Image result for monument valley
ہر چیز سے عیاں ہے،ہرشے میں نہاں ہے،خالِق کائنات، مالِک کائنات
عقلِ کُل،توانائی کُل، ہمہ جہت، ہمہ صِفت،خالِق کائنات، مالِک کائنات
آنکھیں کہ جِن سے میں دیکھا ہوں میری نہیں، عطائے خُداوندی ہے
  پاؤں کہ جِن سے میں چل تا ہوں میرے نہیں،عطائے خُدا وندی ہے
غرض یہ کہ میرے  وجود کا ذرہ  ذرہ   میرا  نہیں ،عطائے خُداوندی ہے
میرے خالِق میرے مالکِ میرے پروردگارانِ نعمتوں کا بے انتہا شُکریہ  


Monday, April 30, 2012

٭ بی بی سی ٹا کنگ پوائنٹ میں عمران خان نے کیا کہا ؟؟ ٭

منجانب فکرستان پوسٹ ٹیگز :~اسکینڈے نیویاء/شیرشاہ سید/پارٹی الیکشن/تحریری منشور/ڈرون حملے۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جو بھی ممبر بننا چاہے 80022 پر ایس ایم ایس کے زریعے آخری تاریخ 30 جون تک تحریک انصاف کی ممبر شب حاصل کرسکتا ہے۔۔۔ 30 جون کے بعد ممبروں کے زریعے عمران خان سمیت ہر چھوٹے بڑے عہدہ کیلئے میڈیا کے سامنے اوپن الیکشن ہونگے۔۔۔اسمبلیوں کے ٹکٹ بھی ممبروں کی سفارشات پر ہی دیے جائیں گے۔۔۔عمران خان نے مزید کہا کہ اسلامی فلاحی ریاست انکا رول ماڈل ہے جس پر بڑی حد تک اسکینڈے نیویاء ممالک عمل کر رہے ہیں۔ معروف گائناکولوجسٹ جناب شیر شاہ سید کے ایک سوال کے جواب میں کہا کہ دیہی صحت کے حوالے سے ایران اور عراق انکے رول ماڈل ہیں ، کرپشن کے حوالے سے کہا کہ ہماری حکومت کی اولین ترجیح کرپشن کو روکنا ہے، انہوں نے سنگا پور، ملائیشیا، برازیل اور ترکی کی مثال دی کہ ان ملکوں میں کرپشن رکنے کے بعد ہی یہ ترقی کی جانب گامزن ہوئے ہمیں بھی ترقی کرنا ہے تو ہمیں کرپشن روکنا ہوگا ۔۔ ڈرون حملوں کو روکنے کے حوالے سے کہا کہ امریکیوں کو دلائل سے سمجھائیں اگر وہ پھر بھی نہ مانے تو یو این او میں جائیں گے ۔۔۔ 
 مزید تفصیل کیلئے درج ذیل لنک پر جائیں ۔  


