Image result for monument valley
ہر چیز سے عیاں ہے،ہرشے میں نہاں ہے،خالِق کائنات، مالِک کائنات
عقلِ کُل،توانائی کُل، ہمہ جہت، ہمہ صِفت،خالِق کائنات، مالِک کائنات
آنکھیں کہ جِن سے میں دیکھا ہوں میری نہیں، عطائے خُداوندی ہے
  پاؤں کہ جِن سے میں چل تا ہوں میرے نہیں،عطائے خُدا وندی ہے
غرض یہ کہ میرے  وجود کا ذرہ  ذرہ   میرا  نہیں ،عطائے خُداوندی ہے
میرے خالِق میرے مالکِ میرے پروردگارانِ نعمتوں کا بے انتہا شُکریہ  


Saturday, December 29, 2012

" اِدھر اُدھر سے "

منجانب فکرستان: نان نفقہ 40 لاکھ ڈالر ماہانہ:خون سے لکھا قُرآن پریشانی کا باعث: :فلسطین اسرائیل کے حوالے: کینسر میں مبتلا کردونگا 
-------------------------------------------------------------------
 بابر بہ عیش کوش  کہ عالم دوبارہ نیست نظریہ کے حامل  اٹلی کے سابق وزیر اعظم جناب سلویوبرلسکونی  نے بالآخر نان نفقہ کی مد میں اپنی سابقہ محبوبہ اور طلاق یافتہ بیوی کو  ماہانہ تقریباً 40 لاکھ ڈالر ماہانہ دینے پر تیار ہوگئے ہیں۔ 
حملے میں بیٹے کے بچ جانے کے تشکر میں صدر صدام حُسین نے اپنے جسم کے 27 لیٹر خون سے قُرآن لکھوا یا تھا جو عُلماء کیلئے پریشانی کا باعث بنا ہُوا ہے کہ اِس قُرآن کا کیا، کیا جائے ۔۔۔۔
 فلسطینی صدر محمود عباس نے کہا ہے کہ اگر اسرائیل اسی طرح ناجائز یہودی آبادکاری جاری رہی تو نتین یا ہو کو فلسطینی اتھارٹی ہیڈ کواٹر بُلاکر کہوں گا دوست یہ لو چابیاں اب فلسطین بھی تمہارے حوالے ۔۔۔ 
 خواتین کیلئےمخصوص لباس کی فروخت کی دکانوں پر خواتین ملازم رکھنے کے قانون پر سعودی وزیر محنت کو سعودی عُلماء کی جانب سے دھمکیاں مل رہی ہیں ایک عالم نے کہا کہ  میری بات نہ سننے پر میں نے پہلے بھی ایک سینئیر کو بد دُعا دی تھی جو  کینسر میں مبتلا ہوکر مرگیا تھا ۔۔
 مکمل تفصیلات کیلئے لنک پر جائیں۔۔۔ مجھے دیں اجازت ۔۔۔آپکا بُہت شُکریہ۔۔

Sunday, December 23, 2012

"منتخب جملے"


منجانب فکرستان: اناڑی: ناجائز : بدنامیاں : دانش
--------------------------------------------------
محترم نذیر ناجی کے کالم سےمنتخب چند جملے۔
"سرکاری خزانے کی جو لوٹ مار تاجر اور سرمایا دار طبقہ کرتا ہے پیپلز پارٹی کے اناڑی لیڈر اسکا 5 فیصد بھی نہیں کماتے ہونگے، مگر اُن کی ناجائز کمایوں کا شور اتنا زیادہ مچتا ہے کہ دوسروں کا کھایا  پیا دکھائی نہیں دیتا ہے۔"
" پیپلز پارٹی والوں کی 5 روپئے کی کرپشن 5 ارب روپئے سے زیادہ بناکر دکھائی جاتی ہے کھانے والے کھاتے رہتے ہیں پیپلز پارٹی والے بدنامیاں اپنے کھاتے میں ڈال لیتے ہیں۔"
ہاریوں، مزدوروں،غریبوں،چھابڑی والوں اور خوانچے والوں کے خیالات کے حوالے سے فرماتے ہیں یہ۔۔
" کسی بھی جماعت کو موزوں نہ پا کر محنت کشوں کو مجبوراً اسی پارٹی کی طرف دیکھنا پڑتا ہے اور اس پارٹی کے لیڈر بھی حکومت میں آنے کو بعد مجبوراً  غریبوں کیلئے کچھ نہ کچھ ضرور کرتے ہیں" ۔۔۔
قارئین دوستوں سے گُذارش ہے کہ لنک پر جائیں مکمل کالم پڑھیں، دانش میں اضافہ کریں ۔۔ ہاں جی
 مجھے اجازت دیں۔۔۔ آپ کا بُہت شُکریہ ۔۔

Thursday, December 20, 2012

"21 دسمبر "

منجانب فکرستان : " توہم پرستی "
-----------------------------------------------------------------
دوستو: رسل جیسا لاادری (agnostic)شخص بھی جب خواب میں دیکھتا ہے کہ انکی والدہ فوت نہیں ہوئی ہیں بلکہ محض ہوش و حواس  سےمحروم ہوئی ہیں اور یہ کہ جس دن اُنہوں نے خواب دیکھا تھا اتفاق سے وہ دن انکی محبوبہایلس کا جنم دن تھا   تو اسطرح وہ " توہم پرستانہ ہیپناٹائزڈ ہوگئے۔ خوف ، وسوسوں اور اِن اندیشوں میں مبتلا ہو گئے کہ یہ خواب اشارہ ہے کہ ایلس سے شادی نہ کی جائے ۔۔اب ایک طرف ایلس کی محبت اور دوسری طرف خواب کے توہم پرستانہ وسوسے تھے ۔۔۔اب آپ خود اندازہ لگا سکتے ہیں کہ بے چارے رسل کی ذہنی کشمکش کیسی رہی ہوگی۔۔۔ 
کہنے کا مقصد یہ ہے کہ تعلیم بھی توہم پرستی کو لگام دینے میں ناکام رہی ہے،  یہ ہی وجہ ہے web bot: ۔ IChing۔اور مایا کیلنڈر 3113 قبل مسیح میں کہی گئی جاہلوں کی بات کوآج کا تعلیم یافتہ شخص توہم میں مبتلا ہوکر پریشان ہو رہا ہے ۔۔
دوستو: میری سابقہ پوسٹوں میں کہی گئی کسی بات سے جس کسی کی ذرا سی بھی دل آزاری ہوئی ہو ، اُس سے درخواست ہے کہ وہ مجھے معاف کردے۔۔ زندگی رہی تو انشاء اللہ پھر ملاقات ہوگی ۔۔اب اجازت دیں آپ کا بُہت شُکریہ ۔۔۔
 دوستو: نیا سال مبارک ہو ۔۔ہم زندہ ہیں ۔۔۔۔

