نئی گھڑی کے زریعے: شہریوں کو پیغام

 منجانب فکرستان 

 جی 77  کا  پچاس واں اجلاس بولیویا  کے شہر سانتا کروز میں ہُوا ،جس میں شریک مندوبین کو تحفتاً بولیویا 
کی  ٹیبل گھڑیاں دی گئیں،بولیویا گھڑیوں میں نہ صرف ہندسوں کی ترتیب اُلٹ ہے ،سوئیاں بھی دائیں کے
 بجائے بائیں گھومتی ہیں،اس بارے میں بولیویا وزیرخارجہ کا کہنا ہے کہ"ہم دوسروں کی کہی باتوں پر کیوں 
چلیں،  نئے  طریقے  کیوں  نہ سوچیں۔ہم نے  نئی  گھڑی کے زریعے شہریوں کو یہ پیغام دیا ہے کہ:وہ پہلے 
سے قائم شُدہ روایتی عقائد کوچیلنج  کرسکتے  ہیں اورنئیتخلیقی سوچ اپنا سکتے ہیں،ہم اپنے شہریوں سے یہ نہیں
کہہ رہے ہیں کہ وہ ان  گھڑیوں کو ضرور اپنائیں ،یہ ہم نے اپنے شہریوں کی مرضی پر چھوڑا ہُوا ہے،چاہے
 وہ پرانی  گھڑی پہنیں یا نئی اپنائیں،ہمارا  کوئی عمل دخل نہیں،ہمیں چیزوں کو پیچیدہ نہیں بنانا  چاہئیے، وزیر 
خارجہ نے  گھڑی کو"جنوبی گھڑی" کا نام دیا۔۔ وہ اس لیے کہ بولیویا  جنوبی امریکہ میں  واقع ہے۔۔
مزید تفصیل کے خواہش مند دوست بی بی سی لنک پر جائیں ۔۔ 

 بشکریہ بی بی سی سائٹ: http://www.bbc.co.uk/urdu/world/2014/06/140627_bolivia_south_clock_tk.shtml

پوسٹ میں کہی گئی باتوں سےاختلاف/اتفاق کرناآپکا حق ہے۔اب مجھےاجازت دیں،پڑھنے کا بُہت شُکریہ ۔ 

  {ہمیشہ رب کی مہربانیاں رہیں  

" جزا سزا "

 منجانب فکرستان : جزا سزا

 ٭۔۔۔۔٭۔۔۔۔٭

یاسر پیرزادہ  کا  یہ  کالم خُدا  کی عظمت  کا  مظہر  ہے :انسان کہ جس میں خُدا  نے  اپنی  روح  پھونکی کیسے 
کیسے کارنامہ ہائے  سرانجام دے رہا  کہ زمین پر بسنے  والے تمام انسانوں کی  ہرحرکت پر نظر رکھے ہوئے
 ہے۔ تو  ایسے  میں لا محالہ ذہن  میں خیال آتا ہے کہ : صرف  پھونکی  ہوئی  روح  کا  یہ مظہر ہے تو ۔۔۔
 پھونکنے والے کی حکمت و عظمت  کا  کیا کوئی اندازہ ہوسکتا ؟؟ قطعاً ناممکن،پیرزادہ  کا  یہ  کالم اِس بات  کی 
 گواہی  کا  ثبوت مہیا   کرتا ہے  کہ اللہ  سے بندے کی کوئی بات  پوشیدہ نہیں ہے، چاہے وہ  ظاہری بات 
ہوکہ انسان کے دل میں آیا ہُوا خیال اور خیال کی نیت بھی کہ: جس پر جزا سزا  کا دار و مدار  ہے ۔۔۔   

  [32:9] ابوالاعلی مودودی 

پھر اس کو نِک سُک سے درست کیا اور اس کے اندر اپنی روح پھونک دی، اور تم کو کان دیے، آنکھیں دیں اور دِل دیے تم لوگ کم ہی شکر گزار ہوتے ہو

 ٭۔۔۔۔٭۔۔۔۔٭

پوسٹ میں کہی گئی باتوں سےاختلاف/اتفاق کرناآپکا حق ہے۔اب مجھےاجازت دیں،پڑھنے کا بُہت شُکریہ ۔ 