http://www.bbc.co.uk/urdu/multimedia/2012/04/120429_imran_tp_audio_as.shtml

Friday, April 27, 2012

کیا خواتین کا لباس جینیاتی مسئلہ ہے ؟؟

منجانب فکرستان:~صرف ایک سال میں 15 لاکھ خواتین نے، اپنے آپکو نمایاں کرانے کے آپریشن کرائے!!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
 جماعت اسلامی 22 اپریل سے ملک میں پھیلتی ہوئی عریانی کے خلاف آواز اُٹھا رہی ہے،عمران خان سے بھی ایک اینکر نے پوچھ لیا کیا آپ عورتوں کے لباس پر کوئی قدغن لگائیں گے؟جنسی ہراسمنٹ کے حوالے سے دُنیا بھر میں خواتین کے لباس پر اعتراض ہوتا رہتا ہے۔۔شاید خواتین کی فطرت کی بھی یہ مجبوری ہے کہ وہ ایسی وضع قطع کا لباس پسند کرتیں ہیں کہ جن سے انکے کے جسمانی خدوخال نمایاں ہوں ، خواتین کے لباس پراعتراض   کرنے پر خواتین نے انڈیا سمیت دنیا کے کئی ممالک میں مزید عریاں ہوکر"سلیوٹ واک" احتجاجی ریلیاں نکالیں۔۔
  اسی ماہ اپریل میں یوگنڈا میں ایک اپوزیشن خاتون رہنما پر پولیس کی مبینہ زیادتی کی وجہ پر یوگنڈا میں عورتوں کے گروپ نے نیم برہنہ ہوکر احتجاج کیا ۔۔۔اسی طرح  اسی ماہ اپریل میں یو کرین میں جہاں اسقاطِ حمل کے خلاف قانون بنانے کا بل پارلیمان میں جمع کرانے پر نیم برہنہ ہوکر بل کے خلاف احتجاج کیا ، یہ احتجاج نہ صرف یوکرین میں ہُوا بلکہ ایساہی احتجاج، استنبول، برسلز، روم،منسک،ماسکو اور کئی دوسرے یورپی شہروں میں بھی ہُوا جس کا اہتمام ننگاپن احتجاجی گروپ " فیمن"  نے  کیا تھا۔ ، دُنیا بھر سے خواتین اس ننگے پن گروپ میں شامل ہورہی ہیں۔۔۔میرے دماغ میں یہ بات جگہ بنا نہیں پارہی ہے کہ/ لباس کےاعتراض پر/ اسقاطِ حمل کا قانون بناے پر / پولیس کا خاتون کے ساتھ زیادتی کرنے پر۔۔۔  کپڑے اُتار کر احتجاج کرنے کا  کیا تعلق بنتا ہے ؟؟ سوائے احتجاج کے بہانے اپنے جسم  کی نمائش کرانے کے ؟؟ آپ  نے دیکھا ہوگا کہ کارنیوال جشن ہو یا کوئی اور جشن ان سے فائدہ اُٹھا کر خواتین اپنے جسموں کی  نمائش کرتی ہیں ۔۔۔۔ 
انڈوپاک کی خواتین پر مذہبی اور معاشرتی دباؤ بُہت زیادہ ہے اس کے باوجود، انڈین خواتین کی ساڑی کا بلوز سُکڑ کر بریزر بن گیا ، آستینیں غائب ہوگئیں ہیں، پاکستان میں جسم سے چپکے ٹراؤزر پر ہوا سے اُڑتی لمبی چاکوں والی شرٹ سے جسمانی خدوخال نمایاں ہوتے ہیں۔۔۔ 
بولی ووڈ میں بولڈسین اور آئٹم سونگ کرانے کیلئے خواتین کی دوڑ لگی ہوئی ہے، وینا ملک کی تصویر بھی جسم نمائش کی مثال ہے ۔۔۔
جس طرح فطرتاً عورت چہرے پر میک اپ کرکے اپنے آپ کو نمایاں کرتی  ہیں بالکل اسی طرح سے  لباس ایسا پہنتی ہے کہ جس سے اسکے جسمانی خطوط نمایاں ہوں چہرے کی طرح  وہ اپنے جسم کی نمائش بھی چاہتی ہے۔اسکی مثال میں اسطرح سے دونگا کہ صرف سنہ 2010 کے ایک سال میں 15 لاکھ خواتین نے اپنے پستان بڑھوانے کیلئے آپریشن کروائے ۔۔۔ اپنی جان کو خطرہ میں ڈال کر بھاری اخراجات اُٹھاکر یہ آپریشن کس مقصد کے لیے کروائے جاتے ہیں؟؟۔۔ اس لیے کہ انکی نمائش ہو ۔۔۔ 
دباؤ سے آزاد ماحول فطرت کا عکاس ہوتا ہے۔۔۔ عورت کی جینیاتی فطرت کو آزاد معاشرے میں ہی دیکھا جاسکتا ہے۔۔۔مشاہدہ بتاتا  ہے کہ عورت کو جس ملک میں جتنی  زیادہ آزادی ملی وہاں وہ فطری طور پر اتنی عُریاں ہوئی ہے، مثلاً منی اسکرٹ ،بکنی وغیرہ  کواپنایا ۔۔۔ورنہ جن معاشروں میں عورت پر دباؤ ہے ان معاشروں میں عورت آج بھی شامیانہ برقعوں میں ملبوس ہے ۔۔۔
میں اپنے خیالات آپ سے  شئیر کر رہا ہوں ،ان سےمتفق ہونا ضروری نہیں۔۔
پوسٹ کیلئے درج ذیل لنکس سے مدد لی گئی ہے ۔اب اجازت دیں ۔آپکا بُہت شُکریہ۔(ایم ۔ڈی)


