Image result for monument valley
ہر چیز سے عیاں ہے،ہرشے میں نہاں ہے،خالِق کائنات، مالِک کائنات
عقلِ کُل،توانائی کُل، ہمہ جہت، ہمہ صِفت،خالِق کائنات، مالِک کائنات
آنکھیں کہ جِن سے میں دیکھا ہوں میری نہیں، عطائے خُداوندی ہے
  پاؤں کہ جِن سے میں چل تا ہوں میرے نہیں،عطائے خُدا وندی ہے
غرض یہ کہ میرے  وجود کا ذرہ  ذرہ   میرا  نہیں ،عطائے خُداوندی ہے
میرے خالِق میرے مالکِ میرے پروردگارانِ نعمتوں کا بے انتہا شُکریہ  


Thursday, October 27, 2011

" سُنی اتحاد کونسل کی ریلی "

 منجانب فکرستان :-" غازیِ ملت ممتاز قادری" رہائی کیلئے ، ایم ۔ اے جناح روڈ پر سنی اتحاد کونسل کی ریلی ۔
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
 یہ روداد میرے دوست نے سُنائی جسے میں نے پوسٹ کی شکل دی ہے۔۔ سُنی اتحاد کونسل نے ہفتہ 22 اکتوبر کو کراچی کے ایم ۔اے۔جناح روڈ پر دوپہر کے وقت ایک بڑی ریلی نکالی ۔۔  یہ کراچی کی ایسی مرکزی روڈ ہے کہ جس پر موٹر پارٹس  ، اسٹیشنری ، پیپرز، کتابیں ،الیکٹرک سامان اور دیگر روز مرہ استعمال  کی اشیاء کی مارکٹیں ہیں ۔۔۔۔ اس لیے یہ روڈ گاڑیوں سےبھرا رہتا ہے ۔ اتوار چھُٹی کی وجہ سے  ہفتہ کے دن کُچھ زیادہ رش ہوتا ہے ۔۔۔ ریلی کہ وجہ سے دو پہر یہ روڈ بند ہوگیا تو اسکا سارا لوڈ شاہراہ لیاقت پر آگیا۔۔۔ نتیجہ پورا روڈ کھچا کھچ بھر گیا اتنا پیک ہوگیا  کہ کوئی پیدل بھی نہیں چل سکتا ، چونکہ فٹ پاتھ بھی موٹر سائیکلوں سے اٹا پڑا تھا۔۔۔۔اُس دن گرمی کی شدّت  بھی زوروں پر تھی ۔۔۔ بس میں یہ تماشا چل رہا تھا کہ ایک جگہ بیٹھے بیٹھے سیٹ گرم ہوجاتی تھی تو تھوڑی دیر کے لیے کھڑے ہوجاتے۔۔۔لیکن بیچارے کار والوں کی حالت بُہت بُری تھی کہ وہ کھڑے رہنے کی سہولت سے محروم تھے۔۔۔ اے/ سی والے تو پھر بھی غنیمت میں تھے لیکن جن کی کار اے/سی نہیں تھی  وہ بہت پریشان تھے ، پسینہ سے بے حال تھے ۔۔۔بسوں میں عورتوں اور بچّوں کا بھی بُہت بُرا حال تھا۔۔۔
 اس ریلی میں "غازیِ ملت ممتاز قادری "کی فوری رہائی کا مطالبہ کیا گیا اور کہا گیا کہ نفاذِنظامِ مصطفےٰ کیلئے 20 نومبر کراچی تا پنڈی ٹرین مارچ ہوگا ۔۔۔۔پاکستان میں  کامیاب ریلی یا ہڑتال ناپنے کا پیمانہ یہ ہے کہ اس ریلی یا ہڑتال سے  خلق خُدا کو کتنی تکلیف پہنچتی ہے ۔۔۔ جتنی زیادہ  تکلیف پہنچے گیاتنی زیادہ کامیاب ریلی یا ہڑتال کہلائیگی۔۔۔ ریلی کتنی کامیاب اس کا اندازہ اس بات سے لگائیں کہ 15 منٹ کا راستہ پھنسی ہوئی گاڑیوں نے 3 گھنٹے میں طے کیا۔۔ ۔یہ ریلی ہفتہ کے بجائے اتوار کو نکالی جاتی تو عوام اتنی پریشان نہ ہوتی ۔۔۔ لیکن پھر کامیاب ریلی ؟؟؟؟  ذیل کی تصویر سے بھی آپ بخوبی اندازہ لگا سکتے ہیں کہ ر یلی کتنی کامیاب تھی ۔۔۔ اور ہمارا ملک کس سمت میں بڑھ رہا ہے ۔ ۔۔
آج 28 اکتوبر ن لیگ ۔۔ ریلی کے زریعے اپنی طاقت کا مظاہرہ کرے گی جس سے خُدا جانے خلقِ خُدا کو کتنی پریشانی ہوگی۔ یہ لوگ یہ بات کیوں نہیں سمجھتے کہ اب شہر اس قابل نہیں ہیں کہ اِن میں ریلیاں نکالی جا سکیں۔۔خاص کر ورکنگ ڈے ریلیاں عوام کو بُہت سی مشکلات سے دوچار کرتی ہیں۔ ۔ ۔ بُہت شُکریہ ۔تبصروں کی پبلشنگ بند ہے ۔۔۔۔ 
میں یہ تو نہیں کہتا کہ میری سوچ سے اتفاق کریں ٭ میں تو یہ کہتا ہوں کہ میری سوچ یہ ہے۔(ایم۔ڈی) 

 تصویر:- بشُکریہ روز نامہ جنگ کراچی۔ 

No comments:

Post a Comment