Image result for monument valley
ہر چیز سے عیاں ہے،ہرشے میں نہاں ہے،خالِق کائنات، مالِک کائنات
عقلِ کُل،توانائی کُل، ہمہ جہت، ہمہ صِفت،خالِق کائنات، مالِک کائنات
آنکھیں کہ جِن سے میں دیکھا ہوں میری نہیں، عطائے خُداوندی ہے
  پاؤں کہ جِن سے میں چل تا ہوں میرے نہیں،عطائے خُدا وندی ہے
غرض یہ کہ میرے  وجود کا ذرہ  ذرہ   میرا  نہیں ،عطائے خُداوندی ہے
میرے خالِق میرے مالکِ میرے پروردگارانِ نعمتوں کا بے انتہا شُکریہ  


Wednesday, June 26, 2013

" بُرجوں کے جھگڑے "

  منجانب فکرستان::ایٹم: خلائے مکانیحضرت موسیٰ ؑ: فلسفہ: سائنس
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
جناب  رؤف کلاسرا  کا  بُرجوں  پر  اعتماد بھرا  کالم  پڑھا۔۔ پڑھنے  کے بعد  مجھے  نیو یا رک میں  یوگا  کے  نام   پر  لگا  میلہ سمجھ  میں  آنے  لگا۔۔ مجھے فرانس میوزیکل فیسٹیول 2013   میں  شیطانی  شکلوں  کا  روپ  دھارے،  عجیب   بے آہنگ آوازیں نکالنے  کو گانے  کا نام دینا بھی  سمجھ میں آنے  لگا ۔۔ اِن  گانوں پر چیخ پکار   کرتی  اوڈین بھی سمجھ  آنے لگی ، مجھے  اخباری  اطلاع  کے  مُطابق صدر زرداری  کا  پِیر  کے  کہنے  پر کراچی  میں  رہنا  بھی سمجھ  میں آنے  لگا، غرض کہ اسی  سے ملتی جلتی بُہت سی باتیں سمجھ میں آنے لگیں وہ یوں  کہ جسکی فکر کو جو کُلیہ (نظریہ)    بھا گیا  وہی  پکا   سچ ہے۔ ۔۔دُنیا بھر میں کئی اعلیٰ تعلیم یافتہ لوگ  بھی  اِن برجوں پر اعتقاد رکھتے ہیں۔۔
رؤف کلاسرا میرے پسندیدہ کالم نگاروں میں سے ایک ہیں اسکی  بڑی وجہ ،یہ  ہے کہ یہ  باضمیربے باک اور نڈر کالم نگار ہیں ۔ لیکن پسند کرنے کے معنی یہ نہیں ہیں  کہ میں انکے ہر خیال سے اتفاق  بھی کروں ۔۔۔
ہوتا  یہ  ہے  کہ  جسکی  فکر  میں  جو  کلیہ (نظریہ) سما جاتا  ہے  اُسی  سے  وہ  پوری کائنات  کو  ہانکنے  لگتا  ہے جیسے  طالیس  نے  پانی  کو  کائنات  کی  اصل  ٹہرایا ، اناکسی منیس  نے  ہَوا  کو،  ہیریقلیس  نے آگ، تبدیلی، اور ضدین  کو (ہیگل کی جدلیات)  ایمپے دکلیس نے آگ، ہوا، پانی اور مٹی کو  جبکہ دیما قریطس کہتا ہے تم سب لوگ بھاڑ میں جاؤ  کائنات مادی ہے اور اسکی صرف دو حقیقتیں ہیں ایک ایٹم  دوسری خلائے مکانی اور تمام عالمِ مظاہر میں اندھے میکانیکی قوانین کا تصرف ہے ۔ ۔ 
  اسطرح فلاسفروں نے کائنات کو ایٹم اور خلائے مکانی تک پہنچادیا ۔۔۔ دیکھا آپنے ہر فلاسفر نے اپنی اپنی فکر کے کلیے (نظریے) کے تحت اِس کائنات کو چلایا ( یعنی تشریح کی)  ۔۔۔پھر سائنس نے اِن اندھے قوانین کو  کھوجنے کی ذمہ داری اپنے سر لی۔۔۔
 نیوٹن کے دریافت کردہ قوانین کے زریعے کائنات کی تشریح ہونے لگی ایسے میں آئین اسٹائین نئے نظریے لیکر آگئے ۔۔ابھی اِن نظریوں  کے زریعے کائنات کی تشریح ہوہی رہی تھی کہ ایسے میں میکس پلانک صاحب نظریہ" کوانٹم"( QUANTUM) لیکر پہنچ گئے جس  نے تمام  نظریوں کو یوں نِگل لیا  جیسے موسیٰ  کا  عصا سانپوں کو،  اب سائنس میں کچھ نہیں بچا ۔۔۔
 اب سائنس میں صرف  اللہ ہی  اللہ ہے ۔۔اللہ کےسوا کُچھ بھی نہیں۔۔۔
ایسے میں پاکستان کی بدحالی کو بُرجوں کے زریعے سے ظاہر کرنا، میرے خیال میں کچھ مناسب نہیں  کہ فلاں سیاستداں کا فلاں برج تھا جس کی بنا پراُنکی نہیں بنی جس سے پاکستان کو نقصان پہنچا۔۔ یعنی اِن برجوں کے جھگڑوں نے  پاکستان کو اس حال میں پہناچایا ۔۔۔یہ بات مجھے ہضم نہیں ہورہی ہے ۔۔۔ 
" لِنک کِلک پر رؤف کلاسرا کا کالم ہے"
نوٹ:: رائے سے اختلاف /  اتفاق  کرنا  ہر ایک  کا حق ہے۔۔ اب مجھے اجازت دیں ۔۔آپکا بُہت شُکریہ۔۔
ہمیشہ رب کی مہربانیاں رہیں }

