امریکہ نے ویٹو کردیا ٭٭٭٭٭٭٭٭٭٭٭٭٭٭٭٭٭٭٭٭

                                                                ﷽

          فکرستان سے ۔۔۔لوگوں میں امریکہ سے بڑھتی ہوئی نفرت کا سر سری جائزہ۔

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

امریکہ نے اُس مذمتی قرار داد کو ویٹو کردیا  جو فلسطین  نےاسرائیلی بستیوں کی تعمیر کی خلاف اقوام متحدہ  میں پیش کی تھی ۔ 14ارکان نے قرار داد کی حمایت کی تھی  صرف امریکہ نے ہی مخالفت کی ۔اسطرح جمہوریت کے چمپئین  نے ویٹو پاور کے زور پر جمہوریت  کا گلا گھونٹ دیا ۔اس ویٹو پاور کے قانون نے اقوام متحدہ کے ادارہ کو بالکل ہی  ناکارہ بنا دیا ہے ۔ جن مقاصد کےحصول  کیلئے یہ ادارہ وجود میں آیا تھا  یہ اُن  مقاصد کے حصول میں رکاوٹ بن رہا ہے ۔ ظلم و بر بریت روکنا تو دُور کی بات ہے  یہ ادارہ تو اسرائیل کی ظلم و بر بریت کے خلاف مذمتی قرارداد تک پاس کر نے کا روادارنہیں ۔

 دنیا کے ممالک کو قانون ویٹو پاور کے خلاف آواز اُٹھا نا چاہیے۔ جبتک اقوام متحدہ کا ادارہ قانون ویٹو پاور سے جان چھوڑا نہیں لیتا اس ادارہ کو اقوام متحدہ کے بجائے پانچ مُلکی ادارہ کہنا چاہیے۔امریکہ کو بھی اپنی پالیسی پر نظر ثانی کرنا چاہیے کہ اُسکی  اسرائیل نواز پالیسی  اُسے کتنا نقصان پہنچا رہی ہے ۔۔ اسرائیل نواز پالیسی کی بِنا پر دُنیا بھر کے انسانوں میں امریکہ کا اِمیج خراب ہوا ہے ۔ 

اسی طرح سے بلاجواز وسیع پیمانے پر تباہی پھیلانے والے ہتھیاروں کا حوّا کھڑا کر کے عراق کو خون میں نہلادینا  کہاں کا انصاف ہے۔جنکے پیارے مرے ہیں ،  زخمی ہوئے ہیں یا جِن کے  کاروبار تباہ ہوئے ہیں ۔ انکے دلوں میں سپر پاور کیلئے  شدید نفرت ہوگی ۔ اسی طرح عالمی دہشت گردی کا حوّا کھڑا کرکے افغانستان میں بھی خون بہا یا  گیا۔ یہاں بھی جنِ کے پیارے مرے ہیں، زخمی ہوئے ہیں یا جنِ کے کاروبار تباہ ہوئے ہیں ۔  وہ بھی سپر پاور سے نفرت کریں گے ۔ ڈرون حملوں نے بھی پاکستانیوں کے دِلوں میں نفرت کو جگایا ہے ۔ گوانتا ناموبے اور ابُو غوریب  جیل  نےدنیا  بھرکے انسانوں میں نفرتوں کو سمویا ہے  ۔  ان نفرتوں  سے دہشت گردی میں کمی ہوگی یا کہ مزید اضافہ ؟ اب لوگ امریکہ،اسرائیل اور بھارت کے طرزِ عمل کو بھی ریاستی دہشت گردی کہتے ہیں  کیا امریکہ،اسرائیل اور بھارت کا  موجودہ طرز عمل نئے اُساماؤں کی راہ ہموار نہیں کر رہا ہے؟۔۔(  تراشہ جنگ نیوز 19فروری )۔

                                                      (خلوص کا طالب۔ ایم۔ڈی)