" قوی خدشہ ہے "

منجانب فکرستان :  مسلکی/ جھوٹ/ لانگ مارچ/فساد 
-------------------------------------------------------------------
ملالہ پر حملے کے فوراً بعد میڈیا پر طالبان مخالف لہراُٹھی تھی پھر طالبان نظریہ کی حمایتی لہر بھی اُٹھی تھی۔۔طاہرالقادری ایجنڈے کے ساتھ اسطرح نمودار ہوئے کہ میڈیا کی توپوں کا رخ طاہرالقادری  کی ذات کی طرف ہوگیا، لیکن اب اس قسم کی آوازیں بھی آنی شروع ہوگئیں ہیں کہ یہ مت دیکھو کون کہہ رہا ہے، یہ دیکھو کہ کیا  کہہ رہا ہے ۔۔انکا نعرہ  "اپنا عقیدہ چھوڑو مت اور دوسروں کے عقیدہ  کو چھیڑو مت کو بھی باور کرایا جا رہا ہے۔۔
ایسا ہمیشہ ہوتا ہے جب کسی کی ذات کو مسلسل تنقید کا نشانہ بنایا جاتا ہے تو پھر کچھ اسکے ہمدرد بھی  پیدا ہوجاتے ہیں اور پھر  وہ اسکی حمایت میں دلیلیں دینے لگتے ہیں مثلاً آجکل انکی ذات کے حوالے سے یہ دلیل دی  بھی جا رہی ہے کہ  ۔۔یہ کردار بھی انکی ذات کا حصّہ ہے کہ اُنہوں نے اس نظام کے خلاف بطور احتجاج اپنی اسمبلی کی سیٹ سے استعفیٰ دیا تھا اور ایسی اخلاقی  جرات  اسمبلی ممبروں  میں کم ہی پائی جاتی ۔۔۔غرض کہ
اب انکی ذات کی برائیوں کی گنتی کا کوٹہ ختم  ہونے والا تھا ۔۔ اور اچھائیوں کی گنتی شروع ہونے والی تھی۔۔ وہ  اب اُس فیز میں داخل ہونے والے تھے  جہاں انکی ذات کی اچھائیاں ٹٹول کر نکالی جاتیں۔۔۔چونکہ موجودہ دنیا میں کوئی  ایک شخص بھی ایسا نہیں ہے جسے ہم مکمل شیطان یا مکمل فرشتہ کہہ سکیں سب میں فرشتہ اور شیطان موجود ہے ۔۔۔
یہ بات یاد رہے کہ طاہرالقادری سے جو مسلکی یا سیاسی اختلاف رکھتے ہیں وہ کسی طور پر بھی طاہرالقادری کی کسی اچّھائی کو اچّھائی نہیں مانیں گے ۔۔۔ رب ہی بہتر جاتا ہے کہ طاہرالقادری کے دماغ میں اچانک یہ  کیا سوجھی؟؟؟ اس بات  کا قوی خدشہ ہے کہ خُدانخواستہ کہیں فرقہ وارانہ فساد نہ ہوجائے۔۔۔ رب رحم فرمائے (آمین)۔
دوستو:  اگر میں جھوٹ بول رہا ہوں تو رب کو جواب دہ ہوں کہ" میں طاہر القادری کی بہت سی باتوں سے اختلاف رکھتا ہوں، لیکن اُنکی بعض باتوں کو قدر کی نگاہ سے بھی دیکھتا ہوں،جبکہ موجودہ لانگ مارچ کا  مخالف ہوں " ۔۔۔
میری باتوں سے اتفاق ضروری نہیں ۔۔۔اب اجازت دیں ۔۔۔آپکا بُہت شُکریہ۔۔۔رب راکھا ۔۔۔

Wednesday, December 19, 2012

" ہوائی سفر "

منجانب فکرستان: میرے احساسات/چھوٹی سی نشانی
-------------------------------------------------------------------
میں جب بھی ہوائی سفر کرتا ہوں ، اور ہزاروں فٹ کی بلندی سے  نیچے زمین کی طرف  دیکھتا ہوں تو  خالق کی عظمت مجھے اپنی گرفت میں لے لیتی ہے ، اور یہ سوچنے پر مجبور کرتی ہے کہ انسان میں موجود( پُھونکی ہوئی) روح کی بدولت انسانی ذہن نے کسقدر حیرت انگیز کارنامہ انجام دیا ہے کہ اتنا بھاری بھرکم جہاز اور اس میں موجود اتنے سارے انسانوں کا بوجھ اُٹھائے کیسے آسانی سے فضا میں تیر تا جا رہا ہے،اور یہ  نہ صرف انسانی عظمت کے گُن گا رہا ہے بلکہ ساتھ ہی انسانوں کو دعوتِ فکر بھی دے رہا ہے وہ یہ کہ پُھونکی ہوئی روح نے انسان کو  کیسی عظمت عطا کردی ہے !!! یہ ایک چھوٹی سی نشانی ہے اُس لا انتہا عظمت والے کی ۔

(پھر اُس کو نِک سُک سے درست کیا اور اُس کے اندر اپنی روح پھونک دی ،اور تم کو کان دیے،آنکھیں دیں اور دل دیے ۔تم لوگ کم ہی شُکر گُذار ہوتے ہو۔(السجدہ۔ 9 مولانا مودودی)۔)
دوستو:آجکل میں جدہ میں ہوں جدہ آتے  ہوئے ہوائی سفرکے دوران  جو احساسات بنے وہ  میں نے آپ سے شیئر کئے ہیں۔جدہ میں ایک ماہ کا قیام ہے۔اب اجازت دیں ،آپ کا بُہت شُکریہ۔۔۔
" یار زندہ ۔۔صحبت باقی ۔۔ انشاء اللہ۔۔رب راکھا "

