں نے ہامی بھر لی،مگر یہ شرط 
لگائی کہ وہ اپنی رسوم انجام دینے کے بعد مجھے دفنائیں گے۔۔میں نے کہا،جو مرضی رسم اپنا لینا،مجھے تو
 بس زمین کا رزق بننا ہے،لیکن ورثا نے ایسا نہیں ہونے دیا زمین کے بجائے آگ کے حوالے کردیا۔

٭-------٭-------٭

اسی طرح جواہر لال نہرو کی وصیت بھی ورثا کے آگے بیکار کی چیز  ثابت ہوئی۔۔۔بقول کلدیپ نائر 
جواہر لال نہرو کی تحریری وصیت تھی کہ: وفات پر کوئی مذہبی رسوم ادا نہ کی جائے، اِس وصیت کے
 باؤجود نہرو کی وفات پرتمام ہندوانہ رسوم ادا کیں گئیں،سنسکرت کے منتر گائے گئے، لاش پر کنگا جل 
چِھڑکا گیا۔۔چتا کی لکڑیوں کے ڈھیر کے اُوپر خوشبودار صندل کی لکڑیاں بھی رکھی گئیں، غرض کہ وہ 
تمام رسُومات ادا کیں گئیں کہ : جن کے خلاف وہ زندگی بھر لڑتے رہے۔۔کیا موت پر منافقت ہوگئی 
؟؟؟۔۔
منافقت کیسی وہ تو زندہ نہیں تھے، وصیت کردی تھی، وصیت کا پاس رکھنا ورثا کے ذمہ داری تھی ،جو 
اُنہوں نے  پوری نہیں کی ۔۔۔۔   

اب اجازت دیں ۔۔۔پڑھنے کا بُہت شُکریہ  

نوٹ: بلاگ ذاتی،خیالات و احساسات کے اظہار کا زریعہ ہے، اِن سے  اختلاف/ اتفاق کرنا ہر پڑھنے والے کا حق ہے

  {ہمیشہ رب کی مہربانیاں رہیں }  

" خُدا پر ایمان لانے کی شرط "

منجانب فکرستان

کیا دُنیا میں کوئی انسان ایسا ہے کہ جسے سب اچّھا  کہیں ؟؟ ایک بھی تو نہیں، خشونت سنگھ بھی ایک 
انسان تھے۔۔20 مارچ کی صبح 99 سال کی عُمر میں اِنتقال ہوگیا، جو آیا ہے،جانا اُسکا مقدر ٹھہرا ہے۔
ہم دوسروں کو دفناتے ہیں، اپنا مرنا بھول جاتے ہیں۔۔
خشونت نے سکھوں کی تاریخ لکھی لیکن وہ کسی مذہب کو نہیں مانتے تھے،جسطرح یہودی سگمنڈ فرائڈ
نے یہودی مذہب اورحضرت موسیٰؑ  کی حقیقت پر تاریخی حوالوں سے روشنی ڈالی لیکن فرائڈ بھی کسی 
مذہب کے پیروکار نہیں تھے ۔۔۔

خُدا پر ایمان لانے کے بارے میں خشونت سنگھ نے اپنی آٹو بائیو گرافی میں ایک واقعہ لکھا ہے کہ : بیٹی کی گیند درخت کی شاخوں میں پھنس گئی  تھی ،پتھروں اورچھڑیوں سے نکالنے کے کافی جتن کئے مگر گیند کو نہ آنا تھا  نہ آئی آخر تھک ہار کر کوشش ترک کردی اور آئس کریم کھانے چلے گئے واپسی میں دیکھا تو گیند وہیں پر موجود ہے ۔۔جس پر ایکدم مگر کسی قدر غصے سے کہا کہ اگر یہ گیند نیچے آگئی تو میں یقین کرلوں گا کہ پرماتما (خُدا) ہے ۔۔خُدا کا کرنا ایسا ہُوا کہ اُسی لمحے ہَوا کا جھونکا آیا اور گیند نیچے آگئی ۔۔