آگہی کے تراشے۔۔۔

                                                   ﷽

                                  ـــــــــــــــــــــــــــــــــ                          

فکرستان سے ۔۔۔ مُختلف سائیٹ سے لیئے گئے آگہی تراشے۔۔۔ بمع تبصرہ۔
ــــــــــــــــــــــــــــــــــــــــــــــــــــــــــــــــــــــــــ
اٹلی کی معروف خاتون سائنسدان ریٹا لیوی مونتالسینی نوبل انعام یافتہ محقق ہیں۔ ان کی عمر 101 برس ہے۔ وہ آج بھی نیورو بیالوجی کے شعبے میں تحقیق کرتی اپنی تجربہ گاہ میں بڑی مصروف رہتی ہیں۔ انہیں 1986 میں ان کے ایک ساتھی محقق کے ساتھ مشترکہ طور پر طب کا نوبل انعام دیا گیا تھا۔ لیوی مونتالسینی کہتی
 ہیں کہ (انسانیت کی تاریخ اور سائنس کا علم ) ہمیں یہ سکھاتے ہیں کہ انسان مختلف چیلنجوں کی وجہ سے ہی نشو و نما پاتا ہے۔۔۔
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
۔( تراشہ ڈوئچےویلے)۔تبصرہ:- قوموں کی تاریخ کا بھی یہی فارمولا  ہے ۔ پاکستانی قوم کی نشونما کی باری اب آجانی چاہئے ۔؟  
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

۔( تراشہ ایکسپریس نیوز)۔۔تبصرہ:- ۔ماحول انسان پر کتنا پاور فل اثر ڈالتا ہے ۔    
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

۔(تراشہ جنگ نیوز)۔ تبصرہ:-کاش میں جنوبی افریقہ کا شہری ہوتا ۔جنّت میں جانے کا اس سے اچھّا موقع اور کیا ہوگا۔؟
 ______________________________________________________________

زندگی کی حقیقت پر( پُر اثر وڈیو)۔۔۔

                

﷽

           فکرستان سے ۔۔۔ مصری صدر حُسنی مُبارک کےبار ےمیں۔ 

ـــــــــــــــــــــــــــــــــــــــــــــــــــــــــــــــــــــــــ

۔(برطانوی اخبار گارجین  نے بدھ کی اشاعت میں  مصری صدر  کے بارے میں لکھا ہے کہ اِس وقت اُنکی عُمر 82 سال ہے ،اور وُہ اس وقت تقریبا" 70  ارب ڈالر کے مالک   ہیں) سوال یہ ہے کہ اتنی زیادہ دولت اُنکے پاس کہاں سے آگئی ۔ چونکہ دُنیا کے امیر ترین شخص کی دولت بھی 53 ارب ڈالر ہے ۔ یقینا" حُسنی مُبارک نے  یہ دولت اُنہوں نے اپنے 30 سالہ دور میں عوام کی بے لوث  خدمت  سے حاصل کی ہوگی۔   جس کے  مُتعلق اخباری حوالے بتاتے ہیں کہ عوام کی اکثریت کی آمدنی دو ڈالر سے بھی کم رہ گئی ہےاور وُہ مفلسی کی  زندگی گُزار نے پر مجبور ہیں۔ یہ کتنا بڑا ظلم ہے ۔

                           _______________________________

 جو بات عقل کو ہضم نہیں ہورہی ہے وُہ یہ ہے کہ ، 82 سالہ حُسنی مُبارک   کتنے سال اور زندہ رہیں گے ؟کیا وُہ اپنی اتنی ساری دولت کو اپنی قبر میں لے جائیں گے؟ خُدا کو کیا جواب دیں گے؟ وہاں تو کوئی بھی کام نہ آئے گا نہ بیوی، نہ بچّے صرف اعمال کام آئیں گے۔ سب کچھُ یہیں رہ جائے گا ۔ کیا وُہ یہ نہیں جانتے ہیں کہ،اُنکی دولت سے دُوسرے عیش کریں گے ،جبکہ خُدا کے سامنے جوابدہ، وُہ خوُد اَکیلے ہونگے۔جس طرح اسِ وقت  دُنیا بھر سے اَکیلے رُسوائی سمیٹ رہے ہیں۔

