٭ ذوالفقار مرزا کی پریس کانفرنس میں ہنگامہ آرائی ٭

حیدر آباد میں ذوالفقار مرزا کی پریس کانفرنس میں ہنگامہ آرائی جس کے نتیجہ میں ایک صحافی شدید زخمی ہوگیا ۔۔۔۔  

http://ejang.jang.com.pk/08-31-2011/Karachi/pic.asp?picname=1010.gif

٭ خوبصورت تصویر / دلچسپ خبر ٭

 فکرستان سے پیش ہے پوسٹ ٹیگز: دلچسپ/ 22سال /11ماہ/ماں بننا
ـــــــــــــــــــــــــــــــــــــــــــــــــــــــــــــــــــــــــــــــــــــ

ما ہرینِ نفسیات کہتے ہیں کہ حواس خمسہ کے زریعے اچّھے یا بُرے جو بھی تاثرات انسانی دماغ کو پُہنچتے ہیں وہ پورے انسانی جسم کو مُتاثر کرتے  ہیں ۔امریکی علاقہ  ٹینسی کی نہ صرف یہ خوبصورت" تصویر" بلکہ یہ" خبر"بھی کُچھ ایسی ہی انوکھی اور دلچسپ ہے کہ کُچھ دیر کے لیے آپ کے اندر مسرت کے احساس کو جنم دیگی۔۔۔
خاص طور پر سب سے آخر میں کھڑی بچّی کو دیکھیں جیسے وہ اپنے وجود کا احساس دِلا رہی  ہو اور کہہ رہی ہو کہ میں بھی اس دُنیا میں آئی ہوئی ہوں ۔ مُجھے بھی اس تصویر میں ہونا ہے۔ اب آپ یہ ہنستی مسکراتی خوبصورت  تصویر دیکھیں اور ہنستی مسکراتی خبر پڑھیں ۔اور مُجھے دیں اجازت  ۔۔۔ آپکے خلوص کا طالب ۔(ایم ڈی)۔

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
خبراورتصویرشمالی امریکہ کےاخباراردو ٹائمزسےکاپی پیسٹ ہے (بچّوں کے چہرے ضرور دیکھیں )۔

   ٹینسی: مو جودہ دور میں جہاں اکثر جوڑے کم بچے خوشحال گھرانے پر یقین رکھنے ہیں وہیں ایک امریکی جوڑا ٹھارہ بچوں کے بعد بھی مزید دو بچوں کا خواہشمند ہے۔ امریکی ریاست ٹینسی کے رہائشی گل اور کیلی کل اٹھارہ بچوں کے والدین ہیں جن کے سب سے بڑے بچے کی عمر بائیس اور سب سے چھوٹا صرف گیارہ ماہ کا ہے۔ چوالیس سالہ کیلی کا کہنا ہے کہ اسے ماں بننے کا عمل بے حد اچھا لگتا ہے اور وہ مزید دو لڑکوں کی خواہشمند ہے۔ جس سے ان کے لڑکے اور لڑکیوں کی تعداد دس، دس ہو جائے گی۔ گل اور کیلی کے چار ہزار اسکوائر فٹ پر پھیلے ہوئے گھر میں ٹیلی ویژن، انٹرنیٹ موجود نہیں اور فارغ وقت میں پورا خاندن ایک ساتھ موسیقی سے لطف و اندوز ہوتا ہے۔

آئیں ہم بھی موسیقی سے لطف اندوز ہوں / کافی دن گُزرگئے کہ میں نے اپنی پوسٹ پر کوئی وڈیو نہیں لگائی ۔وڈیو/آڈیو حاضر ہے دل چاہے تو سُنئے۔

برمودا ٹرائی اینگل اور کراچی

فکرستان سےپیش ہےپوسٹ ٹیگز:انائیں/ کمزور پڑتی گرفت/فردوس عاشق اعوان

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 کراچی کے مکینوں نے کراچی کے مسائل کے حل کیلئے  ایم کیو ایم ، پیپلز پارٹی اور اے این پی کے نمائندوں کو ووٹ دیکر کامیاب کرایا جب تینوں پارٹیوں کے بڑوں نے اتحاد کا فیصلہ کیا تو کراچی کے مکین خوش ہوئے کہ اس اتحاد سے کراچی کے مسائل کے حل کو ایک موثر آواز مل جائے گی ۔لیکن یہ اتحاد تو کراچی کے مکینوں کیلئے برمودا ٹرائی اینگل ثابت ہورہا ہے جو کراچی کے شہریوں کو ہی نِگل رہا ہے ۔ اس صورت حال کو کُچھ دانشور بیرونی سازش قراردے رہے ہیں تو کُچھ اندرونی سازش  قرار دے رہے ہیں ۔ لیکن میرے نزیک کراچی کو اس صورت حال میں مبتلا کرنے  میں ٹرائینگلی اناؤں کا دخل ہے۔ ہر اینگل اور اُسکے کارندے  یہ سمجھتے ہیں کہ وہ بُہت بڑی طاقت ہیں ۔ اور اپنی طاقت کا مظاہرہ چاہتے ہیں، مظا ہرہ کر رہے ہیں ۔

