جوش کی شاعری / خُدا کے بارے میں ٭٭٭٭

﷽

نہ جا  اِن  کُفر  کی باتوں پہ میری ٭ یہ حق کے گیت ہیں جو گارہا ہوں

 جسے یوں کھو رہا ہوں ہر قدم پر ٭ اُسی  کو  ہر نفس  میں  پا  رہا   ہوں 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــ

جوش صاحب کے ذہن سے نکلے خُدا سے متعلق احساسات سے منتخب کُچھ اشعار۔    جن لوگوں کے دل و دماغ میں مذہبی روایات راسخ ہوکرپختہ یقین کا درجہ حاصل کر لیتی ہیں، اُنکے دل و دماغ میںخُدا ،کائنات ، انسان اور مذہب سے متعلق شک بھرے سوالات نہیں آتے ہیں۔ اس بارے میں مذہب نے جو جوابات فراہام کردیے ہیں اُن پر اُنکا پکا یقین ہوتا ہے اِسطرح ایسے لوگ  اپنے مخصوص مذہبی دائرہ میں بڑے اطمینان سے اپنی زندگی کا سفر طے کر لیتے ہیں ۔

لیکن جن لوگوں کے ذہن منطقی ہو تے ہیں وہ عقل کی کسوٹی لیکر بیٹھ جاتے ہیں انسان ، مذہب ،کائنات اور خُدا کے بارے میں سوالات کو عقل کی کسوٹی پر گِھسنے لگتے  ہیں ۔ نتیجہ برآمد نہ ہو نے پر الجھنوں میں گرفتار  ہوجاتے ہیں  ۔ کُچھ اسی طرح کے سوالات کو لیکر جوش صاحب کے منطقی ذہن  نے اُنکو زندگی بھر پریشان کئے رکھا ۔ اسکے علاوہ جن لوگوں نے یادوں کی بارات پڑھی ہے وہ جانتے ہیں کہ جوش صاحب کو" پلان چٹ"  کے زریعے مرے ہوئے لوگوں کی روحوں سے باتیں کرنا بھی اُنکا مشغلہ رہا ہے اُنکا منطقی ذہن روحوں سے باتیں کرنے کی  اِس گُتھی کو بھی سُلجھانے کی الجھن میں گرفتار رہا ہے  ۔جبکہ صنفِ نازک بیچاریاں تو اُن سےآخر عُمر تک اپنی دوستیاں نبھاتی رہیں۔ اپنے ایک انٹرویو میں کترینہ نے بڑی عجیب بات کہی ہے کہ ڈھلتی عمر کے لوگ جب ہاتھ ملاتے ہیں تو   ہاتھ کو ذرا    زور سے دبا دیتے ہیں ۔

ــــــــــــــــــــــــــــــــــــــــــــــ

نہ جا  اِن  کُفر  کی باتوں پہ میری ٭ یہ حق کے گیت ہیں جو گارہا ہوں

 جسے یوں کھو رہا ہوں ہر قدم پر٭ اُسی  کو  ہر نفس  میں  پا  رہا   ہوں 

ــــــــــــــــــــــــــــــــــــــــــــ

جس وقت جھلکتی ہے مناظر کی جبیں  ٭ راسخ  ہوتا  ہے  ذات باری  کا   یقیں 

کرتا ہوں جب انساں کی تباہی پہ نظر ٭ دل پوچھنے لگتا ہے خُدا ہے کہ نہیں 

ــــــــــــــــــــــــــــــــــــــــــــ

 خوں  خوار   کو  پروان چڑھانے والے ٭ کم  زور  کو خاک میں ملانے والے

شاہین بھی ہے کیا تیری ہی ایجادِ لطیف ٭  معصوم   کبوتر   کو   بنانے     والے
ــــــــــــــــــــــــــــــــــــــــــ

 بدخوا     پیمبر       نہ   کہیں   ہو  جاؤں   ٭ ہاں منکر   داور کہیں   نہ   ہو  جاؤں 

انساں    کی   تباہی     کا    تماشا     کر کے ٭ ڈرتا ہوں کہ  کافر  نہ کہیں ہوجاؤں

ــــــــــــــــــــــــــــــــــــــــــــ

عامی   نے     حجابات   سے  تعبیر   کیا    ٭   عالم نے  نشانات   سے  تعبیر  کیا 

اس ارض وسما کے ذرے ذرے کو مگر ٭ عارف نے فقط ذات سے تعبیر کیا 

ـــــــــــــــــــــــــــــــــــــــــــــ

نو   میدی    نظارہ    انوار  بھی    جہل    ٭ امیدِ  شہود و  شوقِ دیداربھی جہل

اک قادر مطلق کا جہاں تک ہے سوال ٭ انکار بھی جہل ہے اقرار بھی جہل  

ـــــــــــــــــــــــــــــــــــــــــــــ

اے   خالقِ  امر خیر  اے  صانع  شر ٭ تجھ پر ہی تو ہے مدار افعالِ شر

ہر ہجو کے تیر کا ہدف ہے تیری ذات ٭ ہرمدح کی تان ٹوٹتی ہے تجھ پر

ــــــــــــــــــــــــــــــــــــــــــــ

وہ  کُفر  کی   تکرار   کیے   جاتا   ہے ٭ یہ   دین   پہ   اصرار   کیے جاتا ہے 

اک عُمر سے انکار پہ مائل ہے دماغ ٭ اور دل  ہے کہ اقرار کئے جاتا ہے

ـــــــــــــــــــــــــــــــــــــــــــــ 

کس نقش میں رنگ حی  و قیوم  نہیں ٭ موہوم ہے اس طرح  کہ موہوم نہیں 

پردے میں ہے اک قوتِ اعلیٰ تو ضرور٭ اس کے اوصاف کیا ہیں معلوم نہیں

ــــــــــــــــــــــــــــــــــــــــــــــ

تبصروں کی پبلشنگ بند ہے

(ایم ۔ ڈی )