Monday, December 17, 2012

"عشق نہ پُچھے ذات "

منجانب فکرستان : دُلہن نے 25 ہزار امریکی ڈالر بطور حق مہر دولہا کو ادا کئے
-----------------------------------------------------------------
"مو جائیں موجاں" 
یمنی دارلحکومت صنعاء میں اواخر دسمبر ایک ایسی شادی منعقد ہو رہی ہے جس میں دلہن اپنے دولہا کو ایڈوانس قیمیی جہیز کے علاوہ 'حق مہر' بھی ادا کرے گی۔.
العربیہ ڈاٹ نیٹ کو یمنی دولہا منتظر کے قریبی ذرائع نے بتایا اس منفرد شادی کی دلہن آسٹریلوی دوشیزہ ہیں اور انہوں نے اپنے ہونے والے شوہر کو قیمتی کار اور 25 ہزار امریکی ڈالر بطور ایڈوانس 'حق مہر' ادا کر دیئے ہیں۔
یمن کی قدامت پسند روایات کے پیش نظر دلہن کی تصویر حاصل نہیں کی جا سکی تاہم ذرائع کا کہنا ہے کہ آسڑیلوی دوشیزہ ایزا بیلہ اپنے والدین کے ہمراہ پہلی مرتبہ یمن آئیں اور منتظر نامی نوجوان کو دل دے بیٹھیں۔ منتظر اس گھر میں مالی تھا جہاں ایزا بیلہ نے اپنے والدین ہمراہ قیام کیا۔ دوشیزہ نے منتظر سے شادی کی خواہش ظاہر کی جسے غریب مالی نے اپنے لئے لاٹری سمجھا اور فورا ہاں کر دی۔ 
ذرائع کے مطابق آسٹریلوی کلچر کے مطابق کسی لڑکی کو اگر کوئی نوجوان پسند آ جائے تو وہ اس کی حیثیت سے بے نیاز ہو کر اسے جیون ساتھی بنا لیتی ہے۔ یمن کے ایمیگریشن اینڈ پاسپورٹ ڈیپارٹمنٹ کے اعداد و شمار کے مطابق 350 غیر ملکی یمنی خواتین سے نکاح کی اجازت حاصل کر چکے ہیں۔ سن 2012ء کی پہلی ششماہی کے دوران 87 یمنی مردوں نے غیر ملکی خواتین سے شادی کا اجازت نامہ حاصل کیا
نوٹ : یہ العربیہ نیٹ کی کاپی پیسٹ ہے، دولہے کی کا ر دیکھنے  کیلئے لنک پرجائیں .

Sunday, December 16, 2012

" بُرے کاموں کا بُرا انجام "

منجانب فکرستان:مشرق وسطیٰ اور کالے پانیوں کا مستقبل[ کانفرنس] :برطانوی سفیر کا انٹرویو 
-------------------------------------------------------------------
امریکی تباہی اب زیادہ دور نہیں : یہ بات کسی نتھو خیرے نے نہیں کہی ہے ، یہ بات تاریخ  کی عظیم شخصیت میخائل گورباچوف نے کہی ہے جس کے کھاتے میں ہیں۔۔ بولڈ تاریخ ساز فیصلے مثلاً ریگن  سے ملکر تاریخ ساز تخفیف اسلحہ معاہدہ کیا ، دنیا سے سرد جنگ تناؤ ختم کیا، برزنیف کی شروع کردہ افغان جنگ سے فوجوں کو واپس بلا یا ، سوویت یونین میں آزاد معیشت، آزادمیڈیا اور آزادانہ انتخابات کو متعارف کرایا ۔۔۔جبکہ گورباچوف کے مخالفین کا کہنا ہے کہ گورباچوف کے انہیں غلط اقدامات نے سوویت یونین کا شیرازہ بکھرا دیا،دنیا کو بائی پولر سے یونی پولر بنادیا۔۔۔جبکہ گورباچوف  کا آج بھی یہی کہنا ہے کہ سوویت یونین کو توڑنے کی ذمہ دار افغان جنگ ہے۔یہ اب امریکہ کو بھی توڑ دے گی۔۔۔  
٭:استمبول: مشرق وسطیٰ اور کالے پانیوں کے مستقبل کے بارے میں منعقدہ کانفرنس سے اپنے خطاب میں جناب میخائل گور باچوف نے کہا کہ ہم نے جو غلطی کی تھی وہی غلطی اب امریکہ بھی کر بیٹھا ہے۔۔۔ اس کا حشر بھی ہم سے مختلف نہیں ہوگا ۔۔۔اب وہ وقت دور نہیں جب امریکہ کا بھی شیرازہ بکھر جائے گا۔۔۔ 
 افغانستان میں متعین برطانوی سفیر ریچرڈاسٹگ نے اپنے افغان ٹی وی انٹرویو میں یہ اعتراف کیا ہے کہ امریکی اور اسکے اتحادی نیٹو۔۔ افغانستان میں مکمل  طور پر ناکام ثابت ہوئے ہیں ۔۔۔
سچ ہے کہ بُرے کاموں کا بُرا انجام۔۔۔
اب اجازت دیں ۔۔۔آپ کا بُہت شُکریہ۔۔۔

Friday, December 14, 2012

" مُلک بچاؤ اتحاد "