Tuesday, June 25, 2013

اربی ڈوپسس۔

  منجانب فکرستان: جدید تحقیق :عقل:الکندی
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سابقہ پوسٹ  "دوسری غلطی"  میں  جس  حیرت  انگیز  وِڈیو  کا  لِنک  فراہم  کیا  تھا، اُسکی  کی  خبر  آج   دُنیا  اخبار  نے  بھی  شائع  کی  ہے۔۔۔
اب  دوسری  حیرت  انگیز  خبر  کی  طرف  چلتے  ہیں،  کچھ  بچّے  ریاضی  کے مضمون  سے  بھاگتے  ہیں  اور  اِن  بھاگنے  والے  بچوں  میں،  میں  بھی  شامل  ہوں،  لیکن  جدید  تحقیق  کی  روشنی  میں حیرت انگیز  اربی ڈوپسس  نامی  پودے  ریاضی  سے بالکل  بھی  نہیں  بھاگتے  ہیں، بلکہ  دسویں  جماعت  کی  ریاضی  سے  ذرا  سا  کم درجے کا حساب کتاب  کرنے  کی  عقل رکھتے  ہیں ۔۔۔پرندوں میں بھی ایسی عقل پائی جاتی ہے،  مثلاً  ہجرتی پرندے فاصلوں کی دُوری کے حساب سے اپنے جسم میں غذا کا ذخیرہ کرلیتے ہیں۔۔ 
عقل کے بارے میں میرے خیال میں الکندی بھی کچھ ایسے ہی خیالات کے حامل نظر آتے ہیں: دیکھئیے صفحہ نمبر 19 کتاب روح کیا ہے؟ ڈاکٹر وحید عشرت۔۔۔
"  لِنک کلک پر "اربی ڈوپسس " کی مکمل خبر  "
نوٹ:: رائے سے اختلاف /  اتفاق  کرنا  ہر ایک  کا حق ہے۔۔ اب مجھے اجازت دیں ۔۔آپکا بُہت شُکریہ۔۔
ہمیشہ رب کی مہربانیاں رہیں }


Monday, June 24, 2013

" دُوسری غلطی "