  {ہمیشہ رب کی مہربانیاں رہیں }

" بلیک میلنگ کاروبار"

منجانب فکرستان 

 برازیلیوں نے جب پینلٹی کک کےزریعے چلی پر فتح پائی تب اُنہوں نے کہا: پیلی سبز شرٹ ہمارے لیے
  مقدس ہے، اور یہ کہ "خُدا" ہمارے ساتھ ہے ۔۔

٭۔۔۔٭۔۔۔٭

 عالم دین  کا یہ دعویٰ پڑھ کر ذہن میں خیال آیا کہ: کیا مستقبل قریب میں جنگیں جِنات کی فراہم کردہ
  معلومات کی بُنیاد پر لڑی جائیں گی ؟؟

 ٭۔۔۔٭۔۔۔٭

 بانکی مون کینیا سیمینار میں ،گویا  لڑکیوں کو  پسند کی شادی کرنے کی  ترغیب دے رہے  ہیں، جبکہ پاکستان 
میں آئے دن پسند کی  شادی  کرنے والے جوڑوں  کی غیرتکے نام پرقتل  کئے جانے کی خبریں پڑھنے کو 
 ملتی ہیں،ایسے میں بانکی مون کا یہ مشورہ پاکستان کیلئے  کتنا صائب کہلانے کا حقدار ہے؟؟

٭۔۔۔٭۔۔۔٭

وکیل کا کہنا ہے کہ: فلم میں ہندو دیویوں کی کی توہین کی گئی ہے اسلئیے فلم کے تمام ذمہ داروں کو سزا ملنی چاہئیے،جبکہ دیوئیں بیچاری خاموش ہیں : کہیں یہ بھی بلیک میلنگ کاروبار تو نہیں ہے؟  

پوسٹ میں کہی گئی باتوں سےاختلاف/اتفاق کرناآپکا حق ہے۔اب مجھےاجازت دیں،پڑھنے کا بُہت شُکریہ ۔ 

  {ہمیشہ رب کی مہربانیاں رہیں }

پھر میرا نام کس لیے ؟؟

  منجانب فکرستان : یہ ہماری طرح کیوں نہیں سوچتے ؟؟؟

دوستو: کوسٹا ریکا  کے فٹبال  ورلڈکپ  کواٹر فائنل  میں  پہنچنے پر میں اتنا  زیادہ  حیرت زدہ  نہیں ہُوا۔جتنا 

کے  وہاں  کے  نو  منتخب  صدرِ  جناب  Luis  Guillermo Solis   کی  بدعتی  باتوں  نے  کیا۔۔۔
 اب آپ خود اندازہ  لگائیں  کہ صدر  بنتے  ہی  حکم جاری کردیا  ہے  کہ کسی دفتر میں میری تصویر نہ لگائی 

جائے، ( حالانکہ تصویر ڈراؤنی نہیں ہے) تصویر کی  پوجا  نہیں ہونا چاہئیے اور یہ بھی کہ کسی  پُل  یا   شاہراہ 

 وغیرہ  کی افتتاحی  پلیٹ  پر میرا  نام  نہ لکھا جائے، افتتاحی پلیٹ  پرصرف افتتاح  کی تاریخ   لکھ دی جائے 
کافی ہے  چونکہ شاہراہ  یا  پُل بنانے میں میرا کوئی کردار نہیں ہوتا۔۔ پھر میرا نام کس لیے ؟ 

خُدا جانے  یہ کیسے لوگ ؟ ؟ جبکہ ہمارے لیڈرز تو تقریباً  روز ہی اخبارات میں کسی بھی بہانے اپنی تصاویر 
کی اشاعت چاہتے ہیں ۔ ہمارے  ملک میں تو ایسی خبریں بھی سُننے کو ملتی ہیں کہ:موجودہ با اثر لوگوں نے سابقہ با اثر لوگوں کی  افتتاحی نیم پلیٹ اُکھاڑ پھینک اپنے نام کی نیم پلیٹ بمع بھنگڑہ لگادی ہے ۔۔۔