لیکن پھر بھی خُدا کو نہ مانا ۔۔خُدا کے بارے میں اُنکا عقیدہ یہ تھا کہ" ہم نہیں جانتے" 
خشونت سنگھ نے وصیت کی تھی کہ اُنکی لاش کو جلانے کے بجائے دفنایا جائے ۔۔۔ورثا وصیت پر عمل کریں گے یا نہیں معلوم ہوجائے گا۔۔۔مزید تفصیل جاننے  کیلئے درج ذیل لنک پر جائیں ۔۔۔

اب اجازت دیں ۔۔۔پڑھنے کا بُہت شُکریہ 

http://www.bbc.co.uk/urdu/entertainment/2014/03/140320_khushwant_singh_died_tk.shtml

٭۔۔۔۔۔۔۔٭۔۔۔۔۔۔۔٭

نوٹ: بلاگ ذاتی،خیالات و احساسات کے اظہار کا زریعہ ہے، اِن سے  اختلاف/ اتفاق کرنا ہر پڑھنے والے کا حق ہے

  {ہمیشہ رب کی مہربانیاں رہیں }  

  
  

کسے وکیل کریں؟ کس سے منصفی چاہیں ؟؟

منجانب فکرستان : مور پپیہا میٹھا بولے: کوئل شور مچائے 

اب تھر میں نہ تو مور میٹھا بول رہے ہیں اور نہ ہی  کوئل شور مچارہی ہے،،،،سب خا موش ہوگئے

 ہیں،یہاں تک کہ اب تو معصوم بچوں نے بھی بھوک سے بلک بلک کر رونا بھی چھوڑ دیا ہے۔۔۔

 مرتے ہوئے بچوں کے دکھوں نے ماؤں کی بھوک کی شدت پر بھی غلبہ پالیا،تھر کے لوگ عرصہ 
 درازسے صبر کے عادی ہیں،اسکی وجہ یہ ہے کہ: 

 کسے وکیل کریں؟ کس سے منصفی چاہیں؟؟ 

ہمیشہ رب کی مہربانیاں رہیں 

اختتام

" عورت میں ہمت "

منجاب فِکرستان : 8مارچ  خواتین کا عالمی دن

 

خالق نے مرد کو جسمانی طاقت زیادہ دی ہے جبکہ ہمت کی طاقت عورت کو زیادہ دی ہے،ظلم سہنے کی ہمت کا

 روپ عافیہ صدیقی ،شجاعتی ہمت کا روپ  چاند بی بی، جھانسی کی رانی، ڈاکو پن میں ہمت کا روپ پھولن دیوی: (ایک

 دیہاتن نے حکومت کو ناک چنے چبوادِیئے)۔ ہمت کی ایک اور مثال :اگر عورت بیمار ہوکر پڑ جائے تو اُس کے

کان کے قریب جاکر کہیں بیگم شاپنگ کیلئے جانا ہے۔ وہ اُٹھ کر پرس اور میک اپ کا سامان ڈھونڈنے لگے گی ۔ 

آزمودہ نسخہ ہے جب چاہیں آزمالیں ۔۔۔ 

"ا حتجاج کا میدان ہو یا کھیل کا، یا ہو کوئی شاپنگ سینٹر خواتین ہر جگہ اکٹیو ملیں گی"

  

اب ہم عورت کے اُس عظیم ترین روپ کا ذکر اِس وڈیو میں کریں گے ۔۔۔اِس روپ کو دیکھنے کیلئے آپکو صرف یہ کرنا ہے کہ آنکھیں بند کر کے لیٹ جائیں اور اپنی ماں کو تصور مین لائیں ،سب کچھ بھول جائیں وڈیو کے بولوں میں کھو جائیں ۔۔۔مجھے اجازت دیں۔۔ پڑھنے کا بُہت شُکریہ ۔۔۔                                                                                        

 

نوٹ: بلاگ ذاتی،خیالات و احساسات کا اظہار ہے، اِن سے  اختلاف/ اتفاق کرنا ہر پڑھنے والے کا حق ہے