  میرے خیال میں اسکی ایک بڑی وجہ پارٹی سربراہوں کی  اپنی پارٹی پر کمزور پڑتی گرفت  بھی نظر آرہی ہے ۔اگر ایسا ہے تو یہ نہ صرف کراچی بلکہ پورے پاکستان کیلئے بُہت نقصان دہ بات ہے۔ چونکہ بقول محترمہ فردوس عاشق اعوان کراچی کے حالات سے ملک کو یومیہ 3 ارب کا نقصان پہنچ رہا ہے ۔۔

بُہت شُکریہ۔ 

میں یہ تو نہیں کہتا کہ میرے اِس تجزیہ کوصحیح سمجھیں ٭ میں تو یہ کہتا ہوں کہ میرا تجزیہ یہ ہے ۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تبصروں کی پبلشنگ بند ہے ۔( ایم ۔ ڈی )۔     

شیخ رشید صاحب انا ہزارے کیوں نہیں بن سکتے ؟؟؟

فکرستان سے پیش ہے پوسٹ ٹیگز:اناہزارے/ عمران خان / عدالتیں/شیخ رشید   

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ 

ضرورت ہے۔۔ضرورت ہے۔ ۔ ۔ سخت ضرورت ہے ۔۔۔ ارے بھئی کس کی ضرورت ہے ۔ ۔؟ضرورت ہے۔ ایک عدد انا ہزارے کی۔۔۔کیوں کیوں۔۔۔کیوں ؟اس لیے کہ ہمارے ملک میں بھی کرپشن ہے ؟ کرپشن  ہے تو پھر انا ہزارے کیوں نہیں ہے ؟   چونکہ کرپشن اور اناہزارے کا ساتھ چولی دامن والا ساتھ ہے۔  کہا  یہ جاتا ہے کہ پاکستان میں انڈیا سے زیادہ کرپشن ہے ۔ تو پھر  کسی اناہزارے کو یہاں بھی ہونا چاہئیے ۔۔۔گو ہماری عدالتیں کرپشن کو روکنے کی تمام تر کوششیں کر رہی ۔۔۔ عمران خان اور نواز  شریف  نے بھی حکومت پر اپنا دباؤ رکھا ہُوا ہے۔ لیکن یہ دباؤ انا ہزارے جیسا دباؤ نہیں ہے ۔ کہتے ہیں کہ محلے پڑوس کے اثرات پڑوسیوں پر پڑتے ہیں ۔ اب دیکھنا یہ ہے کہ انا ہزارے کے اثرات پاکستان پر کب پڑتے ہیں اور پاکستان میں کون انا ہزارے بنتا ہے ؟؟؟ ۔ ویسے میری نظر شیخ رشید کی طرف اُٹھ رہی ہے۔  وہ اس لیے کہ اناہزارے اور شیخ رشید میں ایک  بات مشترک پائی جاتی ہے  وہ یہ کہ  دونوں  نے ہی شادی جیسے بکھیڑوں میں پڑ کرعقل سے فارغ نہیں ہوئے ہیں ۔دونوں ہی کورے اور کنوارے ہیں ۔  شیخ صاحب کیلئے اناہزارے بننے کا یہ شاندار موقع ہے۔

 آپکا بُہت شُکریہ

تبصروں کی پبلشنگ بند ہے ۔( ایم ۔ڈی )۔  

جدید سائنسی تحقیق کا کہنا ہے دماغ روزہ نہیں رکھتا ہے ۔

فکرستان سےپیش ہےپوسٹ ٹیگز:/جدیدتحقیق/سحر/ دودھ جلیبی/افطار

_____________________________________________________________

زاویہ والے دانشور اشفاق احمد صاحب کہتے تھے کہ اُنہوں نے بُہت سی حکمت کی باتیں غیر مکتبی علم والے بڑے بوڑھوں سے سیکھی ہیں ۔ سائنس کی جدید تحقیق نے بھی کُچھ ایسی بات کہی ہے کہ مُجھے بھی اپنے بڑے بوڑھے یاد آگئے ۔ہمارے بڑے بزرگ کہتے تھے کہ سحر میں دودھ جلیبی کھانا چاہئیے لیکن وہ یہ نہیں جاتے تھے کہ اس میں کیا حکمت ہے ۔ بڑے بوڑھوں  کی باتیں جب سائنس پُروف کرتی ہے تو حیرت ہونے لگتی ہے ۔ جدیدسائنسی تحقیق   کہتی ہے کہ اگر دماغ کو اُسکی غِذا گلوکوز نہ ملے تو وہ اپنے ہی خلیے کھانے لگتا ہے ۔ اس لئے سحر میں دودھ جلیبی کھانے سے ممکن ہے اُسکو افطار تک غِذا ملتی رہے اور ممکن ہے اس طرح اسکو اپنے ہی خلیئے کھانے کی باری نہ آنے پائے۔ جو قاری اس تحقیق کی  زیادہ تفصیل چاہتے ہیں وہ ذیل لنک پر جائیں۔ آپکا بُہت شُکریہ ۔ 