٭۔۔۔٭۔۔۔٭

بشکریہ بی بی سی سائٹ:http://www.bbc.co.uk/urdu/world/2014/06/140628_costa_rica_leader_rwa.shtml

پوسٹ میں کہی گئی باتوں سےاختلاف/اتفاق کرناآپکا حق ہے۔اب مجھےاجازت دیں،پڑھنے کا بُہت شُکریہ ۔ 

  {ہمیشہ رب کی مہربانیاں رہیں }

"غور طلب باتیں"

  منجانب فکرستان: محترم جناب خورشید ندیم کا کالم: غوروفکر کیلئے

٭۔۔٭۔۔٭۔۔٭۔۔٭ 

" ترقی یافتہ ممالک "

  منجانب فکرستان

علمانیہ کا قتل: غوروفکر کیلئے

جن بیرئیرز کو ہٹانے پر 13ہلاکتیں 100 سے زیادہ افراد زخمی ہوئے،حکومت نے وہ بیریئر دوبارہ لگوا دیے

اب اِس سانحہ کی اِس کے سِوا کیا توجیہہ ہوسکتی ہے کہ 13 لوگوں  کی موت اور 100 افراد  کا  زخمی  ہونا

  لکھا تھا: اسلئیے یہ سانحہ ہوگیا۔

 سانحہ پر لکھاریوں کا فوکسقانون محافظوں کاقانون شکن،گلوبٹ کو گرفتار نہ کرنا،شاباشیدینا اور سانحہپر ہونا 
چاہئیے تھا لیکنفوکس طاہرالقادری کی ذات پررہا،قانون محافظوں کی شاباشی نےممتاز قادری کی یادتازہ کردی
 جسے وکیلوں نے ہار پہنائے تھے اور شاباشی بھی دی تھی ۔۔

میرے  خیال  میں  کسی ترقی یافتہ  ملک کی  پولیس  کے  ذہن میں کسی قانون شکن کو قانون شکنی پر شاباشی 

دینے کا تصور تک نہیں آسکتا ہے اور نہ ہی وکیلوں کے ذہن میں کسی مجرم کو ہار پہنانے کا خیال آسکتا ہے
۔۔۔میرے خیال میں یہی پیمانہ ہے کہ: وہ ترقی یافتہ ہیں اور ہم غیر ترقی یافتہ ۔۔

اسکا ثبوت: رضا علی عابدی کے لکھے اِس  کالم سے بھی مل سکتا ہے جسکی چیدہ چیدہ باتیں درج ذیل ہے :

٭۔۔۔٭۔۔۔٭۔۔۔٭۔۔۔٭

''ایک اور تازہ واقعہ برطانیہ ہی کاہے۔ سعودی عرب سے تیس برس کی ایک لڑکی ناہید علمانیہ اعلیٰ تعلیم کے لئے یہاں آئی۔ ابھی ایک روز وہ اپنے کالج کی طرف جارہی تھی کہ کسی نے اس پر چاقو سے حملہ کیا اوراس کے بدن میں چاقو سولہ مرتبہ گھونپا۔ لڑکی مر گئی۔ اس کی لاش تو والدین کے پاس بھیج دی گئی لیکن اب پولیس نے خطرناک قاتل کی تلاش میں رات دن ایک کر دیئے ہیں۔ اس کو آلۂ قتل کی تلاش ہے اور اس کا خیال ہے کہ قاتل نے چاقو کسی قریبی جھیل میں پھینکا ہے اور وہاں تین جھیلیں ہیں۔ کیا آپ یقین کریں گے کہ جھیلوں کا سارا پانی نکال کر انہیں خالی کیا جار ہا ہے۔ 