  {ہمیشہ رب کی مہربانیاں رہیں }      

جنسی حملوں کا گراف بلند کیوں ہورہا ہے؟؟

 منجانب فکرستان 

زمین پر چلتی بس ہوکہ فضاء میں تیرتا جہاز یہاں تک کہ اُوپر جاتی لفٹ ہوکہ نیچے آتی ،یہ حملہ ہوجاتا 
ہے،  دُنیا میں اب کوئی جگہ  ایسی  خالی بچی نہیں رہی کہ: جہاں پر  اس طرح کے حملوں نہ ہوتے ہوں 
،سوال یہ ہے کہ : آجکل کے مردوں کو کیا ہوگیا ہے ؟ وہ نہ چلتی بس دیکھتا  ہے، نہ اُڑتا جہاز، نہ 
معاشرے کی طرف دیکھتا ہے نہ قانون کی طرف اور نہ  ہی اپنی 61 سالہ ڈھلتی عُمر کی طرف دیکھتا 
ہے۔۔ آخر اِس اندھے پن کی کیا وجہ ہے ؟؟ کیوں ان حملوں میں دن بہ دن اضافہ ہورہا ہے ؟؟ 

 اِن سوالوں کے جوابات جاننے کی کوشش کرتے ہیں۔۔۔ میرے نزدیک اس کی دو بنیادی وجوہات ہیں، ایک میڈیا اور دوسری وجہ خود عورت ہے۔۔۔۔ ہر قسم کا میڈیا  رات دن جنسی ترغیبات دیتا رہتا ہے، یوں انسان اصول ہپناٹیزم کے زیر اثر آجاتا ہے ۔۔۔۔۔سونے پہ سہاگہ عورتیں ایسا لباس پہنتی ہیں کہ جس سے جسمانی خدوخال نظر آتے ہیں ، سولہ سنگار کرتی ہیں گویا  پورا سامان تیار ہے مرد کے جنسی جذبات کو  بھڑکانے کا ۔میڈیا کی ترغیباتِ جنسی اور عورت کا حشرسامانیانِ جنسی تیج پال (تہلکہ ڈاٹ کام کے بانی مدیر ) جیسا شریف بااخلاق،اصول پرست انسان بھی  بیٹی کی ہم عُمر  ساتھی صحافی پر جنسی حملہ کر بیٹھا ۔۔۔۔

میڈیا کی ترغیباتِ جنسی جہاں نوجوان کو جنسی شوقِ تجسس میں مبتلا کرتی ہیں، وہیں بڑوں کو بھی ورغلاتی ہیں ۔۔۔میڈیا پوری دُنیا کو جنسیات کی آگ میں جھونک رہا ہے، انگریزی فلمیں تو رہیں ایک طرف، بھارت کی ہندی (اردو) فلموں کی پہچان بھی  ہاٹ سین ، ہاٹ ڈانس ہیں اور تو اور مذہبی سائٹس پر بھی یہ آگ نظر آتی ہے، اور کلک کرو کہتی ہے، تب یوں لگتا ہے جیسے یہ آگ منہ چُڑاکر کہہ رہی ہو کہ: بچ کے کہاں جاؤ گے بچو: جہاں  بھی جاؤگے ، وہیں مجھے پاؤ گے ۔۔۔ غرض کہمیڈیا کی ترغیباتِ جنسی اور عورت کی حشرسامانیانِ جنسی (لباس میک اپ) مل کر  جنسی حملوں کے گراف کو بڑھاوا دے رہے ہیں ۔۔۔ اب اجازت دیں ۔۔۔پڑھنے کا بُہت شُکریہ ۔۔۔  

نوٹ: بلاگ ذاتی دلچسپیوں، خیالات و احساسات  کی شیئرنگ ہے، اِن سے  اختلاف/ اتفاق کرنا ہر پڑھنے والے کا حق ہے

  {ہمیشہ رب کی مہربانیاں رہیں }