                               ـــــــــــــــــــــــــــــــــــــــــــــ

 ۔اگر آپ توجہ سے 3 منٹ کی مُکمل وڈیو سُنیں گے تو ۔مُجھے یقین ہےکہ بدلے میں یہ وڈیو بھی آپکو کُچھ نہ کُچھ ضرور دے گی۔

        

                         

قُران سے النحل کی آیت۔ 79

                                                 ﷽                      

فکرستان سے۔۔۔۔۔ قُرآن کی آیت۔ 79/16 کے بارے میں   

ــــــــــــــــــــــــــــــــــــــــــــــــــــــــــــــــــــــــــــ

مُجھے  مکمل حمددیہ کلام پر مشتمل سی۔ڈی/ ڈی ۔وی ۔ڈی درکار تھی کراچی کی

 سب بڑی  مارکیٹ  ریمبو سی ۔ڈی سینٹر کی تمام دُکانیں چھان  ڈالیں لیکن مُجھے

ایک بھی  حمدیہ سی ۔ ڈی نہ مل سکی ۔میں نے  دُکانداروں  سے دریافت کیا تو

 دُکانداروںنے بتایا کہ کافی عرصہ پہلے ایک ادارہ  نے ایک حمدیہ سی۔ڈی بنائی

 تو تھی لیکن سیل نہ ہونے کی بنا پر  دوبارہ  نہیں نکالی۔نعتیہ سی ڈیوں کی سیل

ہے اسلیئے ادارے بھی نعتیہ سی ۔ ڈی بناتے ہیں ۔ یہ لمحہ فکریہ نہیں ہے؟

جبکہ آپﷺ اُٹھتے ، بیٹھتے، لیٹتے  اللہتعلیٰ کی حمد بیان کرتے تھے۔

 اُمت  کا  یہ حال  ہے کہ حمد کی سی۔ڈی  کا  خریدارنہیں ہے۔ابراہیمؑ تا آپ

ﷺ تک سب کے سب ،خُدائے واحد کی حمد، انسانوں کے دلوں میں راسخ

 کرانے آئے تھے ۔اس سلسلے میں کافی تعداد میں قُرآنی آیات موجود ہیں ۔

تاکہ انسانی ذہن میں خُدا کی عظمت کا امیج بنے۔۔

مثلا"۔النحل کی آیت 79 ۔ کا ترجمہ ہے ۔( کیا انِ لوگوں نے پَرندوں کو نہیں

 دیکھا کہ فضائے آسمان میں کِس طرح مسخر ہیں ۔؟اللہ کے سوا کس نے ان کو

تھام رکھا ہے۔؟ اس میں بُہت سی نشانیاں ہیں، اُن لوگوں کیلئے ،جو ایمان لاتے

 ہیں )۔یہ آیت سوالیہ انداز میں انسان کو غور و فکر کی دعوت دیتی ہے ۔ 

 اب اس آیت میں موجود "حمد" کو سمجھنے کی کوشش کرتے ہیں۔

  فرض کریں کوئی شاعر پرندہ کو  غور سے دیکھ کر مُتاثر ہو تا ہے کہ کبوتر کس

طرح فضا میں اُڑ رہاہے ۔ وُہ اپنے چھوٹے سے دماغ  کو کلک کرتا اَور اُنچا اُڑنے

لگتا  ہے ۔پھر کِلک کرتا ہے  فورا"  مُڑ  جاتا ہے  کِلک پر کِلک کرتا جاتا ہے اور 

قَلابازیاں  کھاتا جاتا ہے، شاعر اس چھوٹے سے پرندہ کے اِس کرتب سے مُتاثر

 ہوتا  ہے اور وُہ  سوچنے لگتا ہے کہ۔اس چھوٹے  سے پرندہ  میں اتنی صلاحیت 

کہاں سےآئی ہے ۔فورا"  اُسکا دماغ خالق حقیقی کی طرف مُڑ جاتا ہے۔ اسطرح

سے شاعر کے دماغ میں خالق کی عظمت کا  امیج  بنتا ہے ۔اور پھر وُہ  پرندہ کی

حرکات و سکنات کو خُدا کی عظمت سے نتھی کرکے حمد نظم کرلیتا ہے ۔  یقینا"