http://www.bbc.co.uk/urdu/science/2012/03/120329_breast_enlargement_sen.shtml

http://www.bbc.co.uk/urdu/world/2012/04/120424_nanga_ukrain_nude.shtml

http://www.bbc.co.uk/urdu/world/2012/04/120423_uganda_protest_nj.shtml

Wednesday, April 25, 2012

٭ ایسی فلم جو خوش قسمت بھی بد قسمت بھی ٭

منجانب فکرستان:~ ایسی فلم جو خوش قسمت بھی کہلائی جاسکتی اور بد قسمت بھی!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لوگوں کی ایک بڑی تعداد کامیابی یا ناکامی میں قسمت کے اثر کو مانتی ہے،جبکہ  کئی حضرات ایسے بھی ہیں جو کسی قسم کی قسمت کو ماننے پر تیار نہیں، کیا واقعی کامیابی یا ناکامی میں قسمت کا دخل ہوتا ہے؟؟
 یہ ان دنوں کی بات ہے ۔ جب پاکستانی سینما گھروں میں انڈین فلمیں دکھانے پر پابندی تھی ،اس پابندی کا توڑ یہ نکلا کہ کراچی کے علاقے رنچھوڑ لائن کے  کئی رہائشی گھر وڈیو سینما گھر میں تبدیل ہوگئے تھے ، وی سی آر اُن دنوں اتنے مہنگے تھے کہ مڈل طبقے کی خرید سے بھی دور تھے ۔اس لیے انڈین  فلموں کے شوقین حضرات ان رہائشی علاقوں کےسینما  گھروں کا رخُ کرتے تھے، میں بھی ایک دن اپنے دوست کے ساتھ اس علاقے میں فلم دیکھنے گیا تو دیکھا کہ روڈ  کےکنارے جگہ جگہ لوگ جمع ہیں ،قریب جانے پر معلوم ہُوا کہ کہیں فلم" شعلے" کے ٹکٹ فروخت ہورہے ہیں تو کہیں پر فلم "سنیاسی" کے غرض کہ مختلف گھروں میں مختلف فلمیں دکھائی جارہی تھیں۔ شعلے کے نام سے ظاہر ہورہا تھاکہ یہ مار دھاڑ والی فلم ہوگی جبکہ سنیاسی کے بارے میں مجھے معلوم تھا کہ اسکی موسیقی شنکر جے کشن نے دی  ہے۔ میرے دوست کی خواہش تھی فلم شعلے دیکھی جائے جبکہ میری خواہش تھی کہ سنیاسی دیکھی جائے ،فیصلے کیلئے ٹاس کا سکہ اُچھالا گیا ٹاس نے سنیاسی کے حق میں فیصلہ دے دیا جس سے مجھے خوشی ہوئی  ۔ ۔ ۔ کافی دنوں کے بعد موسیقار شنکر جے کشن کو کوئی فلم ملی تھی اس لیے ، اُنہوں نے خوب محنت سے دھنیں تیار کیں تھیں ۔۔۔ جو مُجھے بُہت پسند آئیں۔۔۔ 