منجانب فکرستان: گراؤنڈ رئیلیٹی : کلکولیشن: وڈیو
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
" مشرف  کو  ملک  چھوڑنے  پر قائل  کرنے  کی تمام  کوششیں  ناکام  ہوگئیں "۔۔ اخبار میں مشرف  کے  حوالے  سے  یہ خبر  پڑھ  کر  ذہن  میں  خیال آیا  کہ مشرف  صاحب  تو  ہمیشہ گراؤنڈ  رئیلیٹی  کی بات کیا  کرتے  تھے، تو  پھر  یہاں جذباتی  رئیلیٹی  پر  کیوں  اتِنا  مصر  ہو  رہے  ہیں ۔۔۔
اُن  کا  پاکستان آنا  بھی  گراؤنڈ  رئیلیٹی  کے  بجائے  مقبولیت  کے  بارے  میں  لگائی  گئی  کلکولیشن   کی غلطی تھی، جو  ثابت  ہوچکی  ہے ۔ اسی  طرح  سے اب  ملک  سے  واپس  نہ  جا نے   کی  ضد کہیں  دُوسری  غلطی  نا  ثابت  ہو؟۔۔۔
لنک پر مکمل خبر پڑھیں 23 جون روز نامہ پاکستان

Astonishing: Dynamo stretches his left arm and his feet dangle in mid-air as the bus moves ahead
 "حیرت انگیز وڈیو دیکھیں" http://www.youtube.com/watch?v=NbcyZRp_fqM
نوٹ:: رائے سے اختلاف /  اتفاق  کرنا  ہر ایک  کا حق ہے۔۔ اب مجھے اجازت دیں ۔۔آپکا بُہت شُکریہ۔۔
ہمیشہ رب کی مہربانیاں رہیں }

Saturday, June 22, 2013

خاموشی سے ڈائری لکھنا ہے

منجانب فکرستان: غلط اقدامات :تشہیر: انکشاف:اندازہ
ــــــــــــــــــــــــــــــــــ
پوسٹ "بُہت دُکھی ہونگے" میں عمران خان کی تقریر کے حوالے سے اپنے جن محسوسات کا ذکر کیا تھا کچھ ایسے ہی  محسوسات کا ذکر دُنیا کے کالم نگار جناب  خورشید ندیم اور جنگ کے جناب رؤف طاہر نے بھی آج اپنے کالموں میں کیا ہے۔۔۔
پیپلز پارٹی نے آئندہ چار سال تک  کیلئے ن لیگ کے غلط اقدامات پر احتجاج کے بجائے خاموشی سے اِن اقدامات کی ڈائری لکھنا ہے تاکہ  ن لیگ کی طرح پانچویں سال اِن غلط اقدامات کو عوام کے سامنے لاکر  اِنکی خوب تشہیر کرسکیں۔ اور اقتدار میں آنے کا راستہ بناسکیں۔۔۔
اصل اپوزیشن کا کردار عمران خان کو  ہی ادا کرنا ہوگا۔۔۔
عوام کو سادگی اپنانے اور ملک کی خاطر کڑوی گولی نگلنے کا مشورہ دینے والوں کے بارے میں ایاز امیر نے اپنے کالم میں انکشاف کیا ہے کہ پارلیمنٹ کے 33 وزراء کے کمروں میں دو دو ٹن کے نئے ائیر کنڈیشن اور نئے LCD ٹی وی لگائے گئے ہیں۔۔۔اسی سے حکومت کی سمت کا اندازہ لگایا جاسکتا ہے۔۔۔

اگر پڑھنا چاہئیں تو  کالم نگاروں کے لنک حاضر ہیں۔

نوٹ:: رائے سے اختلاف /  اتفاق  کرنا ہر ایک  کا حق ہے۔۔ اب مجھے اجازت دیں ۔۔آپکا بُہت شُکریہ۔۔
ہمیشہ رب کی مہربانیاں رہیں }