 وُہ  ایک پُر تاثیر حمد ہوگی ۔ جو پڑھنے یا سُننے والے  پر اثر کرے گی  اسطرح 

پڑھنے یا سُننے و الے کے ذہن میںموجود  خُدا کے"امیج" کو اور وسعت ملے گی 

 مین نےاس آیت سے متعلق تشریح کیلئے اپنی سی کوشش کی ہے ۔یہ حمدیہ کلام

 کی اہمیت کو اُجاگر کرنے کے لئے کی ہے ۔ 

حمدیہ کلام  سنتے رہنے  سے ذہن خُدا کے قریب ہوجاتا ہے  ۔ میرے خیال میں

  ہمیں حمدیہ کلام بھی سُنتے رہنا چاہئے ۔حمدیہ سی۔ ڈی سیل ہونگی تو بنانے والے

ادارے بھی اعلیٰ سے اعلیٰ حمدیہ سی۔ڈی بنائیں گے۔

                          ۔ (آپ نے میرےخِیالات پڑھے آپکا شُکریہ ۔)۔

اب آپ یہ خوبصورت حمد سُنیں۔ شاید آپنے یہ خوبصورت حمد پہلے نہ سُنی ہو۔ 

نماز میں تصّورِخُدا۔۔۔

ــــــــــــــــــــــــــــــــــــــــــــــــــــــــــــــــــــــــــــ

فکرستان سے

ــــــــــــــــــــــــــــــــــــــــــــــــــــــــــــــــــــــــــــ

انسان کے دماغ میں خیالات تو آتے ہی رہتے ۔ ایسے ہی ایک دن خِیال آیا کہ 

لوگوں سے معلوم کیا جائے کہ آیا وُہ نماز میں خُدا کا تصّور کسطرح باندھتے ہیں؟

سب سے پہلے جن صاحب سے پوچھا وہ صاحب گریجویٹ ہیں عُمر تقریبا" 40

سال ہوگی اُنہوں نے کہا بھئی میں تو اسطرح پر تصّور باندھتا ہوں کہ خُدا عرش

سے مُجھے دیکھ رہا ہے ۔ایک دوسرے صاحب نے بتا یا کہ میں اپنا دھیان خُدا کی

طرف کرلیتا  ہوں۔ ۔ایک اور صاحب نے  بتایا  کہ میں آنکھیں  بند کرکے نماز 

پڑھتا ہوں کسی قسم کا تصّور نہیں باندھتا ہوں ۔ایک اور صاحب نے بتایا کہ میں 

جہاں سجدہ کرتا ہوں وہاں ایک پوائنٹ بنا لیتا ہوں نظر وہیں جما کر نماز پڑھ لیتا 

ہوں ۔ایک  اور صاحب نے بتایا کہ وُہ انگوٹھے پر نظریں ،جما کر نما ز ادا کرتے 

ہیں ۔ایک اور صاحب نے بتایاکہ بس خِیالات بھی آتے رہتے ہیں۔اور نماز بھی 

ادا ہوتی رہتی ہے۔ 

اس بارے میں کوئی  واضع ہدایت  میری نظر سے نہیں گُزری ۔عموما" یہ کہا جاتا  

ہے ۔نماز اسطرح پڑھیں کہ خُدا آپکو دیکھ رہا ہے  یا آپ خُدا کو دیکھ رہے ہیں ۔

خُدا آپکو دیکھ رہا  ہے  والی بات تو سمجھ میں آتی ہے ۔لیکن ہم  خُدا  کو دیکھ رہے 

ہیں والی بات سمجھ میں نہیں آتی ہے ۔ہم خُدا کا تصّور کیسے باندھ سکتے ہیں ؟ ہے  

کوئی ایسا جو اس سلسلے  میں کوئی رہنمائی کرنا چاہےکہ خُدا کاتصّور کیسے کیا جائے ۔؟

٭پاکستانی قوم اور بند گلی ٭۔۔۔۔۔۔۔۔۔۔۔۔۔۔۔

ــــــــــــــــــــــــــــــــــــــــــــــــــــــــــــــــــــــــــ

فکرستان سے۔۔۔۔۔۔۔شاید کہ اُتر جائے بات میری دل میں آپکے!