 انڈیا کی طرح پاکستان میں بھی شعلے فلم نے دھوم مچادی تھی، دوستوں کی تعریف کے باوجودمیرا دل اس فلم کو دیکھنے پر کبھی آمادہ نہ ہُوا لیکن مجبوراً دوست کے ساتھ شعلے دیکھنی پڑی، اس فلم نے مجھے کافی بور کیا ، میرے نقطہ نظر سے فلم بالکل ہی ڈبہ تھی، لیکن جب  دوستوں کو اس فلم کی تعریف کرتے سُنتا تو اپنی  بد ذوقی کو محسوس کرتا، (میرے اس احساس کوآپ ایک طرح کی احساسِ کمتری بھی کہہ سکتے ہیں ) ۔ ۔ ۔   
فلم فئیر ایوارڈ کی تقریب میں شرکت کرنے والوں کی اکثریت کی سوچ یہی تھی کہ فلم شعلے ایوارڈوں کا صفایا کرڈالے گی، شعلے بنانے والی ٹیم بھی پُر اعتماد تھی کے میدان مارلیں گے، شعلے بنانے والی ٹیم کا ہر رکن تصور میں اپنے آپ کو ایوارڈ وصول کرتے ہوئے دیکھ رہا تھا ، اسٹیج پر جیسے جیسے فلم فئیر (ماہرین) ججز کے ایوارڈ کے فیصلے آنے لگے شعلے بنانے والی ٹیم میں مایوسی پھیلانے لگے۔یہاں تک کہ سارے ایوارڈ ختم ہونے پر آگئے۔ لیکن شعلے کا نام پُکارا نہیں گیا ، شعلے کی ٹیم کے ارکان کے چہرے اُتر گئے تو شاید قسمت کو ان پر ترس آگیا ، آخر میں ایک ایوارڈ تدوین پر ملا یوں کچھ آنسو پُچ گئے۔۔۔ 
 اگرہم فلم فئیر ایوارڈ کی تاریخ پرنظر ڈالیں تو ہمیں نظر آئیگا کہ جن فلموں کو عوام نے پسند کیا ان فلموں نے ایوارڈ بھی جیتے ۔۔لیکن یہ کیسی بد قسمت فلم ہے کہ عوامی کامیابی کا ریکارڈ قائم کرنے والی فلم، بیک وقت 100 سے زیادہ سینما گھروں میں سلور جوبلی منانے کا ریکارڈ قائم کرنے والی فلم، فلم فئیر (ماہرین) ججز کو پسند نہ آئی صرف تدوین کا ایوارڈ ملا۔۔اسطرح تو یہ ایک بدقسمت فلم ثابت ہوتی ہے کہ کامیابی جھنڈے گاڑھنے کے باوجود ایوارڈ حاصل نہ کرسکی۔۔ اچھی فلم یا بُری فلم کا فیصلہ ایوارڈ ہی سے ہوتا ہے۔۔۔ماہرین کے نقطہ نظر سے یہ فلم معیاری نہیں تھی تاہم معیاری نہ ہونے کے باوجود ریکارڈ توڑ مقبولیت حاصل کرنا ۔۔فلم کی خوش قسمتی ہے ۔۔۔آپکا کیا خیال  ۔۔۔آپ فلم شعلے کو خوش قسمت قرار دیں گے کہ بد قسمت ؟؟
ذیل لنک نے ذہن کو پوسٹ لکھنے کی ترغیب دی۔۔۔اور ہاں دل چاہے تو سنیاسی کا گانا بھی دیکھ لیں، اب مجھے دیں اجازت ۔۔۔آپکا بُہت شُکریہ ۔۔  (ایم ۔ ڈی) 
 http://www.voanews.com/urdu/news/arts-entertainment/Bollywood-Sholay-13Apr12-147309185.html 
  

Thursday, April 19, 2012

" ڈبل سواری پابندی "