تبصروں کی پبلشنگ بند ہے۔ ۔ ( ایم ۔ ڈی )۔ 

http://www.foxnews.com/health/2011/08/02/starved-brain-cells-may-cause-diets-to-fail/  

       

کراچی کے مکینوں کا بلڈ پریشر

فکرستان سے پیش ہے پوسٹ ٹیگز: شعلہ شبنم/اسم بامسمیّٰ /قائم علی شاہ/ رحمان ملک

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ 

صوبہ سندھ اور خاص کر کراچی کے لوگوں کے بلڈ پریشر کا تعین ذوالفقار مرزا  اور الطاف حُسین اپنے بیانات کے زریعے طے کرتے ہیں ۔ جیسا کہ بلڈ پریشر کا قانون ہے کہ یہ ہمیشہ یکساں حالت میں نہیں رہتا ہے ۔بالکل اُسی طرح سے یہ حضرات اس بات کا مکمل خیال رکھتے ہیں کہ بیانات میں یکسانیت نہ آنے پائے کبھی شعلہ کبھی شبنم جیسے بیانات دیتے رہتے ہیں ، جس سے کراچی کے مکینوں کے بلڈ پریشر کبھی ہائی تو کبھی نارمل ہوتے رہتے ہیں۔  ہمارے وزیر اعلیٰ  جناب قائم علی شاہ صاحب ما شااللہ سے  مکمل اسم بامسمیّٰ ہیں وہ اپنے نام کی لاج رکھتے ہوئے ہمیشہ قائم پوزیشن میں رہتے ہیں ۔ کراچی میں کُچھ بھی ہوتا رہے ،وہ ہلتے جلتے نہیں اپنی پوزیشن برقرار رکھتے ہیں جس بنا رحمان ملک  صاحب آکر اُنکے کرنے کے کام کر جاتے ہیں ۔ یوں یہ وزارتِ اعلیٰ قائم دائم ہے ۔  

تبصروں کی پبلشنگ بند ہے ۔( ایم - ڈی )۔

یہ انسانی جذبات ہیں یا کہ سیاست ؟ ؟؟

فکرستان سے پیش ہے پوسٹ ٹیگز: سیاست / انسانی جذبہ/ شک / ذمہ دار
ـــــــــــــــــــــــــــــــــــــــــــــــــــــــــــــــــــــــــــــــــــــــ

 ہیلری کلنٹن نے بیان دیا ہے کہ شام کے صدر اسد دو ہزار افراد کے قتل کے ذمہ دار ہیں ،خاص طور پر ایک سالہ بچّہ کی ہلاکت پر اپنے رنج اور غُصّہ کا اظہار کیا ہے ۔ ہم ہیلری کے اس جذبہ کی قدر کرتے ہیں ، لیکن سوال پیدا ہوتا ہے کہ اِس انسانی جذبہ میں صداقت کی کتنی حرارت ہے؟

 اس دور کا سب سے بڑا مسئلہ یہ ہے کہ صداقت کو سیاست نے ہائی جیک کیا ہُوا ہے ۔ سوال پیدا ہوتا ہے کہ یہ انسانی جذبہ عراق میں کیوں نظر نہ آیا جہاں صرف شک کی بنیاد پر دو ہزار نہیں لاکھوں جانیں تلف  کی  گئیں  اور کئی معصوم بچّے بھی مارے گئے ، اسی طرح افغانستان اور پاکستان میں بھی مار ے جانے والے بے گُناہ انسانوں اور معصوم بچّوں کی روحیں سوال کرتی ہیں کہ تب یہ انسانی اور مامتا بھرا جذبہ کہاں تھا ؟؟؟  آپ کا کہنا ہے کہ اسد دو ہزار افراد کے قتل کے ذمہ دار ہیں تو پھر کیا آپ  عراق ، افغانستان اور پاکستان کے کتنے ہی بے گُناہ اور معصوم جانوں کے قتل کے ذمہ دار نہیں ہیں ؟؟؟

تفصیل کیلئے لنک پر جائیں شُکریہ ۔(ایم ۔ ڈی )۔

http://www.dw-world.de/dw/article/0,,15297392,00.html?maca=urd-rss-urd-all-1497-rdf