منجانب فکرستان: "انا" کے تماشے !!
------------------------------------------------------------------
مذہبی جماعتوں نے اپنے ملتے جلتے مقاصد کے تحت  ایم ایم اے بنائی تھی لیکن  اِنکی کَشتی جماعت اسلامی اور جمعیت علمائے اسلام ف  کی اناؤں کے بھنور میں بُری طرح  پھنسی ہوئی ہے ، ڈاکٹر اے کیو خان اورعمران خان کے مقاصدبھی ملتے جلتے ہیں لیکن ڈاکٹر اے کیو خان نے عمران خان کی سربراہی میں قائم پی ٹی آئی میں شامل ہونا پسند نہیں کیا اس کے  بجائے اپنی سر براہی میں اپنی پارٹی بنا کر اب ملک کی سیاسی و مذہبی جماعتوں۔سول سوسائٹی اور نوجوانوں کو دعوت دے رہے ہیں اگر پاکستان کو بچانا ہے تو میری پارٹی سے اتحاد کرو اور اس اتحاد کو " ملک بچاؤ اتحاد " کا نام دیا ہے ۔۔
ثروت قادری نے کہا ہے کہ صاحب زادہ فضل کریم  نے ق لیگ سے اتحاد کرنے کے سلسلے میں ہم سے مشورہ نہیں کیا اس لیے ہم سنی اتحاد کونسل سے علیحدہ ہوکر اپنا نیا اتحاد بنائیں گے ۔۔۔قاضی حسین نے کہا اگر ن لیگ کو ہم سے اتحاد کرنا ہے تو وہ ہمارے پاس آئیں ۔۔۔
اگر ایم ایم اے اناؤں کے بھنور سے نہیں نکلتی ہے تو مذہبی جماعتیں آپس میں ایک دوسر ے کے ووٹ کاٹیں گیں، اور فائدہ کوئی اور اُٹھا لے گا۔۔۔اسی طرح  اگر یہ دو خان بھی اناؤں  کی خاطرآپس میں اتحاد نہیں کرتے ہیں تو ممکن ہے یہ بھی ایک دوسرے کو نقصان پہنچائیں ،اور فائدہ کوئی اور اُٹھا لے ۔۔۔
 مجھے تو اِن لوگوں کی باتوں اورعمل سے ایسا لگتا ہے جیسے اِنہیں ملک سے زیادہ اپنی "انا" عزیز ہے۔۔۔
دوستو:آپ لوگوں کا کیا خیال ہے ؟؟ میری رائے سے اتفاق کرنا ضروری نہیں ۔۔۔
اب مجھے اجازت دیں ۔۔۔آپ کا بُہت شُکریہ ۔۔۔
 روز نامہ جنگ تاریخ 11-12-2012  
  





Tuesday, December 11, 2012

" قول وفعل ؟"

منجانب فکرستان: نواز شریف اورسُقراط شریف
----------------------------------------------------------------
  اِس واقعہ نے یہ بات اور پکّی کردی کہ اگر حکومت  نواز شریف کی بنتی ہے تو چہروں کے علاوہ کچھ نہیں بدلے گا میں جس واقعہ کی جانب اشارہ کررہا ہوں وہ نواز شریف کی ٹریفک قانون شکنی کا ہے،قانون بنانے والوں کو قانون شکنی کسی صورت زیب نہیں دیتی،سُقراط شریف  نے قانون کی پاسداری میں زہر کا پیالہ پینا پسند کیا جبکہ قانون شکنی کرکے وہ اپنی جان بچا سکتا تھا جس کا انتظام بھی کرلیا گیا تھا   لیکن سُقراط کے ظرف نے گوارہ نہیں کیا کہ جس بات کی تعلیم وہ زندگی بھر دیتا رہا ہے آج اپنی جان بچا کر۔۔ اُس تعلیم کی نفی کردے ۔۔۔
لیکن نواز شریف تو  ٹریفک میں پھنسی اپنی قوم کے ساتھ اپنی شراکت تھوڑی دیر کیلئے بھی برداشت نہ کرسکے ۔۔ویسے وہ قانون کی پاسداری کی باتیں کرتے کبھی نہیں تھکتے، ۔۔۔ قول وفعل تضاد کی مثال درج ذیل خبر میں ۔۔۔ 
میری رائے سے اتفاق کرنا ضروری نہیں۔۔  اب اجازت دیں ۔۔آپ کا بُہت شُکریہ ۔۔

Monday, December 10, 2012

"صرف 5 منٹ "

منجانب فکرستان: اردو میں بات کرنا حرام ہے/ Maths کو پاکستان بھیج دو اداکار دھر میندر ، BBC انٹرویو
-------------------------------------------------------------------
دوستو:آپ نے اکثر دانشوروں کی یہ رائے سُنی یا پڑھی ہوگی کہ پاکستان میں عدم برداشت کا رحجان بہت تیزی سے اپنی منزلیں طے کر رہا ہے، اس کی چھوٹی/بڑی جھلک اُس وقت دکھائی دی، جب کالا باغ ڈیم مخالف احتجاجی تحریک چلانے کے سلسلے میں اسفندیارولی میڈیا والوں سے خطاب کر رہے تھے  کہ اُن کے کارکنوں نے اُن کے خطاب کو روک دیا اور کہا کہ ہم اردو زبان میں آپ کا خطاب نہیں سُنیں گے،اس لیے کہ اردو میں بات کرنا حرام ہے۔۔بہر حال بڑی مشکل سے کارکنوں نے 5 منٹ کیلئے اسفندیارولی کو اردو میں بات کرنے کی اجازت دی ۔۔۔ 
------------------------------------------------------------------ 
بی بی سی والوں نے حال ہی میں فلم اسٹار دھرمیندر سے انٹرویو کیا، جس میں اُنہوں نے اپنے بچپن کے تاثرات بتائے کہ جب ملک کا بٹوارہ ہُوا  تو وہ سمجھے کہ اُردومسلمانوں کی زبان ہے اور وہ  پاکستان چلی جائے گی ، معصوم  بچے نے اپنے معصوم دکھ اور خواہش کا اظہار اپنی ماں سے یوں کیا کہ:" ماں جی کسی طرح اردو کو روک لو اور اسکے بدلے میں Maths کو پاکستان بھیج دو "۔۔ پھر انہوں نے اپنی اردو سے محبت کا ذکر کیا کہ:" آج بھی میری پسندیدہ زبان اردو ہے اور میں اسی زبان میں شاعری کرتا ہوں " پھر اُنہوں نے اپنے کہے ہوئے اردو کے چند شعر سُنائے ۔۔دوستو: موازنہ کریں کہ ہم کہا ں جا رہے ہیں ؟؟؟ ۔۔۔
اب اجازت دیں ۔۔آپ کا بُہت شُکریہ ۔۔۔

Wednesday, December 5, 2012

[تاریخ کیا کہتی ہے؟][ فطرت کیا کہتی ہے؟]