Friday, June 21, 2013

بُہت دُکھی ھونگے

 منجانب فکرستان: چیف جسٹس؛ جاگیرداروں؛ خوش ہونا؛ پتلی گردن
ــــــــــــــــــــــــــــــــــ
عمران خان کے بارے میں میڈیا نے حلف برداری تقریر کے حوالے سے عوام میں ایسا تاثر پھیلایا تھا کہ عمران خان دھاندلی کے حوالے سے بڑے پیمانے پر ناقابلِ تردید ثبوت فراہم کریں گے اور بجٹ کو آڑے ہاتھوں لیکر اِسکے پُرزے اُڑائیں گے، مگر یہ تو وہی بات ہوگئی۔۔
"تھی خبر گرم کہ غالب کے اُڑیں گے پُرزے، دیکھنے ہم بھی گئے تھے پر تماشا نہ ہُوا"۔۔۔
شاید یہ اسمبلی سیٹ کا دیومالائی اثر تھا کہ عمران کی تقریر ایسی تھی کہ روایتی سیاست دان خوش ہوگئے کہ عمران اسمبلی میں آتے ہی ہماری بُولی بولنے لگ گئے ہیں!! ورنہ بجٹ ٹیکس کے حوالے سے تمام ماہرینِ معاشیات نے بجٹ کو غیر عوامی کہا یہ کتنا غیر عوامی تھا اِسکا اندازہ چیف جسٹس کے ریمارکس اور ازخود نوٹس فیصلے سے بھی بخوبی لگایا جا سکتا ہے۔۔۔
 بجٹ میں جاگیرداروں اور بڑی مچھلیوں کو چھوڑ دیا گیا اور بیچارے پتلی گردن تنخواہ دار طبقے کی گردن کو اور دبایا گیا ہے۔۔۔
 حکومت کو چاہئیے کہ عوام کو قربانی کا درس دینے کے بجائے صِدق دل سے جاگیرداروں اور بڑی مچھلیوں کو ٹیکس نیٹ میں لائے جسکا شکوہ ہیلری کلنٹن،اور سابقہ وزیر خزانہ عبدالحفیظ شیخ بھی کرچُکے ہیں۔۔۔
بجٹ کی نا انصافیوں پر عمران خان کی خاموشی کیا فرینڈلی اپوزیشن کی ابتدا ہے ؟؟ اگر ایسا ہے تو وہ لوگ جو عمران سے بُہت امید لگائے بیٹھے ہیں۔۔۔
"بہت دُکھی ہونگے"
نوٹ:: رائے سے اختلاف /  اتفاق  کرنا ہر ایک  کا حق ہے۔۔ اب مجھے اجازت دیں ۔۔آپکا بُہت شُکریہ۔۔
{ ہمیشہ رب کی مہربانیاں رہیں }




      

Sunday, June 16, 2013

" احساسات میں مبتلا ہوجاتے ہونگے "

 منجانب فکرستان:دلائل؛اوسط عمر؛احساسات 
ـــــــــــــــــــــــــــــــــــــــــــــــ
آج فادر ڈے ہے، اس سے بحث نہیں ہے کہ  ڈے منانا چاہئیے یا کہ نہیں،اِس بارے میں نقطہ نظر رکھنے والوں کے پاس اپنے اپنے مگر طاقت ور دلائل موجود ہیں۔۔البتہ مجھے یہ کہنا ہے کہ اب دُنیا میں ہر جگہ انسانی اوسط عُمر بڑھ چُکی ہے ۔۔۔۔
جو لوگ گھر میں مدر ڈے یا فادر ڈے مناتے ہیں یا بیرونی مُلک مقیم کوئی بیٹا یا بیٹی مادر ڈے یا فادر ڈے پر کوئی تحفہ بھجیتے ہیں، اگر اُنکے دادا،دادی،نانا نانی زندہ ہیں تو میرے خیال میں مادر ڈے فادر ڈے کے ساتھ اُنہیں بھی یاد رکھا جائے تو یہ ایک اچّھا عمل ہوگا،اُنہیں بھی کوئی چُھوٹا مُوٹا تحفہ بھیج دینے سے ۔۔۔ یہ بوڑھے بُہت خوش ہونگے یقیناً اُنکے دلوں سے دُعائیں نکلیں گیں۔۔۔ممکن ہے کہ زیادہ گھرانوں میں ایسا ہی ہوتا ہو۔۔۔
اور جہاں ایسا نہیں ہوتا ہوگا وہاں یہ بوڑھے کُچھ احساسات میں مبتلا ہوجاتے ہونگے۔۔۔
نوٹ:: رائے سے اختلاف /  اتفاق سب کا حق ہے۔۔ اب مجھے اجازت دیں ۔۔آپکا بُہت شُکریہ۔۔
ہمیشہ رب کی مہربانیاں رہیں }