منجانب فکرستان پیش ہے:~ کتاب تکوین میں درج مکالمہ ۔۔۔
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حضرت ابراہیمؑ کو جب خُدا کے اُس ارادے کاپتہ چلتا ہے کہ" سدوم" اور" عمورا " شہروں کے مکینوں کو اُنکی  بداعمالیوں کے سبب تباہ کرنا چاہتا ہے، تو ابراہیمؑ کا خُدا سے   جومکالمہ ہُوا وہ کتاب تکوین میں درج ہے کہ ابراہیمؑ نے خُدا سے کس طرح حجت کی کہ : "دیکھ اگر چہ میں خاک اور راکھ ہوں ،لیکن میں نے اپنے مالک کے سامنے بولنا شروع کیاہے، کہ دیکھ تیرے انصاف سے یہ بعید ہے کہ تو گناہگاروں کے ساتھ بے گُناہ لوگوں کو بھی تباہ کردے ۔۔۔  خُدا وعدہ کرتا ہے کہ شہر میں 50 نیکوکار ہونگے تو تباہ نہیں کرے گا ۔۔۔ابراہیمؑ پھر حجت کرتے ہیں   ،کیا 50 نیکوکار کی وجہ سے اس مقام کو چھوڑا نہیں جاسکتا ہے ۔۔۔تو جو تمام دُنیا کا حاکم ہے کیا راستی سے انصاف نہیں کرےگا۔۔۔یہ تجھ سے بعید ہے کہ" نیک" کو" بد" کے ساتھ مار ڈالے۔۔۔ اسطرح نیک جو ہیں وہ بد کے برابر ہوجائیں ۔۔۔یہ تیرے انصاف سے بعید ہے ۔۔۔۔
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
یہودیوں کی کتاب  کی یہ باتیں مجھے یوں یاد آئیں، کہ کراچی ایک ایسا شہر کہ جسے کاروں اور موٹرسائیکلوں کا شہر کہنا زیادہ مناسب ہے ، پیدل چلنا یہاں دشوار ہے ،  یہ حقیقت ہے کہ اگر آپ پیدل جا رہے ہیں، تو زخمی ہونے کا خطرہ اپنے ساتھ لئیے جارہے ہیں کیونکہ آپکے گمان میں نہیں آسکتا کہ  کس طرف سے موٹر سائیکل آپ سے ٹکرانے آجائے، یعنی آپکے دائیں بائیں آگے پیچھے  کسی طرف سے بھی وہ آپ سے ٹکرانے آجائے گی یہاں تک کہ فٹ پاتھ پر بھی آپکو نہیں بخشے گی۔ اسکی وجہ یہ ہے کہ آبادی کے تناسب سے یہاں  بسوں کی تعداد بہت ہی کم ہے۔۔۔ اس لیے لوگوں نے موٹر سائیکلیں لی ہوئی ہیں، بھائی ،دوست یا والد کو اپنے ساتھ بٹھالیتے ہیں، یوں کراچی والے اپنا ٹرانسپورٹ کا مسئلہ حل کرتے ہیں۔۔۔
لیکن جب کوئی ڈبل سواری موٹر سائیکل سوار کسی  کو فائرنگ کرکےقتل کردیتا ہے تو اربابِ اختیار نہ جانے کیوں اسکا حل تمام شہریوں پر ڈبل سواری پابندی تجویز کرتے ہیں ۔اسطرح  بے گناہوں کو سزا کا موجب ٹہراتے ہیں ، یعنی بقول حضرت ابراہیمؑ " اسطرح نیک جو ہیں وہ بد کے برابر ہوجائیں"  یہ پہلی بار ہے کہ اربابِ اختیار نے عقل کو استعمال کیا ہے کہ ڈبل سواری پابندی اس مسئلہ کا حل نہیں ہے۔۔۔ اب اجازت دیں ۔۔۔ آپکا بُہت شُکریہ۔۔۔(ایم ۔ڈی ۔)  