منجانب فکرستان:سعودی عرب میں یوٹیوب پر پابندی نہیں ہے مسئلہ کا حل نکالا
-------------------------------------------------------------------
 بھارت کے علاقے سُندری باری سے خبر ہے کہ وہاں کی سُندریا ں  شادی کیلئےاپنی باری کا انتظار نہیں کرتی ہیں فون پر کسی لڑکے سے Love مّٹکا کرکے  گھر سے بھاگ جا تی ہیں۔ اِسکا حل مقامی  کونسل نے رحمان ملک حل یعنی فون پر پابندی لگا کر نکالا کہ جو کنواری فون کرتی پکڑی جائے اُس پر  دس ہزار بھارتی روپئے  جرمانہ ہوگا جبکہ شادی شُدہ عورت پر جرمانہ کی رقم دو ہزار روپئے  رکھی گئی ہے اور اِسکی نگرانی کیلئے ایک کمیٹی بھی  بنادی گئی ہے۔۔، کیا یہ حل کار گر ہوگا ؟؟تاریخ اسکا جواب کلاسک رومانی داستانوں کے حوالے سے نفی میں دیتی ہے۔۔جبکہ فطرت مزاق  اُڑاتے ہوئے کہتی ہے۔
"اُونچی دِواریں چُنوادو، لاکھ بِٹھادو پہرے"
 اس بارے میں مقامی چینل پر بات کرتے ہوئےسُمن نامی خاتون نے کہا کہ یہ بیکار کی پابندی ہے، ٹیکنالوجی تو استعمال کیلئے ہوتی ہے نہ کہ پابندی لگانے کیلئے۔۔۔ کاش یہ ہی بات کوئی ہمارے وزیرِ داخلہ سے بھی کہے کہ ٹیکنالوجی استعمال کیلئے ہوتی پابندی لگانے کیلئے نہیں۔۔۔ سعودی عرب نے یوٹیوب پر پابندی نہیں لگائی قابلِ اعتراض مواد کو بلاک کرنے کا حل نکالا۔۔۔
اب اجازت دیں ۔۔۔ آپ کا بُہت شُکریہ ۔۔
http://www.dw.de/%D8%A8%DA%BE%D8%A7%D8%B1%D8%AA%DB%8C-%DA%AF%D8%A7%D8%A4%DA%BA-%D9%85%DB%8C%DA%BA-%D8%AE%D9%88%D8%A7%D8%AA%DB%8C%D9%86-%DA%A9%DB%92-%D9%85%D9%88%D8%A8%D8%A7%D8%A6%D9%84-%D9%81%D9%88%D9%86-%D8%A7%D8%B3%D8%AA%D8%B9%D9%85%D8%A7%D9%84-%D9%BE%D8%B1-%D9%BE%D8%A7%D8%A8%D9%86%D8%AF%DB%8C/a-16429190?maca=urd-rss-urd-all-1497-rdf

Tuesday, December 4, 2012

" ایسا شک گُذرتا ہے "

منجانب فکرستان : حکومت کی نااہلی کا۔۔سوال ہی پیدا نہیں ہوتا 
-------------------------------------------------------------------
مدرسہ احسن العلوم کے استادالحدیث  مولانا اسماعیل نامعلوم افراد کی فائرنگ سے جاں بحق ہوگئے ،یہ فرقہ واریت ٹارگٹ کلنگ عمل ردِعمل کا شاخسانہ لگتا ہے ،چونکہ ملک میں فرقہ واریت عدم برداشت ہلاکتوں میں روز بہ روز اضافہ ہوتا جارہا ہے۔۔اس اضافہ کی ایک بڑی وجہ نامعلوم افراد عموماً  نامعلوم ہی رہتے ہیں ۔۔۔۔ 
نامعلوم افراد کے بارے میں آج ایک اور خبر یہ بھی ہے کہ انہوں نے لاہور کے علاقے ماڈل ٹاؤن میں واقع قادیانی جماعت کے قبرستان میں متعدد قبروں کو نقصان پہنچا کر غائب ہوگئے۔۔۔ 
 ملک بھر میں اور خاص طور پر کراچی اور کوئٹہ میں کتنی زیادہ ٹارگٹ کلنگ ہورہی ہے لیکن نامعلوم  افراد پکڑے نہیں جارہے ہیں  پکڑے نہ جانے کی وجہ سے ایسا شک گُذرتا  ہے کہ یہ نامعلوم افراد کوئی نادیدہ مخلوق ہے، اگر دیدہ ہوتی تو ہماری حکومت کب کےگرفتار کرکے اُنہیں کیفرِ کردار تک پہنچادیتی اور  ٹارگٹ کلنگ سیریز شروع نہ ہونے دیتی، لیکن ہماری حکومت بیچاری کیا کرے ، نادیدہ مخلوق سے کیسے لڑے ،اس لیے 
حکومت کی نا اہلی کا۔۔سوال ہی پیدا نہیں ہوتا ۔۔۔
اب اجازت دیں ۔۔۔ آپ کا بُہت شُکریہ ۔۔ 


Sunday, December 2, 2012

"پُوجا "

 منجانب فکرستان :مذاہب: ثبوت :ڈرون حملے:اعتراض: انسان: عقیدہ: پاکستان
-------------------------------------------------------------------
قارئین دوستوں میں سے یقیناً کئی دوستوں نے مغربی فلسفیوں اور ماہرینِ نفسیات  کی مذاہب  کے بارے میں کہی ہوئی یہ بات ضرور  پڑھی ہوگی کہ مذا ہب خوف کی پیدا وار ہیں ۔۔ یہ بات مجھے یوں یاد آئی کہ مختلف اخباروں میں خبر چھپی تھی کہ بھارتی ریاست جھار کھنڈ میں ڈینگی مچھر کے خوف میں مبتلا لوگوں نے ایک بڑا سا بُت ڈینگی مچھر کا بنا کر اُسکی پُوجا شُروع کردی ہے،ان لوگوں کے اِس عمل سے کم سے کم بُت پرستی کی حد تک تو ماہرین کی  کہی ہوئی بات کا ثبوت ملتا ہے کہ یہ مذاہب (بت پرستی والے) خوف کی پیداوار ہیں۔۔
اگر ڈرون حملے پاکستان کے بجائے ہندوستان  پر ہوتے تو شاید خوف کے مارے لوگ ڈینگی مچھر کی طرح ڈرون کا بُت بنا کر اسکی بھی پُوجا شروع  کر دیتے۔۔دوستو: میں کسی کے عقیدے پر اعتراض نہیں کر رہا ہوں، صرف حیرت کا اظہار کر رہا ہوں  کہ آج کے  دور کے  انسان میں  بھی  پایا جاتا ہے۔ اِس قسم کا عقیدہ !!! 
اب اجازت دیں ۔آپکا بُہت شُکریہ ۔۔