Thursday, June 13, 2013

" خراب سے خراب تر "

 منجانب فکرستان:: نفرتیں: اخلاقیات: شبیہ: بہی خواں
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
امریکی نیشنل سیکورٹی ایجنسی کے ڈائریکٹر الگزینڈر نے سنو ڈین کے زریعے ہونے والی بڑی لیک (پرزم لیک) کا یہ کہہ کر دِفاع کیا ہے کہ نگرانی ختم ہوئی تو امریکہ ختم ہوجائے گا ۔۔الگزینڈر صاحب کے اِس جواب سے یہ سوال پیدا ہو جاتا ہے کہ ایسا کیوں؟؟؟ اور ایسا کیوں کا جواب یقیناً یہی ہوسکتا ہے کہ امریکی پالیسیاں غلط ٹریک پر چل رہی ہیں، اِسی کے نتیجے نے امریکہ کو اِس مقام پر پہنچا دیا ہے کہ  " نگرانی ختم ہوئی تو امریکہ ختم ہوجائے گا" ۔۔۔
عراق پالیسی کا تجزیہ کریں کیمیائی ہتھیار نہ ملے، لیکن کتنی انسانی جانیں تلف ہوگئیں ،کتنی زندگیاں معذور ہوگئیں۔۔۔ افغان پالیسی نے ہزار ہا انسانوں کو موت کی نیند سُلادیا ،ہزارہا معذور ہوئے اِن ہلاکتوں اور معذور ہونے  والوں میں امریکی اور نیٹو افواج بھی شامل ہیں، اچھا خاصہ مالی نقصان بھی ہُوا، بدلے میں کیا ملا رسوائی اور  نفرتیں؟؟
 اسرائیلی پالیسی بھی نفرتوں کو بڑھاتی رہتی ہیں، گوانتا نامو بے ، ڈرون حملے،وکی لیک،سنوڈین لیک سب مل ملاکر امریکہ کی اخلاقیاتی شبیہ کو دن بہ دن خراب سے خراب تر کرتی جا رہیں ہیں۔۔۔
 اس لیے امریکی پالیسی سازوں کو اپنی پالیسیوں پر نظرثانی کا سوچنا چاہئیے ، چومسکی قبیل کے لوگوں کی آوازوں کو بھی پالیسی میں جگہ ملنی چاہئیے کہ یہ بھی آپ کی طرح امریکہ کے بہی خواں ہیں۔۔۔
نوٹ:: رائے سے اختلاف /  اتفاق سب کا حق ہے۔۔ اب مجھے اجازت دیں ۔۔آپکا بُہت شُکریہ۔۔
{ ہمیشہ رب کی مہربانیاں رہیں }


" تبدیلی آگئی "

 منجانب فکرستان: بجٹ٭ اشک شوئی ٭ سو دُرے٭  کردار ٭ احسن طریقے
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
کہتے ہیں کہ "پوت کے پیر پالنے میں ہی نظر آجاتے ہیں"۔۔ ن لیگ نے بھی تبدیلی کا نعرہ لگایا تھا اور اس تبدیلی کو اپنے پہلے بجٹ میں ہی کر دِکھا دیا ۔۔۔
ہمیشہ بجٹ میں سرکاری ملازمین کی اشک شوئی کا کُچھ نہ کُچھ بندوبست کیا جاتا تھا ،لیکن تبدیلی کے نعرے کے تحت اِس بجٹ میں غالباً پہلی بار ایسی تبدیلی آئی ہے  کہ تنخواہیں نہیں بڑھیں، البتہ مرے پہ سو دُرے کے مترادف جنرل سیل ٹیکس بڑھا دیا گیا ہے، جس سے مہنگائی میں یقینی اضافہ ہوگا اسطرح یہ بجٹایک جانب ایک بُہت بڑی تعداد کو خطِ غربت سے نیچے دھکیلنے میں بہترین کردار ادا کرے گا تو دوسری جانب غریب کو مزید غریب بنانے کا کردار بھی احسن طریقے سے نبھائے گا۔۔۔
رائے سے اختلاف/اتفاق سب کا حق ہے ۔۔اب مجھے اجازت دیں ۔۔آپکا بُہت شُکریہ۔۔
 { ہمیشہ پروردِگار کی مہربانیاں رہیں }   