میں نے ایک روز انٹرنیٹ پر ایک اخبار کھولا۔وہ اخبار ایک نام سے اردو میں اور مختلف نام سے انگریزی میں نکلتا ہے۔ میرے سامنے جو صفحہ کھلا اس کا دایاں حصہ اردو میں اور بایاں حصہ انگریزی میں تھا۔ دونوں میں سب سے اوپر ان کی شہ سرخیاں تھیں۔ اردو حصے کی سب سے بڑی خبر یہ تھی۔’’دشمن نفاق اور انتشار پھیلانے میں سرگرم ہے۔ صدر ممنون حسین‘‘اور اس ادارے کے انگریزی اخبار کی شہ سرخی کچھ یوں تھی۔ ’’کراچی۔ منگھوپیر سے سات لاشیں برآمد ہوئی ہیں‘‘۔یہ سوچنے کا مقام ہے کہ ہمارے نزدیک کون سی بات زیادہ اہم ہے۔ایک سیاستدان کے وہ گھسے پٹے فقرے جو صبح شام کانوں میں ڈالے جاتے ہیں اور وہ بھی کسی اور کے لکھے ہوئے، یا پھر آدھے درجن سے زیادہ شہریوں کا قتل اور وہ بھی پراسرار؟ کس نے مارا، کیسے مارا اور کیوں مارا، یہ ہماری ترجیحات میں نیچے آتا ہے اور وہ بھی بہت نیچے۔ اس کے بعد یہ واقعہ کہیں وقت کے غبار میں دب کر رہ گیا اور قاتل ملک کے ہجوم میں نہایت آسانی سے گم ہو گیا۔پکڑا بھی گیا تو کچھ روز بعد ہی شہر کی سڑکوں پر سینہ تان کر گھومتا نظر آیا۔یہ اندازِ فکر چند افراد کا نہیں، پورے معاشرے کا ہے۔۔ ایک شخص کی ہلاکت پوری انسانیت کی ہلاکت ہے۔ جس کتاب میں یہ ہیرے اور موتی میں تولی جانے والی بات لکھی ہے وہ کتاب جھوم جھوم کر پڑھنے ہی کے کام آتی ہے اور بس''۔

٭۔۔۔٭۔۔۔٭۔۔۔٭۔۔۔٭

نوٹ: وہ  دوست  جو  رضا علی عابدی  کا  پورا  کالم  پڑھنا  چاہیں، درج  ذیل لنک  پر  جائیں ۔۔

http://jang.com.pk/jang/jun2014-daily/27-06-2014/col2.htm 

پوسٹ میں کہی گئی باتوں سےاختلاف/اتفاق کرناآپکا حق ہے۔اب مجھےاجازت دیں،پڑھنے کا بُہت شُکریہ ۔ 

  {ہمیشہ رب کی مہربانیاں رہیں }

اِتفاق / اِختلاف ؟؟

  منجانب فکرستان

دوستو:آپ بزریعے بلاگ میرے خیالات پڑھ کر میرے بارے میں اچّھی/بُری یا جوبھی ایک رائے قائم
  کی ہوگی،اسی طرح ڈاکٹر صفدرمحمود صاحب کے کالم پڑھ کر( جن سے اِتفاق/اِختلاف رہتا ہے)یہ رائے
 قائم  کی ہے کہ ڈاکٹر صاحب نہایت شریف النفس انسان ہونگے ڈاکٹر صاحب کے کالم سے اقتباس۔ 