Thursday, November 29, 2012

" دو خان " ووٹر پریشان "

منجانب فکرستان : خان دو مقصد ایک/ایک جائزہ
----------------------------------------------------------------
ڈاکٹر عبدالقدیر خان نے اپنی جماعت تحریک تحفظِ پاکستان (ٹی ٹی پی) رجسٹرڈ کر والی   ہے، اب یہ پارٹی بھی الیکشن  میں حصّہ لیگی ۔۔عبدالقدیر خان کو سیاست میں حصّہ لینے کا مشورہ دینے والے اُن کے دوست واقعی انکے بہی خواں ہیں یا ؟؟؟کیا یہ پارٹی عمران خان والے ووٹروں کو مخمصے میں نہ ڈال دیگی کہ ان دو خان میں سے  وہ کس خان کا انتخاب کریں ۔۔۔چونکہ دونوں ہی خان پاکستان اور پاکستانی عوام سے بے غرض محبت کرتے ہیں/دونوں ہی پاکستان اور پاکستانی عوام کا بھلا چاہتے ہیں/دونوں کا مقصد ایک ہی ہے یہ عوام بھی جانتی ہے۔۔۔اس لیے ایسے میں پاکستانی  عوام کیلئے  دونوں میں سے کسی ایک کا انتخاب کرنا بہت مشکل ہوگا۔۔۔۔
 اگر دونوں خان اناؤں کے اسیر نہ ہوئے تو  سیٹ ایڈجسٹمنٹ دونوں پارٹیوں کیلئے بہترین فار مولا ثابت ہوسکتا ہے۔۔۔ اور اگر بالفرض ایسا نہ ہُوا تو یقیناً دونوں خان ایک دوسرے کے ووٹ کاٹیں گے اور فائدہ کسی تیسرے کا ہوگا ۔۔۔ اسی امید پر/بہت سے لوگ ابھی سے بغلیں بجا رہے ہیں ۔۔۔ ہم تو صرف دُعا ہی کرسکتے ہیں کہ دونوں خان قومی مفاد کی خاطر اناؤں کو تج  دیں اور اناؤں کے حصّار سے نکل کر قومی مفاد میں فیصلے کریں ۔
۔۔انشاءاللہ ایساہی ہوگا۔۔
اب اجازت دیں ۔۔آپ کا بُہت شُکریہ ۔۔   

Monday, November 26, 2012

Taboo

منجانب فکرستان:: مسز سمتھ سپلی: برطانوی پریس: اسد مفتی:حیرتیں: علامہ اقبال
----------------------------------------------------------------- 
 قارئین دوستو: آپ کی طرح میں نے بھی پڑھا ہے کہ بعض ممالک میں ہم جنس پرستوں کی شادیاں ہورہی ہیں۔۔۔ لیکن میں نے جب نیشنل جغرافک چینل پر  ہم جنس پرستوں کی شادیوں پر مشتمل ڈاکومینٹری فلم دیکھی تو پھر بھی نہ جانے کیوں مجھےحیرت ہونے لگی۔۔اسکے علاوہ خاتون ممبر  پارلیمنٹ45 سالہ سمتھ سپلی کی طلاق کی کہانی پڑی تو مزید  حیرت یوں  ہوئی کہ محترمہ  ممبر پارلیمنٹ/ میچیورڈ ایج 45 سال /دو بچوں کی ماں/سہیلی سے شادی کرنے کیلئے طلاق لے لی ۔۔۔ یہ کہانی اسد مفتی صاحب نے  اپنے کالم میں برطانوی پریس کے حوالے  سے لکھی  ہے۔۔اسکے علاوہ یہ خبر بھی میرے لیے کافی حیران کن تھی کہ فرانس کے ہم جنس پرست مسلمان ( کیا ان لوگوں کو مسلمان کہہ سکتے ہیں؟) اپنے لیے ایک الگ مسجد تعمیر کر رہے ہیں ۔۔۔ دوستو کیا علامہ اقبال  نے اسی دن کیلئے  کہا تھا۔۔
آنکھ جو کچھ دیکھتی ہے (ڈاکومینٹری فلم)  لب پہ آسکتا نہیں
محو حیرت ہوں کہ دُنیا کیا سے کیا ہوجائے گی
اب اجازت دیں ۔۔آپ کا بُہت شُکریہ ۔۔


Thursday, November 22, 2012

" وہ ایک بھیانک خواب تھا "

