"فیصلہ تو " خُدا " نے کرنا ہے"

منجانب فکرستان: بشُکریہ "محدث فورم"
غور و فکر کیلئے

 بمع لنک:مولانا سید محمد شاہ کشمیری 

٭٭٭٭٭

 ٹرین میں دو مسافروں کے درمیان گفتگو شروع ہوتے ہی یکساں خیالات نے بے تکلفانہ پن پیدا کردیا۔۔۔
 ایک کا لڑکا (سی۔ اے) ہے تو دوسرے کی لڑکی (ایم ۔کام) ہے۔
لڑکی کا باپ: بھائی صاحب آپکا تعلق کس فرقے سے ہے۔
لڑکے کا باپ مسکراتے ہوئے: بھئی میرے فرقے کا نام اِسلامی گلدستہ ہے۔
ہائیں یہ بھی کوئی فرقہ ہے کیا؟ لڑکی کا باپ چونکتے ہوئے
لڑکے کا باپ مسکراتے ہوئے: نہیں جناب دراصل جب سے وحدتِ امت کے صفحات پر مولانا مفتی محمد شفع

  کا بیان کردہ واقعہ پڑھا ہے۔۔۔۔دل میں یہ خواہش پیدا ہوئی کاش کہ تمام فرقوں کے علمائے کرام سر جوڑ

 کر بیٹھیں اور بیان کردہ واقعے کو مثال بناکر ختمِ نبوت پر یقین رکھنے والے تمام فرقوں کو  پھولوں سے

 تشبیہہ دیکر  وحدتی اسلامی گلدستہ بنائیں ۔۔۔تاکہ فرقہ پرستی  سے مسلمانوں کو جو شدید قسم کا نقصان پہنچ رہا ہے اُس سے بچا جا سکے اسلامی وحدت سے مسلمانوں کیلئے کئی طرح کے  فائدے ہی فائدے ہیں۔۔ جبکہ نقصان کچھ بھی نہیں ۔۔۔

اسلامی گلدستے کا  ہر پھول (فرقہ) اپنے عقیدے کے مطابق عمل کرے صحیح / غلط کا فیصلہ تو خُدا نے ہی کرنا ہے: تو پھر مسلمان آپس میں کیوں جھگڑ رہے ہیں؟؟ اسلام دشمنوں کو کیوں موقع فراہم کر رہے ہیں کہ وہ مسلمانوں کو آپس میں لڑا سکیں ؟؟؟ 

لڑکی کا باپ بھی مسکراتے ہوئے: بھائی صاحب آپ اس طرح کے صرف خواب ہی دیکھ سکتے ہیں ۔۔۔  

لڑکے کا باپ: بجا فرمایا آپ نے 

لڑکی باپ: جناب اگلا اسٹیشن میری منزل ہے ۔۔اگر مناسب سمجھیں تو میرا یہ کارڈ رکھیں اور اپنا موبائل نمبر عنایت فرمائیں تاکہ (ہنستے ہوئے) آپکے فرقے "اسلامی گلدستے " سے متعلق مزید گفتگو کریں گے ۔۔۔(باہر جھانکتے ہوئے)۔لیجئے اسٹیشن آگیا  میں سامان سمیٹ لوں ۔۔۔آپ کے ساتھ وقت اچّھا گُذرا: ۔۔۔ گلے مل کر ٹرین سے اُتر تے ہوئے ۔
کہتے ہیں ٹرین کی دوستیاں۔۔۔پائدار دوستیاں ہوتی ہیں ۔خُدا حافظ 

لڑکے کا باپ: خُدا حافظ
لنک: مولانا سید محمد شاہ کشمیری۔  http://www.banuri.edu.pk/en/node/1204

اب اجازت دیں ۔۔۔پڑھنے کا بُہت شُکریہ  

 نوٹ: درج بالا خیالات سے اختلاف/ اتفاق کرنا ہر پڑھنے والے کا حق ہے 

 {ہمیشہ رب کی مہربانیاں رہیں }