Wednesday, April 18, 2012

طاقت کا نشہ/ ہوتا ہے کیسا ؟؟؟؟؟

منجانب فکرستان پیش ہے:~ طاقت کا نشہہوتا ہے کیسا ؟؟ چند جھلکیاں۔۔  
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
 ہم اپنی سرحدوں کو محفوظ بنانے کی فوبیا میں مبتلا ہیں،اس سلسلے میں دوسروں کی سرحدوں کا احترام نہیں کرسکتے، کوئی کچھ بھی کہے، ڈرون حملے بند نہیں ہونگے، کر لو جو کرنا ہے؟  گیلانی صاحب نے بھی طاقت دِکھانے کی ایسی اعلیٰ مثال قائم کی جسکی مثال ملنا مشکل ہے، اس سے یہ بھی اندازہ ہوجاتا ہے کہ ہمارا ملک کس سمت میں بڑھ رہا ہے۔ ملاحظہ ہو، بیشک راجہ پرویز اشرف پر کرپشن کے الزامات ہیں، لیکن ہم اُنہیں وزیر بناکے رہیں گے، کرلو جو کرنا ہے؟ اسرائیل نے کہا مقبوضہ علاقوں میں تعمیراتی حوالے سے جائزہ لینے والی اقوام متحدہ کی ٹیم کو اسرائیل میں داخلہ کی اجازت نہیں دیں گے، کرلو جو کرنا ہے ؟ بھارت کا کہنا ہے کہ دنیا چاہے جو بھی کہے کشمیریوں کو استصواب رائے کا حق نہیں دیں گے،ہم اقوام متحدہ کی قراردادوں کو بھی خا طر میں نہیں لائیں گے، ہم کشمیریوں کا خون بہاتے رہیں گے، لیکن کشمیریوں کو استصواب رائے کا حق نہیں دیں گے،کرلو جو کرنا ہے ؟ ۔۔۔
 اب میں لکھنا بند کررہا ہوں ،کرلو جو کرنا ہے، آپ کا بُہت شُکریہ۔۔۔(ایم ۔ ڈی)

Friday, April 13, 2012

٭ یہودیت میں" شرک " کا تصور ٭

منجانب فکرستان: پوسٹ کی تیاری میں مشہور دانشور جناب ڈاکٹر منظور احمد کے مضمون" خُدا " سے مدد لی گئی ہے۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
آجکل "شرک" متعدی مرض  کی طرح پھیل رہا ہے ،اب لوگ بات بے بات دوسرے کو باور کراتے ہیں کہ" بھائی یہ شرک ہے " یہودیت میں شرک کسے کہتے ہیں ؟؟ مشہور یہودی عالم موسیٰ بن میمون نے اپنی مشہور کتاب' دلالہ- الحائرین' میں لکھا ہے کہ خُدا کو جاننے کے دو طریقے ہیں ۔ایک طریقہ جو عام ہے وہ عام آدمیوں کیلئے ہے کہ جن کی فکری استعداد ترقی یافتہ نہیں ہوتی ۔لیکن اسکے برخلاف جب اہل دانش خُدا کے متعلق کچھ جاننا چاہیں تو انکو معلوم ہونا چاہیے کہ" خُدا کی کسی شکل اور کسی ہئیت میں کوئی لازمی صفات نہیں ہیں "اور یہ کہ جب خُدا کی تجسیم کا انکار کیا جاتا ہے تو اسکے معنی تمام مثبت صفات سے انکار کرنے کے ٹہرتے ہیں ۔وہ لوگ جو کہتے ہیں کہ خُدا ایک ہے اور متعدد صفات سے متصف ہے ،وہ زبان سے تو خُدا کی وحدانیت کا اقرار کرتے ہیں لیکن فکری طور پر شرک میں مبتلا ہوجاتے ہیں ۔ اس لیے کے ذات کے ساتھ صفات کے وجود کا اقرار خُدا کی ذات کے علاوہ دیگر وجود کے اقرار کے ٹہرتے ہیں جو توحید خالص کی ضد ہے ۔۔۔ اوریہ شرک ہے ۔۔۔۔
ــــــــــــــــــــــــــــــــــــــــــــــــــــــــــــ
 گنگا کے پانی میں نہانے نے سے انسان کے سارے گُناہ دُھل جاتے ہیں۔۔۔ عقیدوں کی مملکت میں عقل کا داخلہ منع  ہے۔۔۔ زبردستی عقل گھُسائی  جائے گی تو یہ غیر فطری عمل کہلائے گا اور غیر فطری عمل سے غیر فطری  شرک اور فرقے بر آمد ہونا یقینی  بات ہے۔۔۔  اب اجازت دیں آپکا بہت شُکریہ۔۔( ایم ۔ڈی)

Tuesday, April 10, 2012

'' جنت تا سرد دوزخ تک ''