 منجانب فکرستان: گرفتاری پر رینو اور شاہین  کے تاثرات ۔
------------------------------------------------------------
"اظہار کی آزادی" دھری کی دھری رہ گئی صرف like  کرنے پر گرفتاری ہوگئی۔۔ "رینو" کے فہم وگمان میں بھی یہ بات نہیں تھی کہ اظہار کی آزادی کے اِس دور میں صرف like کرنے پر اُس کے ساتھ ایسا سُلوک بھی ہوسکتا ہے جس کے بارے میں وہ کہتی ہیں: وہ بہت ہی خوفناک دن تھا، ہم حیران تھے ، اب تک پولیس اسٹیشن اور کورٹ کو صرف فلموں میں دیکھا تھا ، کبھی سوچابھی نہیں تھا کہ حقیقی زندگی میں ہمیں اِن باتوں کا سامنا کرنا پڑے گا ۔ شام 7 بجکر 15 منٹ کے قریب ہم پولیس اسٹیشن پہنچے دوسرے دن دوپہر 2 بجکر 30 منٹ پر ہمیں ضمانت پر رہا ئی ملی : : جبکہ شاہین  نے کہا:( جس نے اپنے فیس بک کے صفحے پر لکھا تھا کہ ٹھا کرے جیسے لوگ  روز پیدا ہوتے اور مرتے ہیں اور اس وجہ سے ممبئی کا بند ہونا کہاں تک مناسب ہے ؟ ) ہمیں پولیس اسٹیشن سے جُڑے ایک چھوٹے سے کمرے میں رکھا گیا تھا ، وہاں  پر موجود تمام لوگ ہمیں ایسے گھور رہے تھے ، جیسے ہم نے کوئی بُہت بڑا جُرم کیا ہے ۔۔۔ہمیں دوپہر کے وقت کورٹ لے جایا گیا ، مجسٹریٹ کے سامنے میرے منہ سے آواز نہیں نکل رہی تھی ۔۔ مجھے زور سے بولنے کیلئے کہا گیا تو میں ڈر گئی اور رونے لگی ۔۔ وہاں موجود تمام لوگ ہمیں گھور رہے تھے ۔۔۔وہ ایک بھیانک خواب تھا۔۔ 
"یہ کیسی بڑی جمہوریت ہے جس میں چھوٹی سی اظہار رائے کی آزادی نہیں ہے" 
تفصیل کیلئے لنک کا صفحہ 6 دیکھیں ۔۔مجھے اجازت دیں ۔۔۔آپ کا بُہت شُکریہ ۔۔ 

Wednesday, November 21, 2012

" تعصبی منطق "

منجانب فکرستان : یہ کیا بات ہوئی ؟؟
-----------------------------------------------------------------
 "غزہ" پر حملے کا آ غاز اسرائیل فضائی حملے سے ہُوا (جس میں احمد الجباری شہید ہوئے) ساتھ ہی"آپریشن پیلر آف ڈیفنس" کا اعلان بھی ہُوا ظاہر ہے منصوبہ بندی کے تحت  ہی ایسا ہُوا لیکن تعصب کی انتہا ملاحظہ ہو مغربی ممالک اور امریکہ اسرائیل کو جارح ٹہرانے  کے بجائے الٹا  کہہ رہے ہیں کہ اسرائیل کو اپنے دفاع کا پورا حق ہے۔۔ یہ کیا بات ہوئی ؟یہ تو صا ف دنیا کی آنکھوں میں دھول جھونکنا ہُوا !!
تاریخ گواہ ہے کہ ہمیشہ ایسی ہی ناانصافیوں کے خلاف   گروہ تشکیل پائے ہیں اور آج بھی یہ سلسلہ جاری ہے چونکہ ایسے ہی تعصبی بیانات /ظلم زیادتی کے اقدامات  اِن گروہوں کو جواز اور فیول فراہم کرتے ہیں ۔۔۔
فطرت کے یہ اصول نہیں" ظلم بھی ہو اور امن بھی رہے" یہ ممکن نہیں 
ـــــــــــــــــــــــــــــــــــــــــــــــــــــــــــــــــــــــــــــــــــــــــ
 مکمل  تفصیل کیلئے  لنک پر جائیں ۔۔۔اب اجازت دیں ۔۔۔ آپ کا بُہت شُکریہ۔۔۔


Tuesday, November 20, 2012

اسرائیلی حملوں پر کس نے کیا کہا ؟

منجانب فکرستان: اقوام متحدہ میں فلسطینی نمائندے نے کیا کہا ؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
غزہ میں اب تک 110 مسلمان شہید ہوچُکے ہیں جبکہ گھروں کے تباہ شُدہ ملبے بتا رہے ہیں کہ زخمیوں کی تعداد سیکڑوں میں ہوگی۔۔برطانیہ نے اسرائیل سے غزہ پر حملے بند کرنے کا مطالبہ کیا ہے۔۔امریکہ کا کہنا ہے کہ حماس کے خلاف اسرائیل  کو اپنے دفاع کا حق حاصل ہے ۔۔۔
 "سلامتی کونسل کو حاشیے پر نہیں رہنا چاہیے۔ "یہ بہت اہم کہ سلامتی کونسل ہمارے عوام کے خلاف اس جارحیت کو بند کروانے کی ذمے داری قبول کرے" یہ الفاظ تھے اقوام متحدہ میں میں فلسطینی نمائندے جناب ریاض منصور  کے ۔۔
۔ اقوام متحدہ سے ہی  بی بی سی کی نامہ نگار بار برا پلیٹ کا کہنا ہے کہ مغربی سفارت کار اس  بارے میں جنگ بندی کا مطالبہ کرنے کے بجائے حماس کی طرف سے راکٹوں کے فائر اور اسرائیل کے اپنے دفاع کے حق کا حوالہ دینے کی کوشش کر رہے ہیں ۔۔۔بان کی مون نے فوری جنگ بندی کی اپیل کی ہے ۔۔۔
تیاری میں درج ذیل سے مدد لی گئی ہے۔۔ اب اجازت دیں ۔۔۔آپ کا بُہت شُکریہ ۔۔
http://www.nawaiwaqt.com.pk/international/18-Nov-2012/145807
ا