Monday, June 10, 2013

گوگل کو بلاک کردیں گے

منجانب فکرستان:عندیہ تا انتباہ ( انوشہ رحمان)۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دو دن پہلے کی خبر ہے کہ انفارمیشن ٹیکنالوجی اور ٹیلی کمیونیکیشن وزیر مملکت انوشہ رحمان نے یہ عندیہ دیا تھا کہ یو ٹیوب کو جلد از جلد بحال کرنا ہماری ذمہ داری ہے ،یو ٹیوب کو بہترین فلٹریشن نظام کے ساتھ جلد بحال کیا جائے گا ،اس سلسلے میں زائد رقم بھی خرچ کرنا پڑی تو کریں گے۔۔پھر کیا ہُوا ؟ آج کی خبر ہے کہ گوگل کو خبر دار کیا گیا ہے کہ اگر اُس نے توہین رسالت و دیگر قابلِ اعتراض مواد   یو ٹیوب سے نہ ہٹایا تو آخری اقدام کے طور پر گوگل کو بلاک کردیں گے یہ انتباہ بھی انفارمیشن ٹیکنالوجی کی وزیرمملکت انوشہ رحمان نے ہی جاری کیا ہے۔۔۔
 11جون۔ روز نامہ ایکسپریس 

Thursday, June 6, 2013

ٹھیکہ داری نظام کا بول بالا !!۔

منجانب فکرستان: ایوانِ صدر٭ بھاری اکثریت٭ آئین وقانون 
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
آج کے اخبارات میں ایک ایسی خبر شائع ہوئی ہے ،جو ایسا سوچنے پر مجبور کررہی ہے کہ ہم تاریخ کے کس دور میں رہ رہے ہیں ؟؟؟۔
 خبر کُچھ یوں ہے کہ ذرداری صاحب  کے پیر صاحب نے کہا ہے کہ صدر صاحب سے میرا، 5 سالہ ٹھیکہ طے ہُوا تھا کہ اُنہیں 5 سال تک کوئی نہیں ہٹا سکے گا، اسی سبب کوششوں کے باوجود اُنکو ایوانِ صدر سے نکالنے میں کسی کو کامیابی حاصل نہیں ہوئی۔۔
 پیر صاحب کا کہنا ہے کہ صدر صاحب سے اُنہوں نے ہی کہا تھا کہ الیکشن سے قبل پہاڑوں سے دُورسمندر کے قریب جائیں، وہاں سیپی موتی ملیں گے،صدر صاحب نے میرے کہنے پر عمل کیا، جس کا نتیجہ سندھ میں پارٹی کو بھاری اکثریت ملی، اگر وہ میرے کہنے پر عمل نہ کرتے تو سندھ میں بھی پارٹی کی حکومت نہ بنتی ۔۔۔
پیر صاحب نے مزید یہ بھی کہا ہے کہ صدر صاحب کو مزید 2 سال دِلانے کیلئے میں ایسی گوٹی فٹ کروں گا کہ آئین و قانون کے ماہرین اور سیاستدان سب۔۔۔ اپنی انگلیاں  دانتوں تلے دے لیں گے ۔۔۔
رائے سے اختلاف/اتفاق سب کا حق ہے ۔۔اب مجھے اجازت دیں ۔۔آپکا بُہت شُکریہ۔۔
 { ہمیشہ پروردِگار کی مہربانیاں رہیں } 
   