ــــــــــــــــــــــــــــــــــــــــــــــــــــــــــــــــــــــــــ
میرے خیال میں  پاکستان کے حوالے  سےکسی بھی بُری خبر کا نفسیاتی  دباؤ جتنا بیرونی ممالک میں مُقیم پاکستانی

 محسوس کرتے ہیں ۔  پاکستان میں مُقیم  کا درجہ اُس سے ذرا کم ہوتا ہے۔ وجہ اسکی یہ ہے کہ بیرونی ممالک میں

 مقیم پاکستانی پاکستان آنا چاہتے ہیں ۔ کاروبار کرنا چاہتے ہیں ،اہلیت کے مُطابق نوکری چاہتے ہیں ،اپنے ملک میں،

اپنوں میں  رہنا چاہتے ہیں ۔۔ ۔لیکن پاکستان کے حالات اُنہیں پاکستانآنے سے منع کرتے ہیں ۔ 

ہم  پاکستان کے  سیاستدانوں سے مایوس ہو چُکے ہیں  ۔ مذہبی جماعتوں کو بھی دیکھ لیا ہے ۔ فوج کوبھی آزمالیا ہے ۔

 آنے والے الیکشن میں ووٹ کس کو دیں؟ اب ہمارے پاس کونسا آپشن رہ گیا ہے ؟ بند گلی ؟

لفظ انقلاب سے ذہن فورا" فرانس کی طرف دوڑ جاتا ہے ۔ اوباما  کی طرف نہیں جاتا ہے۔ کسی کے تصور میں بھی

 یہ بات نہیں تھی  کہ وائٹ ہاؤس میں رہنے کیلئے کالا آدمی بھی آسکتا ہے ۔لیکن تاریخ گواہ ہے کہ نعرہ "چینج "نے

یہ سب کچھ ممکن بنادیا ۔

میرے خیال میں پاکستان میں انقلاب (تبدیلی) /چینج کو بیرونی ممالک میں مُقیم پاکستانی ممکن بنا سکتے ہیں ۔ مگر کیسے ؟   

 پاکستان میں 50تا55٪ ووٹرز ووٹ کاسٹ نہیں کرتا ہے ۔ یہی وُہ ووٹرز ہیں کہ جو تبدیلی لاسکتے ہیں ۔ بیرونیممالک

میں مُقیم پاکستانی مُختصر دورانیہ کے  ایسے اشتہار بنواکر پاکستانی چینلوں پر چلوائیں کہ ووٹ کے زریعے انقلاب  ایک

تحریک/ایک نعرہ بن جائے ۔تبدیلی کا۔ 

 اشتہاروں میں  واضع طور پر لکھا ہو کہ یہ اشتہار اورسیز پاکستانیوں کی طرف سے اس سے یہ ہوگا کہ مُقامی لوگوں

 کی بھی غیرت جاگے گی اور جوش و جزبہ بیدار ہوگا ۔

اشتہاروں کے زریعے  قابلیت کے حامل لوگوں کے  ضمیر کو بھی جھنجوڑنا ہوگا کہ وہ میدان سیاست  میں آئیں  اور

 پاکستان کو بہتر بنانے میں اپنا حصہ ڈالیں ۔اُنہیں یقین  دلائیں کہ آپ لوگ اُنکی کیمپنگ چلائیں گے ۔

 اسمبلی میں قابلیت کے حامل ،وسعت نظراور پاکستان سے محبت کرنے والے لوگ آجائیں گے تو پاکستان کا نقشہ 

بدل جائے گا ۔

     جوش ،جذبہ ،نعرہ، تحریک ، ایسی فضاء بنا سکتے ہیں کہ  کروڑوں پاکستانیوں کی دُعائیں بار آور ہو سکتی ہیں ۔

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ہرشخص کی طرح میں بھی اپنی رائے کے بارے میں خوش فہمی میں مبتلہ ہوں کہ بند گلی سے نکلنے کا یہایک اچھا راستہ ۔