Sunday, November 18, 2012

ظلم ظلم ظلم - بد ترین ظلم ۔

منجانب فکرستان: اسرائیل فلسطین صورتِ حال مزید سنگین
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ 
اسرائیلی وزیر اعظم  جنگ کا دائرہ  بڑھانے کی بات کر رہے ہیں ، جبکہ اسرائیل کے وزیرِ داخلہ نہایت ڈھیٹائی کے ساتھ کہہ رہے ہیں کہ   ( آپریشن پلر آف ڈیفس) کا مقصد "غزہ" کے مسلمانوں کو واپس پتھر کے زمانے میں پہنچانا ہے۔۔۔یہ صورتِ حال اس  وجہ سے پیدا ہورہی ہے کہ کوئی بھی اسرائیل کو روکنے والا نہیں ہے اقوام متحدہ، موتمر عالمیِ اسلامی اورعرب لیگ، سب کے سب مٹی کے مادھو ثابت ہورہے  ہیں؟کوئی بھی اسرائیل کا ظلم نہیں روک رہا ہے، یہی وجہ ہے کہ آج  5 ویں دن بھی اسرائیل مسلسل "غزہ" والوں کو اپنے  ظلم کا نشانہ بنا رہا ہے۔۔۔
 انسانی حقوق کے علم بردار امریکہ اور یورپی یونین کو اسرائیل کی اتنی بھیانک خلاف ورزیاں نظر نہیں آرہی ہیں۔۔یہ ہی تو وہ دوہرا معیار ہے جس نے دُنیا کو جہنم بنایا ہُوا ہے ،یہ ہی وہ دوہرا معیار ہے کہ ٹوئن ٹاور پر حملہ کرنے والوں کو جواز فراہم کرتا ہے اور یہ ہی وہ دوہرا معیار جو کسی کو امریکی فیڈرل ریزرو بنک کی عمارت کو تباہ کرنے پر اُکساتا ہے ۔۔۔ اپنے دوہرے معیار پر غور کریں ۔۔۔مسلمانوں سے تعصب پر مبنی پالیسیاں ترک کریں تاکہ دنیا میں امن اور  بھائی چارہ  قائم ہو ،تاکہ ٹوئن ٹاور پر حملہ نہ ہو ، تاکہ کسی کے دل میں یہ خیال  نہ آئے کہ امریکی فیڈرل ریزرو بنک کی عمارت کو تباہ  کرنا  ہے۔۔ 
" فطرت کے یہ اصول نہیں،"ظلم بھی ہو اور امن بھی رہے" یہ ممکن نہیں" ۔۔ 
  لنکس پر جائیں دیکھیں اور  اندازہ کریں، اب اجازت دیں ۔آپ کا بُہت شُکریہ۔
http://www.bbc.co.uk/urdu/multimedia/2012/11/121118_gaza_pics_day5_rh.shtml
________________________________________
http://www.blogger.com/blogger.g?blogID=7786825204659904082#editor/target=post;postID=7504876027357596955

Friday, November 16, 2012

" گل ای مُک گئی "

منجانب فکرستان: وزِیر اعلیٰ سندھ نے دو اعلیٰ باتیں کہیں۔ 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
پہلی اعلیٰ بات:"دُعا کریں محرم خیریت سے گُذر جائیں"۔۔ ڈاکٹر عموماً دُعا کیلئے اُس وقت کہتے ہیں جب دَوائیں کار گر نہ ہوں، وزیراعلیٰ بھی صوبے کا ڈاکٹر ہوتا ہے،صوبے کو لاحق بیماریوں کی تشخیص و علاج اُسکی ذمہ داری ہے۔اسلئیے سوال پیدا ہوتا ہے کیا خلوص نیت سے کراچی کو لاحق بیماری کی تشخیص کی گئی۔۔اور  اگر کی گئی تو کیا اس بیماری کے علاج کیلئے جو دوا ہونی چاہئے وہی دوا دی گئی یا کہ خالی placebo (بے اثر بہلاوا) دیا جاتا رہا ۔۔اب مرض کی نوعیت  یہ ہوگئی ہے کہ دُعا کیلئے کہا جارہا ہے !!! اور ساتھ میں وزیر اعلیٰ  صاحب نے دوسری اعلیٰ بات یہ کہی ہے کہ" کراچی میں امن قائم رکھنا صرف پیپلزپارٹی اور ایم کیو ایم کی ذمہ داری نہیں، تمام جماعتوں کو مل کر کوششیں کرنا ہوں گی "۔۔۔۔ لو جی گل ای مُک گئی ۔۔ 
اب مجھے اجازت دیں ۔۔۔آپ کا بُہت شُکریہ ۔۔۔

Thursday, November 15, 2012

موٹرسائیکل چلانے پر پابندی۔

منجانب فکرستان : کیا پابندیاں لگانا ہی مسئلہ کا حل ہے ؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
پیپلز پارٹی والوں کا یہ کہنا ہے آئندہ  کی حکومت انہوں نے ہی بنانا ہے ۔۔لیکن انکی حکمتِ عملی سمجھ بالا ہے، مثلاً دہشت گردی کا خطرہ ہے اتنے گھنٹوں کیلئے مو بائل سروس بند ۔۔ٹارگیٹ کلنگ ہورہی ہے ڈبل سواری پابندی، دہشت گردی کا خطرہ ہے موٹر سائیکل چلانے پر پابندی ،سونے پر سُہاگہ ہفتے میں دو دن کیلئے سی این جی  کی بندش ہے ۔۔اس طرح لوگ کام پر  نہیں جا پا رہے ہیں نتیجہ کارخانوں ،فیکٹریوں اور دفتروں میں کام نہ ہونے کے برابر ہے۔۔ ریوینیو دینے والے شہر کراچی  کا یہ حال بنا دینگے تو پھر یہ ملک کیسے چلے گا ؟؟ کیا دہشت گردی کے مسئلے سے نپٹنے کا واحد حل صرف پابندیاں لگانا ہے یا یہ انتظامیہ کا خلا ہے؟ اور خلا فطرت کو پسند نہیں ۔۔
اب اجازت دیں ۔۔۔آپ کا بُہت شُکریہ ۔۔۔

Saturday, November 10, 2012

میں کوئی جھوٹ بولیا ؟؟

منجانب فکرستان: جادو ایسا جو سر چڑھ کر بولے !
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عورت مرد کے مقابلے میں کمزور صنف ہے لیکن دنیا کی طاقتور ترین ایجنسی کے چیف ڈیوڈ پیٹریاس  ایک صحافی عورت کے سامنے کمزور ترین ثابت ہوئے وہ اپنی کمزوری کو غلطی سے تعبیر کر رہے ہیں۔۔ اسی طرح دنیا کے طاقتور ترین صدر بل کلنٹن بھی ایک ملازمہ عورت کے سامنے بے بس نظر آئے ،اور انہوں نے بھی اپنی کمزوری کو غلطی سے منسوب کیا ۔۔۔
تاریخ گواہ ہے کہ بڑے بڑے طرّم خاں عورت  (بیوی/محبوبہ)  کے سامنے بھیگی بلّی ثابت ہوئے ہیں۔۔۔۔۔۔۔اپنے ماں باپ تک کو گھر سے نکال باہر کیا ۔۔۔میں کوئی جھوٹ بولیا ؟؟
اب اجازت دیں ۔۔۔آپ کا بُہت شُکریہ ۔۔۔(ایم۔ڈی)