منجانب فکرستان پیش ہے :~ "انسان کی ہوس زدہ کھوپڑی کی کہانی " ۔۔۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قدرت نے سیاچن کو ایک ایسی وضع قطع عطا کی تھی کہ وہاں کسی جان دار  کا گذر نہ ہو،لیکن انسان ، جس کی ہوس کی کہانی ہبوط آدم کی کہانی ہے کہ کس طرح  شیطان کے سبز باغ دکھانے پر بہکاوے میں آگیا اور خُدا کے حُکم کی خلاف ورزی کر بیٹھا جس کی پاداش میں  جنت سے زمین پر آگیا ، لیکن یہاں بھی اسکی ہوس زدہ کھوپڑی ایسے ہی گل کھلاتی رہتی ہے۔ جسکی حالیہ مثال سیاچن کی ہے، سیاچن کے معنی گلابوں کی سر زمین، نہ جانے کیوں اِس سر زمین کو یہ نام دیا  گیا ،اِس سر زمین پر گلاب نہیں اُگتے ہیں۔البتہ انسانی ہوس کی وجہ سے یہاں مامتا/باپتا کے گلاب  ضرور دفن ہوتے رہتے ہیں۔۔۔
 انسانی ہوس کی یہ کہانی اپریل 1984 سے شروع ہوتی ہے۔خُدا جانے کس بھارتی کی ہوس زدہ کھوپڑی میں سیاچن قبضہ کا شیطانی خیال آیا کہ سیاچن پر چڑھ دوڑے  اور  کافی علاقہ اپنے قبضہ میں کرلیا نتیجہ میں پاکستان نے بھی سیاچن کے کچھ علاقے پر قبضہ کرلیا  اُس دن سے  مامتا/باپتا کے گلاب  یہاں زندہ دفن ہو رہے ہیں۔۔۔۔"سرد دوزخ کی حقیقت" درج ذیل لنک پر ۔۔۔اب اجازت دیں،آپکا بُہت شُکریہ۔(ایم ۔ ڈی)  
 http://www.express.com.pk/epaper/PoPupwindow.aspx?newsID=1101495104&Issue=NP_LHE&Date=20120410  

Sunday, April 8, 2012

'' چار بچوں کا کنوارہ باپ ''

منجانب فکرستان:~اگر صدر بن گیا  تو بھی میں ایسا کچھ نہیں کروں گا،جو میرے اصولوں کے خلاف ہو۔
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شادی کے بارے میں سوال کیا گیا تو انہوں نے کہا، میں ایسا کچھ نہیں کروں گا جو میرے اصولوں کے خلاف ہو۔ انکا نقطہ نظر ایسا لگتا ہےکہ ہم دونوں ایک دوسرے کو چاہتے ہیں ،ہم دونوں نے دل کی گہرایوں سے  ایک دوسرے کو قبول کیا ہُوا ہے ، تو  نکاح کے چند رسمی جملے کیوں ادا کریں ؟؟ اصل بات تو دل سے قبولیت  کی ہے۔ یہ ہر مذہب کی زبردستی کی اجارہ داری ہے کہ ہمارے بنائے ہوئے چند جملے ادا کرو ، ہمارا مذہبی ٹھپہ لگاؤ تو ہی تم میاں بیوی بن سکتے ہو۔۔
  اگر فرانس کے صدارتی الیکشن میں جناب " فرانسوا اولاند" کامیاب ہوجاتے ہیں  تو وہ پہلے صدر ہونگے جو اپنی"پارٹنر" کے ساتھ صدارتی" ایلیزے پیلس" میں قیام پزیر ہونگے، لیکن انکی پارٹنر" ٹریئر وائلر "انکی اہلیہ کی بجائے گرل فرینڈ ہونے کی وجہ سے بعض ایسی تقریبات میں شرکت نہیں کر سکیں گی ،جن میں دیگر ملکوں کے سربراہانِ مملکت شریک  ہونگے ۔۔۔ یاد رہے کہ اولاند صاحب تیس برسوں تک اپنی سابقہ پارٹنر سیگولین رویال کے ساتھ رہے ہیں ، جن سے انکے چار بچے ہیں۔۔۔اب  اجازت دیں آپکا بُہت شُکریہ ۔۔(ایم ۔ ڈی)