Tuesday, June 4, 2013

یہ دُنیا ہے پیارے

 منجانب فکرستان:کُول ڈاؤن* رسمیِں دنیا* گیدڑسنگی*ذرداری*نواز شریف * اُصول 
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جماعت اسلامی، قومی وطن پارٹی، تحریکِ انصاف مل کر خیبرپختونخوا میں حکومت سازی کر رہے ہیں، لیکن قومی اسمبلی کے اسپیکر کے انتخاب میں ،جماعت اسلامی اور قومی وطن پارٹی نے تحریک انصاف کے خلاف ووٹ دیا ؟؟ دونوں پارٹیوں نے ن لیگ کے نامزد امید وار ایاز صادق کو ووٹ دیا۔ایسا کیوں کیا ؟ جواب صاف ہے آپس کے اختلافات۔۔
 میں نے اپنی سابقہ ایک پوسٹ میں کہا تھا کہ اِن میں زرداری جیسا مفاہمتی کوئی نہیں ہے۔۔انِکی اَنائیں موٹی اورتگڑی ہیں، میاں صاحب کی انا بھی خوب موٹی اور تگڑی تھی، لیکن جب سے اُنہوں نے زرداری مفاہمتی گیدڑ سنگی دیکھی ہے اُنکی انا  اب کول ڈاؤن دِکھائی دے رہی ہے ۔۔
اگر کوئی اخباری یا ٹی وی نمائندہ دونوں پارٹیوں کے رہنماؤں سے پوچھے کہ بھائی ایسی بھی کیا بے مروتی ، رسمیںِ دُنیا کی خاطر ہی سہی ، اسپیکر کیلئے پی ٹی آئی کے امید وار کو ووٹ دینا چاہئیے تھا، اِس بات پرممکن ہے اُنکا جواب یہ ہو کہ ہمارا اتحاد خیبرپختونخوا تک محدود ہے۔یعنی وزارتوں تک محدود ہے ، باقی جہاں مفادات ہونگے وہاں جائیں گے۔۔ یہی اَصل اُصول ہیں۔۔ باقی کے اصول کتابوں میں ہی اچّھے لگتے ہیں، عملی  دُنیا میں نہیں۔۔۔ 
رائے سے اختلاف/اتفاق سب کا حق ہے ۔۔اب مجھے اجازت دیں ۔۔آپکا بُہت شُکریہ۔۔
 { ہمیشہ رب کی مہربانیاں رہیں } 

Sunday, June 2, 2013

دیوی (آئی پی ایل)۔

منجانب فکرستان:راج کندرا؛ سیاستدان؛ بُرا ہُوا 
ــــــــــــــــــــــــــــــــــــــــــــــــــــــــــــــــ
 آئی پی ایل ، ہرطبقہ، ہرعمر کا جنون تھا، چھکا پڑ نے پر "پیٹ میں موجود بچّہبھی تالیاں بجاتا تھا ، مرتا بُوڑھا بھی نعرہِ تحسین  بلند کرتا تھا" ۔ آئی پی ایل دیوی کے دیوانے اِسلئیے بنے کہ دیوی اِنکے ایک ایک CELL میں خوشیاں بھرتی تھی،  یہ ہر طرح کی لسانی، مذہبی تفریق مِٹاکر تبصرہ پر اکُسا کرانہیں جوڑتی تھی، گھروں کے ماحول کو خوشگوار بناتی تھی، روٹھے ہوئے بھی تبصرہ کیلئے آپس میں جُڑ جاتے تھے ، نوجوان آئٹم سونگ سے زیادہ دیوی آئی پی ایل کے دیوانے تھے، لیکن اعترافات نے سب کو صدمے میں مبتلا کردیا۔
سیاستدان ایمانداری کا حلف اُٹھا کراربوں روپوں کی کرپشن کرتے ہیں، ثبوت دِکھانے پر بھی اعتراف نہیں کرتے ہیں ، صاف مُکر جاتے ہیں، یوں معملے کو متنازعہ بنادیتے ہیں، ایسے میں کھلاڑیوں کو روسو بننے کی کیا ضرورت  پڑی تھی۔۔۔
اب بات کھلاڑیوں تک نہیں رہی راجستھان رائل کے مالک راج کندرا کے اعتراف کے بعد ، دیوی کے پاس کیا بچا ہے ، اُسکا سب کُچھ لُٹ چُکا ہے ۔۔۔بُہت بُرا ہُواکہ برِصغیر کے لوگوں اور خاص کر نوجوانوں سے ایک صاف ستھری تفریح  چِھن گئی۔۔۔
رائے سے اختلاف/اتفاق کرنا سب کا حق ہے ۔۔اب مجھے اجازت دیں ۔۔آپکا بُہت شُکریہ۔۔
  { ہمیشہ پروردِگار کی مہربانیاں رہیں }