"میں اپنے بارے میں تھوڑا سا جانتاہوں اور یہ بھی جانتا ہوں کہ میرے اندر ایک عددباغی موجود ہے جوپیری مریدی، دربارداری، خوشامدی ماحول،خانقاہی ماحول اور فضول معاشرتی رسومات کے خلاف بغاوت کرتا رہتا ہے۔ اس لئے میں کبھی بھی ’’مرید‘‘ ٹائپ نہیں رہا۔ لیکن اس کے باوجوداللہ سبحانہ ٗ تعالیٰ کے فضل و کرم سے مجھے زندگی میں تین کامل اولیا کرام کی محفلوں میں بیٹھنے، جوتیاں سیدھی کرنے اور ان سے محبت کے رشتے میں منسلک ہونے کا موقعہ ملا۔ میرا وجدان کہتاہے کہ اولیائے اللہ صرف سچی جستجو اورمخلصانہ کوشش سے ملتے ہیں اور ان سے تعلق اللہ تعالیٰ کا خاص انعام ہوتا ہے۔ یوں تو مجھے بہت سی نیک اور عبادت گزار ہستیوں سے تعلق کاشرف حاصل رہا لیکن یہ تین اللہ والے ایسے کامل مرشد تھے جو احوال پر نظر رکھتے۔ اشاروںکنایوں میں ایسی باتیں کرجاتے جو سچ بن کر میرے سامنے آ جاتیں اور بعض اوقات مجھ پر وہ بات منکشف کر جاتے جس کاحال صرف میں ہی جانتا تھا۔ میں کہ مزاجاً تحقیق اور بقول ایک صاحب ِ باطن مغربی علوم زدہ ثبوت کے بغیر کسی بات پر اعتباراور اعتمادکا سوال ہی پیدا نہیں ہوتا۔ ان محفلوں میں ایسے روحانی تجربات ہوئے کہ میں پہلی بارروحانیت کا قائل ہوا۔ اس لئے جب کوئی روحانیت کے بارے میں تشکیک یا شک کا اظہار کرتا یا تمسخر اڑاتا ہے تو سوچنےلگتا ہوں کہ ’’بھولئے مجھّے توں کی جانیں انارکلی دیاں شاناں‘‘ (اے کالی بھینس تم انارکلی کی شان نہیں سمجھ سکتی) میں جن بزرگوں کا ذکر کر رہاہوں ان سے میرا رشتہ قلبی محبت کا تھااوروہ تینوں اللہ کو پیارے ہوچکے لیکن میرے قلب و ذہن میں آج بھی زندہ ہیں حالانکہ ان میں سے دو ہستیوںکے انتقال کو تین اور دو دہائیوں سے زیادہ عرصہ گزرا۔ ان کے حوالے سے قلبی وارداتوں کا ذکر کروں تو داستان طویل ہو جائے گی لیکن روایت یہی ہے کہ ایسی باتوں کو پردے میں ہی رہنے دیاجائے۔ بابامست اقبال شاہ صاحب سے میرا پہلا تعارف 1989میں ہوا جب محترمہ بینظیر بھٹو نے اقتدار میں آنے کے بعد میاں برادران سے قریبی تعلق کا الزا م لگا کر مجھےاو ایس ڈی بنا دیا اور ہرقسم کا ٹارچر کیا۔ باباجی سے ایک دوست کے گھر میں ملاقات ہوئی۔ میں ان کے نام تک سے غیرمانوس تھا۔ ہاتھ ملاتے ہی کہنےلگے ’’بابا گھبرانا نہیں، تم اپنی تقرری کا آرڈرخودٹائپ کرو گے۔‘‘بینظیر حکومت ڈسمس ہوئی تو مجھےچیف سیکرٹری نےبلا کرکہا ’’ڈاکٹر صاحب! بتایئے کس پوسٹ پر جاناچاہتے ہیں؟‘‘ اس کے بعدباباجی سے دوستی ہوگئی اورملاقاتیں ہونےلگیں تو پتہ چلا کہ باباجی بچپن سے لے کر جوانی کی دہلیز پر قدم رکھنے سے قبل تک جذب کی حالت میںرہے۔ لنگوٹی میں موٹے ڈنڈے کے ساتھ لاہور کی سڑکوں پر پھرتے اوربازارِ حسن کے راستے مغرب کی اذان تک داتا دربار پہنچتے تھے۔