 ہے۔۔ ہوسکتا ہے کسی کے دماغ میں  پاکستانی قوم کو بند گلی سے نکالنے کا  اس سے بھی بہتر راستہ ہو۔اب اجازت دیں

 آپنے میرے خیالات  پڑھے۔ آپکا شُکریہ۔

 

کیا پاکستان پسماندگی سے نکل سکتا ہے ؟؟؟

فکرستان سے۔۔۔اس سوال کا جواب ہم نے مشہور دانشور/مورخ سے حاصل کیا ہے  

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

پاکستان کے مشہور دانشور جناب ڈاکٹر مُبارک علی کسی تعرف کے محتاج نہیں ۔درج بالا عنوان کا جواب ہم نے اُنکی

کتاب "تاریخ اور دانشور" کے صفحہ نمبر100 سے حاصل کیا ہے۔وُہ لکھتے ہیں کہ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ ایک حقیقت ہے کہ پسماندگی ہماری روایات اورسماجی وسیاسی اور اقتصادی اداروں میں اس قدر سرایت کر چُکی

 ہےکہ اب ان میں اصلاح کرنا نا ممکن ہے  کیونکہ اصلاح کیلئے مصلحین کی بھی  ضرورت ہوتی ہے ،اور ذہنی طور

پر معاشرےکی آمادگی کی بھی ضروری ہوتی ہے  جبکہ ان دونوں چیزوں کی ہمارے ہاں کمی ہے ۔

دوسرا راستہ انقلاب کا ہے  ،جو پورے نظام کو اُلٹ کر یہاں نئے اداروں کی تشکیل کرے،مگر اس عمل کیلئے بھی نہ تو 

دانشوری کی روایات ہیں ،اور نہ ہی تخلیقی صلاحیت والے افراد ہیں اسلئے ان دونوں صورتوں  کے عمل پزیر نہ ہونے 

کی وجہ سے خطرہ اس بات کا ہے کہ پاکستانی  معاشرہ پسماندہ حالت میں ہی رہے گا ۔کب تک اسکی یہ حالت رہےگی 

اس بارے میں کوئی پیش گوئی نہیں کی جاسکتی ہے  ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس کتاب کا پہلا ایڈیشن سن1995میں اشاعت پزیر ہُوا تھا ۔پندرہ سال کے عرصے میں  پُلوں سے کافی پانی گُزر

چُکا ہے ۔اب ہم اپنی دانشوری جھاڑتے ہیں ۔۔۔ڈائیلاگ؛۔ کرپشن عُروج پر پُہنچ چُکی ہے ،تمام سیاستدان ننگے ہُوچُکے

 ہیں ۔معیشتتباہ ہوچُکی ہے ۔مذہبی انتہا پسندی کو بڑھاوا مل رہا ہے ۔ اس ساری صورت حال میں  پاکستان  اس وقت 

دردزہ کی کیفیت  سےگُزر رہا ہے ۔  ۔

 ہم طوطے والے کے پاس گئے اور پوچھا ،کیا برآمد ہوگا  ؟ جواب آیا کہ الیکشن کے قریب   پاکستان کو متحد کرنے 

والا" نعرہ "لیکر دردزہ سے ایسا لیڈر برآمد ہوگا۔جس پر پوری قوم کو اعتماد ہوگا ۔ہم توہماتی معجزہ پر بُہت خوش  ہوئے

یہ تو آپکو معلوم ہی ہے کہ بحثیت انسان ہم توہمات اور معجزوں پر بُہت یقین رکھتے ہیں ۔ویسے تاریخ گواہ ہے کہ 

قوموں سے معجزے سرزد ہوئے ہیں ۔حالیہ مثال چین کی موجود ہے ۔ جب چین دردزہ کی کیفیت سے گُزرا تب ہی
 ماؤزےتنگ پیدا ہُوا۔امید ہے ہماری  دانشوری نےآپکی کُچھ ڈھارس بندھائی ہوگی ۔۔۔ 
اتنی دیر برداشت کیا ،آپکابُہت شُکریہ۔