یہ ’’ڈرل‘‘طویل عرصے تک جاری رہی۔ پھر بقول باباجی کپڑے پہننے کا حکم ہوا، پھر شادی کاحکم ہوا اور پھر اللہ تعالیٰ نے انہیں گھرباراور اولاد سے نوازا۔ اس مجاہدے کا انعام تھا کہ ان کا دل حسد، رشک، لالچ، کدورت، نفرت اور ہر قسم کی دنیاوی آلائش سے پاک تھا اور ان کے قلب میں ہر وقت محبت کا زمزمہ بہتا رہتاتھا جس سے نیک اور گناہگار سبھی فیض یاب ہوتے تھے۔ ان کے بقول انہیں حضرت سید علی ہجویریؒ المعروف حضرت داتا گنج بخش سے فیض حاصل ہوا تھا۔ وہ مجھے اکثر یاددلاتے رہتے تھے کہ میری باگ حضرت داتا کے ہاتھ میں ہے۔ میں آزادنہیں۔ میرا محترم نسیم انور بیگ صاحب (اسلام آباد) سے گہرا قلبی تعلق تھا۔ کوئی اٹھارہ سال قبل وہ لاہور آئے تو باباجی سے ملنے کی خواہش کااظہار کیا۔ نسیم انور بیگ صاحب نے زندگی کا متعدد حصہ پیرس اور یونیسکو میں گزارا لیکن مغرب کی آندھیاں ان کے قلب میں روشن چراغ کو بجھا نہ سکیں۔ میں نے بیگ صاحب سے عرض کیا کہ چانس لے لیتے ہیں مجھے اندازہ نہیں اس وقت باباجی گھر پر ہوں گے یا نہیں۔ یہ ان کی باباجی سے پہلی ملاقات تھی۔ ہم باباجی کے گھر گئے۔ ملازم نے مجھے دیکھا تو اوپر والی منزل پر باباجی کو اطلاع دینے بھاگا۔باباجی سیڑھیاں اترتے آتے اور کہتے جاتے تھے ’’آج پیرس والا بابا آیا اے‘‘ انہیں کیسے خبر ہوئی، صرف میرا رب جانتا ہے۔ کچھ عرصے کے بعد بیگ صاحب دوبارہ لاہور آئے۔ باباجی میرے گھر میں فرش پر بیٹھے تھے۔ بیگ صاحب آگئے اور پھراس وقت کے وفاقی سیکرٹری اطلاعات حاجی اکرم صاحب مرحوم بھی تشریف لے آئے۔چائے پیتے ہوئے اچانک باباجی بولے ’’ڈاکٹر بابا! تم حاجی کی جگہ پر۔ ڈاکٹر بابا! تم حاجی کی جگہ پر‘‘ یہ بات سن کر میں پریشان ہو گیا کیونکہ حاجی صاحب کچھ عرصہ قبل مجھے بتا چکے تھے کہ وزیراعظم میاں نوازشریف نے مجھے کہا ہے کہ میں کسی صورت بھی ڈاکٹر صفدر کو نہیں لوں گا۔ ایک ڈیڑھ ماہ بعد مجھے حاجی اکرم مرحوم کی جگہ پر لگا دیا گیا اور باباجی کے منہ سے نکلی ہوئی بات سچ ثابت ہوگئی۔ تین چاربارایسا ہوا کہ کہنے لگے ’’بابا! تم رزق حلال کھاتے ہو۔ یہ نوٹ اپنی جیب میں محفوظ رکھنا، خرچ نہ کرنا، اللہ تمہارے رزق میں برکت ڈالے گا‘‘ پھر سچ مچ رزق میں برکت پید ہونےلگی۔ ایک بار میں نے باباجی سے کہا کہ حضور! آپ نے مجھے جو دس روپے کا نوٹ دیا تھا وہ گم ہوگیاہے۔ فوراً بولے وہ میرے پاس واپس آگیا تھا۔ جیب میں ہاتھ ڈالا اور کہا ’’یہ ہے وہ نوٹ سنبھال کر رکھنا‘‘ہزاروں باتیں ہیں کس کس کا ذکر کروں۔ میری بیٹی کی شادی ہوئے چندماہ گزرے تھے۔ حسب ِ معمول بابا جی آئے توبیٹی کی تصویر پر نظر پڑی، کہنےلگے ’’بابا! اللہ بیٹی کو ہیرے ورگا بیٹا دے گا‘‘اور پھر ایسا ہی ہوا۔ میں دفتر میں بیٹھا تھاتو اچانک تشریف لے آئے اور کہا کاغذ پن دو۔ پھرکاغذ پر کچھ لکھااور کاغذ مجھے تھما دیا۔ لکھا تھا ’’بابا! تمہارا 22گریڈ کا ٹھپہ لگ گیا۔‘‘ میں نے کاغذ بریف کیس میں رکھ لیا جہاں باباجی کے لکھے کئی اور خطوط بھی رکھے تھے۔ چند برس بعد اللہ تعالیٰ نے ترقی کردی۔جنرل پرویز مشرف کو اقتدار میںآئے دو تین ماہ گزر ے تھے تو باباجی مجھے کہنےلگے ’’بابا! تم ظالموں کے ہتھے چڑھ گئے ہو۔ حضرت یونس ؑ والی دعا پڑھا کرو۔‘‘ میں بات سمجھ نہ سکا اور ایک ما ہ بعد اوایس ڈی بنا دیا گیا۔ چند ماہ قبل استنبول سے میری بیٹی اور داماد آئے۔ میں ان کو لے کر باباجی کے ہاں گیا، کہنے لگے ’’بہن! تمہارا رزق بندروںوالے شہر میں ہے، تیاری کرلو‘‘ مجھے علم تھاکہ باباجی لند ن کو ’’باندروں‘‘والا شہر کہتے ہیں۔ چار ماہ قبل داماد کو لندن میں پوسٹنگ مل گئی اور وہ لندن منتقل ہو گئے۔ گزشتہ کچھ عرصے سے بابا جی مجھے تنہائی میں کہا کرتے تھے کہ بابا میں نے مدینہ شریف چلے جاناہے اورپھر وہیں سرکارﷺ کے قدموں میں رہناہے۔ پھر وہ مجھےایسی باتیں بتاتے جو میں لکھ نہیں سکتا کبھی کبھی میرے بارے میں ایسی باتیں کرتے جو میرے سینے میں دفن ہیں اور باباجی کی امانت ہیں۔ 8فروری کو صبح قلم پکڑا اوراخبار پر لکھا ’’مجھے جنت کی ٹھنڈی ہوائیں بلا رہی ہیں۔ مجھے مدینہ طیبہ کی ہوائیں بلا رہی ہیں‘‘اسی شام طبیعت معمولی سی خراب ہوئی اور ہسپتال لے جاتے ہوئے اچانک بگڑ گئی۔ ہسپتال سے چند منٹ کے فاصلے پر تھے بیٹے کا ہاتھ پکڑا، آسمان کی طرف اشارہ کر کے کہا ’’بیلی مجھے لینے آگئے ہیں‘‘ قرآنی آیات پڑھیں اور دنیا سے پردہ کرگئے۔ ہر جمعرات شام داتا دربار جانا ان کا طے شدہ معمول تھا۔ جمعرات ہی کو نماز ِ عصر کے بعد ان کی نماز جنازہ حضرت داتا گنج بخشؒ کے قدموں کی جانب ادا کی گئی اور شام کو میانی صاحب قبرستان میں دفن کردیا گیا کہ ہر جاندار کو موت کا ذائقہ چکھنااور دنیا سے رخصت ہونا ہے۔ باباجی میرے پیارے مخلص دوست تھے، یار تھے اور ہمراز تھے۔ ان کے جانے کے بعدمجھے یوںلگتا ہے جیسے میں تنہا ہو گیاہوں لیکن یہ کہہ کر دل کو تسلی دے دیتا ہوں کہ یہ چار دن کی جدائی کوئی بات نہیں۔ انشا اللہ جلد اکٹھے ہوں گے۔ چندروز قبل میں ان کی قبر کے قدموں پہ کھڑا فاتحہ خوانی کر رہا تھاتو مجھےیوں محسوس ہوا کہ جیسے باباجی مجھے کہہ رہے ہوں ’’بابا فکر نہ کرو ہم تمہارے پاس ہیں‘‘ یہ میرا واہمہ تھا، لیکن پھر بھی مجھے سہارا دے گیا "۔ بشکریہ جنگ  http://jang.com.pk/jang/jun2014-daily/24-06-2014/col2.htm

 پوسٹ میں کہی گئی باتوں سےاختلاف/اتفاق کرناآپکا حق ہے۔اب مجھےاجازت دیں،پڑھنے کا بُہت شُکریہ ۔ 

  {ہمیشہ رب کی مہربانیاں رہیں }